Mataio 13:11 - Iaai Bible 1901 (New Caledonia)

¹¹ E ame thu ködrin me ha, ka habe, Adre me ham köbun he ka wâhmakhmetoâ ta je ûnyi ae iyong hnyi dokhon drany, kʼ adre me ca ham bi kodra.

Mataio 13:11 ပူးပေါင်းရင်းမြစ်များ

Salamo 25:14

Haba ûbnenamö duöng ûnyi ga Iehova me wale unyin tavat adre me outen e; Ke e ame he ka omanenâ kodra anyin ûhihinyköu.

Isaia 29:10

Anyin a hia but Iehova hingâlâ hubun hanuiny mokut hnying, me ömûki öbun, wale ta je perofeta; ke ame tube je böbun, wale tavat wâ.

Isaia 29:11

Ke haba hnaomanenâ hia köbun me helâ me hofuc hnyi tusi adre ohmâ, waleji adre ham ka at ae khana tusi, me ha, ka habe, Ö u aû thö ang; ke haingen, ka habe, E ca khanö nya, anyin adre okeceâ hmâ e:

Isaia 35:8

Ke ame he ka hu hna cit gethen eling, me ke gethen, kʼ adre me he bi ka hwenyi ien e, me, gethen ae kap; ame ca he ka vheno e ge tavat ae kong; ke ame he ka hobi kodra: ke haba tavat vheno gethen, kʼ ame ne tavat ae monu, me adre me ca he ka he monu hnyin.

Mataio 13:10

Me ame o thö laten, me ha kâu, kahabe, Ieû can u je ha kodra ge ta je ûhöûcû?

Mataio 16:17

Ke haba Iesu ame thu me ha kâu, ka habe, Hnâm hnahic Simona Bar-Jona: anyin a ca omanenâ bi köu hnen at, ke hnen bi Kamök ethö hnyi drany.

Mataio 19:11

Ke e ame ha ködrin, ka habe, E ca khana tavat hia he ka kap hofuc e, ke so thibi tavat adre me ham ködrin.

Mataio 20:23

Ke e ame ha ködru, ka habe, Öbu me he ka hnyi ic hnyi anyik kaia: ke haba he ka laba hnyi ke keihen metök me mek, me ca hamök bi he ka ham, ke wale hobi kâu thibi hnen Kamök hna penapena hobi kâu.

Mareko 10:40

ke so bi e ca hanymök he ka ham ka at he ka laba hnyi ke keihen a metök me mek: baba e, me hnân hobi kâu tavat adre me penapena e hobi kâu.

Mareko 4:11

Haingen ame ha ködrin, ka habe, Adre me ham köbun he ka wâhmakhmeto ta je ûnyi ae iyong hnyi dokhu dokhon Khong: kʼ adre me ânyâ ta je ûnyi hia hnyi ta je ûhöûcû hobi kodra eû:

Luka 8:10

Me e ame ha, ka habe, Adre me ham köbun he ka wâhmakhmeto ta je ûnyi ae iyong hnyi dokhu dokhon Khong: ke adre me bi hnân ûhöûcû ka keihen; mʼ adre me he ka bwele, me ca wâ bi, me he ka long me ca wâ ûnykûme bi.

Ioane 6:65

Me e ame ha kodra, ka habe, Waleling me inye ha köbun, ka habe, E ba at ae khana he ka o könya, a ne ca ham kâu hnen Kamen.

Ioane 7:17

A ne weny ke at he ka mâdrâ weny, e ame he ka wâhmakhmetoâ hna ûne, a ne ûnyi ge Khong, oge ne ha ka ûnyi bi gak.

Ta je huliwa 16:14

Ke ame ling ohmun hnen ke momo Lidia ien, at ame ûcû mano ae udrudrâ hlit, aten taun a Thuataira, at ame hmi ka Khong: ke haba Than ame khong ut hnyekon he ka long ta je hofuc ame ha Paulo.

