Mataio 12:39 - Iaai Bible 1901 (New Caledonia)

³⁹ Ke e ame thu ködrin, ka habe, Dö ae kong ke bi ûnyi monu, adre me elâm haten; ke adre me ca he ka ham kodra haten, ke so thibi haten ga Jona perofeta:

Mataio 12:39 ပူးပေါင်းရင်းမြစ်များ

II. Je Than 14:25

Ke ame hom hmeto hnyigötden Isaraela hwân hnyi gethen ûheny Hamath ke ne o but hnyi köiöiny hnyei ae tha hon, helâ me hofuc ho Iehova Khongu Isaraela, waleji e ame ha a deny athnyabainy a Jona nöku Amitai, perofeta, ûheny Gatha-hefera.

Isaia 57:3

Ke hakekeny ju öbun je lakon momo at ame bihihwakecin, a je mâtrân momo ame bi ûnyi monu me momo hnyi gethen.

Jona 1:1

AME o but hofuc ho Iehova kö Jona nöku Amitai ame ha, ka habe,

Mataio 16:4

Ame elâm haten hnen dö ae kong kʼ ame bi ûnyi monu; kʼ adre me ca he bi ka ham kâu haten, ke so thibi haten anyi Jona perofeta. Ke e ame hnʼ ödra, me he but.

Mareko 8:12

Ke e ame mâng hwege eû hnyi hnyekon me ha, ka habe, Ieû ge do ang adre me elâm haten? e hnathu inya oge me ha köbun ka habe, Adre me ca he ka ham haten ka dö ang.

Mareko 8:38

Haba at ame he ka hmehma gak me hok ta je hofuc hnyi dö ang, a dö bi ûnyi monu, kʼ ame ânyâ ta je hulö, me ame he bi Nokon at ka hmehma gan hnyi ûen e ame tha o me ta je angela ae kap hnyi hmanenanginy Kamen.

Iakobo 4:4

Öbun tavat bi ûnyi monu, hana, e ca khanʼ öbun a iwahnaihmiony me Khong he ka hanen hmeledrany? Anyin a wale haba at ame behe ka hanen hmeledrany me wale iwahnaihmiony me Khong.