Mataio 13:15 - Iaai Bible 1901 (New Caledonia)

¹⁵ Anyin ame khot ut hnyekon, tavat ang, Ke hmak je hnyikönyödra he ka long, Kʼ adre mook ge je emaködra; Wâ adre nye wâ ge je emaködra Me long ge je hnyikönyödra, Me wâ ûnykûme ge hnyekudra, Me hmetuhmetu but, Mʼ oge me he ka omeli ödra.

Mataio 13:15 ပူးပေါင်းရင်းမြစ်များ

Salamo 119:70

A khot ut ta je hnyekudra ge pipikhenya; Ke inya oge me hobâ ânyâm hnanyibu.

Ta je Vejec 16:30

Haba at ame mook, me ame ûnykûme ta je ûnyi ae hwali: Ke ame oâ hulo hnen at ame obuhlumo li esongodiny.

Isaia 44:20

E ame han dröu: kʼ ame omono e ge hnyok adre iyawö, me me ca khana he ka omelo hanon me ha, ka habe, Hawa, e ba thoi hnyi hnyam a metök?

Isaia 57:18

Oge wâ but deny ta je gethen, ke oge me he ka omelo e: ke oge me he bi minya ka su e, me okûâ hmetu je ûnyi ae so kâu, me tavat adre me tha tenge mē.

Isaia 6:10

Opipikhenya ju hnyekon tavat eang, ke owejijö but ta je hnyikönyödra, ke omûko but ta je emakö-dra; wâ adre nye wâ ge ta je emaködra, me long ge ta je hnyikönyödra, me khana ge je hnyekudra, me hwio hmetu bi, me metu but.

Jeremia 17:14

Iehova lö, ometu nya but, me inye metu but; omeli nya thö, me inye mot ut; anyin a u thibi hnok hna ogânâ.

Jeremia 17:9

Haba hnyekon at, me wale at ae ti iyawo hon ta je ûnyi hia thithö, ke ti kong e: ie at ame he ka wâhmakhmeto e?

Jeremia 3:22

Hmetu ju öbun tavat öbun e labö kolu, oge me he ka ometo hnobun je hna kolu. Wâ ju, öhmun e o but köu; anyin a u Iehova Khonguhmun.

Jeremia 33:6

Wâ bi, oge me he ka hom kâe ûnyi hnân ometo me eny, ke oge me he ka ometu ödra; ke oge me he ka omanenâ gânâ kodra hnahic me hnathu.

Hosea 14:4

Oge me he ka osoâ hna digic nya gadra: anyin ame hwio gadra anyik hmonyin.

Zakaria 7:11

Ke ödra höcö long, me behânâ bajebenyidra, kʼ adre me hlöng je hnyikönyödra, mʼ adre me ca long bi.

Malaki 4:2

Ke haba öbun tavat öbun e outen iök, me ame he ka o köbun seûnöiny hwakecin ae wisa, me ûnyi hnân ometo hnyi li labenyin; ke öbun e he ka he but me ututut helâ me nokon kau ûheny hnyi haginy.

Mareko 4:12

mʼ adre me he ka wâ, a wâ thibi, kʼ adre me ca wâ ûnykûme bi; ke long, a long thibi, ke ca wâhmakhmeto bi; wâ adre nye hwio thö, mʼ adre me he ka thang degecâ but anyidra ta je hulö.

Luka 19:42

me ha, ka habe, A ne khanö u hnyi bongom bong eang ta je ûnyi a hanen hnahic! ke walang ang adre me ikhâlâ hnyi li emâkâm.

Ta je huliwa 28:27

Anyin ae pipikhenya but hnyekon tavat ang, Ke hmak je hnyikönyödra he ka long, Ke mook ji emaködra; Wâ adre nye wâ ge je emaködra, Me long ge je hnyikönyödra, Me wâ ûnykûme ge je hnyekudra, Me hmetuhmetu but, Ke wâ oge nye he ka omeli ödra.

Ta je huliwa 3:19

Anyin a wale ietra ju öbun me hwio thö, mʼ adre me he ka kot degecâ but anyibun ta je hulo, me me he ka o but je ûen hnân okahwa ûnyi ge Than;

Ta je huliwa 7:57

Me adre me fuc hwege goranyai, me hlöng je hnyikönyödra, me tha utut kâu;

II. Timoteo 4:4

ke adre me he ka wia ta je hnyikönyödra ûnyi hnyi hnathu, me saû but ka hnyi ta je vekhet.

Heberu 5:11

E hu but gahmun ta je hofuc ae se hia he ka hâiâ e, ke hmak bi he ka ha bongon, anyin a öbun bec ka löng.

Hna Omanenâ 22:2

hnyi wanben getheniny. Ke e hnyi li baten wagewe ûöiny möt, at ame wa wan a twelv je bongon, ke ame wa hnyi je tehi hia: ke haba ta je lan ûö me hnân omelö ta je hnyei.