Mataio 12:42 - Iaai Bible 1901 (New Caledonia)

⁴² Ame he momo than ûheny hnyi hwaiöu ka tha tot me dö ang hnyi hna owisa he ka hahnaûhangoâ e: anyin a e ame o ûnyi hnyi can hmeledrany he ka long metâ anyi Solomona; ke wâ bi, wale bi ang at ae beönua hu Solomona.

Mataio 12:42 ပူးပေါင်းရင်းမြစ်များ

I. Je Than 10:24

Me haba hmeledrany hia ame elöm Solomona, he ka long anyin metâ, wale Khong ame ip eû hnyi hnyekon.

I. Je Than 3:12

awe, oge hia but ânyâ helâ me hnâm hna ha: me wâ bi, oge hia but ham köu hnyok ae metâ me wahmakhmeto; ke ba ke at a helâ möu ehac, ke haba khaca, e ba ke at ame he ka ûcû möu ame he ka o hwabâm.

I. Je Than 3:28

Haba at Isaraela hia adre me long hna owisa hnen than; me adre me outen than: anyin adre me wâ a e unyin metâ he ka owisa ûnyi ge Khong.

I. Je Than 3:9

Ö u ham könya athnyabaem hnyok ae metâ he ka owisa ka lakem, mʼ inye he ka wâhmakhmeto so me kong; anyin a ie at ae khana he ka owisa ka lakem ae gan helâng?

I. Je Than 4:29

Ke Khong ame ham kö Solomona metâ me wâhmakhmetoâ ae ti gan, me hnyok ae gan hmâ, helâ me öny hnyi köiö.

I. Je Than 4:34

Ke ame o tavat ûhedrin hnyi je hnyei hia he ka long metâi Solomona, ûnyi ge je than hia eang hmeledrany adre me long ge anyin metâ.

I. Je Than 5:12

Ke Iehova ame ham kö Solomona metâ helâ me hnen hna ba bânâ kâu; ke Solomona me Hirama Ödru me laba ûsoköu; ke ödru me ûhihinyköu.

Isaia 7:14

Anyin a wale, ame he Than ka ham köbun haten; wâ bi, ame he hlu ka erkin, me hnokoâ da, me hwenyi ien e Emanuela.

Mataio 12:41

Ame he at Nineve ka tha tot me dö ang hnyi hna owisa, ke adre me he ka ha hnaûhangoâ e: anyin adre me ietra hnyi hna khetâ hnö Jona; ke wâ bi walang at ae beönua hu Jona.

Mataio 12:6

Ke inya oge me ha köbun, ka habe, Wale bi ang At ae gan hon uma kap.

Mataio 17:5

Ke e ame tiga ha, me wâ bi ûlâ ae hadröngöc ame tubi ödrin: ke wâ bi, hwan hofuc ûnyi hnyin ûlâ ame ha, ka habe, Walang Nökuk a oûnykûmik oge me senyin kâu; long ju öbun kâu.

Mataio 3:17

ke wâ bi ke hwan ûnyi hnyi drany, ame ha, ka habe, Walang Nokuk a oûnykûmik, at oge me ti senyin gan.

Ioane 1:14

Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

Ioane 1:18

E ba at ame wâ Khong; kʼ ame omanenâ e hnen Nokon a khaca thibi, wale at hnyi ûlainy Kamen.

Deuteronomi 30:13

Ke haba khaca, ca e bi hnyi hoton köiö, mʼ u me he ka ha, ka habe, Ie at ame he ka kâcâ köiö hobi köta, me hom e köta, mʼ ate me löng me ânyâ!