Mataio 12:34 - Iaai Bible 1901 (New Caledonia)

³⁴ Je lakon on lö, öbun e he ka kâmâu he ka ha je hofuc ae so, kʼ öbun kong bi? anyin ame fuc hnyem ûnyi ge unöngötiny hnyok.

Mataio 12:34 ပူးပေါင်းရင်းမြစ်များ

Salamo 53:1

HAINGEN at ae monu eû hnyi hnyekon, ka habe, E ba Khong. Adre me bo kong ut, ke adre hia but ânyâ huliwa ae ikiki; E ba at ame mâdrâ so.

Salamo 64:3

Hnyat adre me khet je bohmödra helâke hele vat, Me lau cafana me hlec anyidra je fana, wale je hofuc ae hiny:

Salamo 64:5

Adre me sihwegi ödra bi hnyi ûnyi ae kong; Adre me vak he ka töu hnewe hnyi dok ae iyong; Haingodra, ka habe, Ie at ame he ka wâ?

Ta je Vejec 16:23

Haba hnyekon at ae metâ ame nâ hnyi men, Me bi hanen ûne ka li esongodiny.

Ta je Vejec 4:23

Ti tuö wia ju hnyekom; Anyin ame o but möt ûnyi e.

Isaia 32:6

Anyin ame he at ae monu ka ha hofuc ae monu, kʼ ame he hnyekon ka ânyâ hulo, wale he ka ânyâ hwakecin ae ca ûcû, me ha monu ga Iehova, me oba jeû ka at ae mekihnânem, me ohmö köiö belen at ae beic.

Isaia 59:14

Ke adre me ohmetu hna owisa, ke ame tot sâkâû hwakecin ae wisa: anyin a kolu but hnathu eû hnyi gethen, ke ca khana hwakecin ae fofâ he ka didrö.

Isaia 59:4

E ba at ame hawâ hnyi hwakecin ae wisa, ke ba at ame ivino hnyi hnathu: adre me labageju ka ûnyi ae ba onyen, me ha thoi; kʼ adre me erkinâ ûokonguny, me hnokoâ but hulo.

Isaia 9:17

Anyin a wale ame ca he Than ka senyin ge je hidröu unyidra ke e ame ca he ka betenge ge tavat ae ba kamödra, me je safac: anyin a ödra hia thithö adre me ca ot, ke tavat bi ae kong, me je hnyem hia ame hwen monu. Hnyi ta je ûnyi e hia, ame ca hwio anyin hmonyin, ke ame lau bala bi hnyamen.

Mataio 12:35

Haba at ae so ame hom but ta je ûnyi ae so ûnyi hnyi tang omjehen ae so; ke haba at ae kong ame hom but ta je ûnyi ae kong ûnyi hnyi tang omjehen ae kong.

Mataio 15:18

Ke haba ta je ûnyi ame didrut ûnyi hnyi hnyem, me ame he but ûheny hnyi hnyok; me wale ame oikikiâ at.

Mataio 23:33

Öbun je on lö, ke lakon je vaipa, öbun e he ka kâmâu ka kec ge hnaûhangöiny gena?

Mataio 3:7

Ke hnyi ûen e ame wâ ta je Faresaio me ta je Sadukaio ae se hia adre me o but ka hnyi anyin bapataiso, me e ame ha kodra, ka habe, Je lakon on lö, ia koû köbun mʼ öbun e he ka kec ge hmonyin ame he ka o?

Luka 3:7

Me e ame ha ka tavat ae se hia adre me o but e me he ka bapataisoi ödra, ka habe, Je lakon on lö, ia koû köbun he ka kec ge hmönyin ame be ka o?

Luka 6:45

Haba at ae so ame hom but ta je ûnyi ae so ûnyi hnyi tang omjehen hnyekon ae so; ke haba at ae kong ame hom but ta je ûnyi ae kong ûnyi hnyi tang omjeû ae kong: anyin ame fuc dö hnyem ûnyi ge hnyok ae unöngöt dö.

Ioane 8:44

Ûnyi ge kamöbun öbun, wale diabolo, ke öbun e behe ka ânyâ weny ae kong anyin kamöbun. E at ûhlingö hwân hnyi can, kʼ ame ca tethmâ hnyi hnathu, anyin ae ba hnathu gan. E ka he ka ha thoi, me ka ûnyi gan, anyin a e at thoi, ke kamen thoi.

Efeso 4:29

Ca he bi ka o ûnyi hnyi je hnyimöbun hofuc ae ikiki, ke so bi hofuc ae so hobi kâu ûen ae ûcû, me me okûâ so ka tavat adre me long.

Efeso 5:4

helâe minya ûjao, ke ûhnenamoiny monu, ke ûhiö, wale ke ta je ûnyi ae ca ûcû, ke so bi ole.

Iakobo 3:2

Anyin ate thö hia thö hnyi ta je ûnyi ae se hia. A ne ca thö at hnyi hofuc, awe, e wisa at e, ke e khana he ka tha hom ûhnyûkongo unyin.

I. Ioane 3:10

Ûnyi hnyi e, me manen dut lakon Khong me lakon diabolo: anyin a ca ûnyi ge Khong at ame ca ânyâ hwakecin ae wisa, me at minya ame ca betenge me liamekeiny më.

I. Samuela 24:13

Helâji me vejec ehac anyin wahingat, ka habe, Ame o ûnyi ae kong ûnyi ge at ae kong: kʼ ame ca he hnyamok bi ka mokut hom.