Mataio 12:41 - Iaai Bible 1901 (New Caledonia)

⁴¹ Ame he at Nineve ka tha tot me dö ang hnyi hna owisa, ke adre me he ka ha hnaûhangoâ e: anyin adre me ietra hnyi hna khetâ hnö Jona; ke wâ bi walang at ae beönua hu Jona.

Mataio 12:41 ပူးပေါင်းရင်းမြစ်များ

Isaia 54:17

E ba ûnyi adre ânyâ hnân vat möu ame he ka ton; ke haba ta je bohmen hia thithö tavat adre me he ka tot ka ivino möu hnyi hna owisa, u me he ka haikongoâ. Wale jekhon je athnyabai Iehova, me hwakecidra ae wisa ûnyi gak, haingö Iehova.

Jeremia 3:11

Ke haba Iehova ame ha könya, ka habe, E hu omi wisa ge Isaraela, at ame labö kolu, hon Juda at iyawo.

Jona 1:2

Todrö he thö Nineve ai, wale taun ae gan, me fuc hwege ûcon; anyin a o but hnyi hnyimakök anyidra monu.

Jona 3:4

Ke haba Jona ame hwân ka dit hnyi taun, ke khaca bong ka he, me e ame hongot, me ha, ka habe, Fâte biju ta bong me adre me he ka ohia but Nineve.

Mataio 12:39

Ke e ame thu ködrin, ka habe, Dö ae kong ke bi ûnyi monu, adre me elâm haten; ke adre me ca he ka ham kodra haten, ke so thibi haten ga Jona perofeta:

Mataio 12:42

Ame he momo than ûheny hnyi hwaiöu ka tha tot me dö ang hnyi hna owisa he ka hahnaûhangoâ e: anyin a e ame o ûnyi hnyi can hmeledrany he ka long metâ anyi Solomona; ke wâ bi, wale bi ang at ae beönua hu Solomona.

Mataio 12:45

Me e ame he but me tha hom mē je hanu a seven ae beönua anyidrin monu hon e, ke ödrin e didro me laba eling: ke haba obiny ka at eling, ame he ka kong hon a bân. Ke ame he ka helâe minya ka dö ang ae kong.

Mataio 12:6

Ke inya oge me ha köbun, ka habe, Wale bi ang At ae gan hon uma kap.

Mataio 16:4

Ame elâm haten hnen dö ae kong kʼ ame bi ûnyi monu; kʼ adre me ca he bi ka ham kâu haten, ke so thibi haten anyi Jona perofeta. Ke e ame hnʼ ödra, me he but.

Mataio 17:17

Ke haba Iesu ame thu me ba, ka habe, Dö ame ca labageju bi, ke hwali lö, oge me he ka tha e möbun ke ne o but kehö? oge me he ka hokhnyoki öbun ke ne o but kehö? hö jem könya.

Mataio 23:36

E hnathu inya oge me ha köbun, ka habe, Ame he ka o ta je ûnyi hia eling ka dö ang.

Luka 11:32

Ame he at Nineve ka tha tot me dö ang hnyi bong owisa, me ha hnaûhangʼ ödra: anyin adre me ietra hnyi hna khetâ hnö Jona; ke wâ bi, wale bi ang at ae beönua hu Jona.

Ioane 3:31

Haba at ûheny thö, me e thibi hon ta je ûnyi hia: ke haba at ûheny hmeledrany, me at hmeledrany bi e, kʼ ame ûhnenamö hmeledrany: haba at ûheny thö, me e thibi hon ta je ûnyi hia.

Ioane 4:12

Hawa, u gan hu Jekob hanen lakamöhmun, at a ham kohmun an ang, ke belen e, me lakon, me ta je haleny?

Roma 2:27

Ke haba tavat adre ca peritomonâ bi, ke ka e bi, ke ame long hoton hnanyibu, hawa, adre me ca he ka haikongu u, at ae hu tusi me hna peritom, kʼ u at hanyâûâ bi hnanyibu?

Heberu 11:7

Hnen labageju Noa ame tibet hu, me omelö anyin lap; anyin a Khong ame koû kâu ge ta je ûnyi adre tiga ca wâ hnyi ûen eling, ke e ame ot; e ame ohnaûhangoâ hmeledrany hnen e, me adre me wia e me atö hnyi hwakecin ae wisa hoton labageju.