Roma 11:25

Hnyat me lakeiny lö, oge me wek e me khanʼ öbun ûnyi eang ae iyong, wâ öbun nye bemetâ hnen je ûnykûmenöbun, a gʼ adre hia but onâkâ keihen tavat Isaraela, ke ne o but ame o hnahic ka Aten ta je hnyei;

Roma 16:25

Ogânâ thö at ae khana otethmʼ öbun hoton anyik ûthumetu ae so me hna kheti Iesu Keriso, hoton hna omanenâ ûnyi ae iyong waleji adre me ikhâlâ adrem balua,

I. Korinito 13:2

Ke oge ne at perofeta; ke khanö nya ta je ûnyi ae iyong, me je metâ hia; ke a ne hu gak labageju hia, me me khanö nya he ka oc ta je bucen, ke ba gak ibetengiö, awe, iny ca ûnyi hnathu bi.

I. Korinito 15:51

Wâ bi, inya oge me ha köbun ûnyi ae iyong, ka habe, ate me ca he hia ka mokut, ke adre me he ka wiʼ öta,

I. Korinito 2:14

Ke haba aten unyin ame ca kap ta je ûnyi anyin Hanon Khong: anyin a hwen monu e kâu; ke e ca khana he ka wâhmakhmetoâ e, anyin adre me wâ ûnykûme hnen hanu.

I. Korinito 2:7

ke ohmun e ha metâ anyin Khong ûnyi ae iyong, waleji adre me ikhâlâ, ke a ip hnen Khong adrem ke tiga hia bi hmeledrany hnân ogânʼ öta:

I. Korinito 4:1

E SO e he at ka ûnykûme kohmun, a ohmun je athnyabainy Keriso, me je athnyaba adre tuö omjeû wale ta je ûnyi ae iyong anyin Khong.

I. Korinito 4:7

Anyin a ia okebongoni u? ke ewa ke ûnyi gam adre ca ham köu? ke ödra ka hia but ham köu, ieû gam u me hobelöu helâke adre ca ham?

Efeso 1:18

me obwela li emakan je hnyekubun, me me khanʼ öbun dö gejon hnyi hnen hna hawâ, me ûnyi hnathuiny hmanenanginy jekhon unyin wakap,

Efeso 1:9

ke e ame omanenâ köta ûnyi ae iyong hnyi weny, hoton weny ae so, waleji e ame bân ka ûnykûme ûnyi gan

Efeso 5:32

Ûnyi e ae iyong hmonyin: ke oge me ha ge Keriso me ekalesia.

Efeso 6:19

me hobi könya minya, mʼ adre me he ka ham könya he ka fuc, mʼ inye hwege thö he ka omanenâ ûnyi ae iyong hnyi ûthumetu ae so,

Kolose 2:2

mʼ adre me he ka okahwa je hnyekudra, kʼ adre ûhûjâköuâ hnyi betenge, ke hnyi tang omjeû hia wale hna tha kap me wâ ûnykûme, mʼ adre me he ka wâhmakhmeto ûnyi ae iyong anyin Khong, wale Keriso,

I. Timoteo 3:16

Ke ca hnân ivinoâ, ka habe, e gan hmâ ûiyonginy hwakecin ae ûcû me Khong, ka habe, E ame manen dut hnyi unyin, ame haiwisa hnyi hanu, ame wâ hnen ta je angela, adre me khetâ hnyi ta je hnyei, adre me labageju kâu hnyi hmeledrany, adre me kap goranyai ka hnyi hmanenang.

I. Timoteo 3:9

kʼ adre me kât hmâ ûnyi ae iyong hnyi labageju, me oûnykûm ae kalaöt.

Iakobo 1:5

A ne ke at gabun ae ba metâ gan, me so e ame sumâtâ unyin Khong, at ame ham gânâ ka tavat hia thithö, kʼ ame ca û bi; me adre me he ka ham kâu.

I. Ioane 2:20

Ke so bi adre me hû öbun ûnyi ge At ae Kap, ke manen köbun ta je ûnyi hia thithö.

I. Ioane 2:27

Ke haba öbun, me ame tethmâ unyibun hna osûâ waleji öbun e kap ûnyi gan, ke ca ûnyi hnathu köbun ame he ke at ka nʼ öbun; ke haba hnen hna osûâ ame nʼ öbun hnyi ta je ûnyi hia, ke e hnathu e, kʼ ame ca thoi bi, ke helâe, e ame nʼ öbun, ke so öbun e tethmâ hnyin.