Mataio 12:32 - Iaai Bible 1901 (New Caledonia)

³² Ke haba at ame he ka haikongoâ Nokon at, me adre me he ka hna degecâ e; ke haba at ame he ka haikongoâ Hanu Kap, me adre me ca he ka thang degecâ e hnyi möt ang, ke ba minya hnyi möt ame he ka o.

Mataio 12:32 ပူးပေါင်းရင်းမြစ်များ

Jobu 36:13

Ke haba tavat ame ca ot bi je hnyeku dra, me adre me ûkhöûnâ hmonyin: Adre me ca khöû hnyi ûen e ame cʼ ödra.

Mataio 11:19

Ke ame o but Nokon at, me ame han me ic, ke haingödra, ka habe, Wâ bi, at ae hwenhmiâ me beic waina, hanen ta je telona me tavat ae kong! Ke haba ûnyi hnân haisoâ metâ, me huliwainy.

Mataio 12:31

Anyin a wale, inya oge me ha köbun, ka habe, Adre me he ka thang degecâ ta je monu hia, ke ta je bi gan anyin at; ke haba at ame he ka bi gan ka Hanu, me adre me ca he ka thang degecâ.

Mataio 12:8

Anyin a Nokon at a tuhan sabath.

Mataio 13:22

Ke haba at adre tā hnyi wanben ta je ûö ae ûdedö, wale at ame long hofuc, ke ame kû takoû hofuc hnen je vheliny hmeledrany, me je iyawö ge omjeû, me e ame ca wa but.

Mataio 13:39

ke haba iwahnaihmiony a at ame tā, me wale diabolo: ke haba menu, me wale obiny hmeledrany; ke haba tavat menu, me wale ta je angela.

Mataio 13:40

Ke haba zizania adre ûkhöûnâ he ka thong hnyi meic; me ame he ka helâe hnyi obiny hmeledrany.

Mataio 13:55

Hawa, ca nokon bi at tretrau? ke ca Maria bi ien hinyen? ke hawa, ca je liamekeiny mē jia Iakobo, me Josefa, me Simona, me Juda?

Mataio 8:20

Ke haba Iesu ame ha kâu, ka habe, Haba ta je alope, me hu hnödra hnyi kânâ, ke haba ta je meno ame ga ethö, me hu haûödra; ke haba bi Nokon at, me ba hnân omokulec ban hnyin.

Mareko 10:30

kʼ ame ca he ka kap walang ang hmetu wan handed, a je uma, me je liamekeiny, me lahaniny, me hinyen, me lakon, me ta hnyei, tha e me je vec; ke haba hnyi ûen ame he ka o thö, wale möt ame ca ba balua.

Mareko 3:28

E hnathu inya oge me ha köbun, ka habe, Adre me he ka hna degecâ ta je monu hia a ânyâ ge tavat, me je bigan a hnödra ta je hna bigan:

Mareko 3:29

ke haba at ame he ka bigan ka Hanu Kap, me adre me ca he ka hna degecâ, kʼ ame he bala anyin hulö ka mokut hon nyiele balua:

Luka 12:10

Haba at ame he ka bifuco Nokon at, me adre me he ka hna e: ke haba at ame he ka haikongoâ Hanu Kap, me adre me ca he ka hna degecâ e.

Luka 16:8

Ke haba than ame haisoâ athnyabainy ae ca wisa, anyin a e ame ânyâ metâ: anyin ae metâ but aten hmeledrany unyin anyidra dö hon tavat a aten melam.

Luka 18:30

me e ame he ka kap ta je ûnyi ae se hia hnyi ûen ang, ke hnyi ûen ame he ka o möt ae ca ba balua.

Luka 23:34

Haba Iesu ame ha, ka habe, Cica lö, hnʼ ödra but; anyin ae ca khanʼ ödra hnödra hna mâdrâ. Ke adre me khenâ anyin je ûkhaû me ugleköbâ.

Luka 7:34

Kʼ ame o but Nokon at ame han me ic, ke haingöbun, ka habe, Wâ bi at ae hutö me hwen hmiâ waina, hanen ta je telona me tavat ae kong!

Ioane 7:12

Ke gan hmâ hna ûlidro gan ge tavat ae se hia: haingen keihen, ka habe, E at ae so; haingen keihen, Ohe, e ame omono tavat ae se hia.

Ioane 7:39

Ke e ame ha ge Hanu, wale ame he tavat adre me labageju kâu he ka kap: anyin adre me tiga ca ham Hanu; anyin adre me tiga ca ogânö Iesu.

Ioane 7:52

Me adre me thu me ha kâu, ka habe, Ûhem minya Galilaia? Elâm dö me wâ, anyin ae ba ke perofeta ame o ûheny Galilaia.

Ta je huliwa 3:19

Anyin a wale ietra ju öbun me hwio thö, mʼ adre me he ka kot degecâ but anyibun ta je hulo, me me he ka o but je ûen hnân okahwa ûnyi ge Than;

Efeso 1:21

e beönua bala hon je than hia thithö, me musi, me man, me dokhu, me je ien hia adre me ha, ca hake thibi eang hmeledrany, ke minya bi hnyi ûen ame he ka o:

I. Timoteo 1:13

ke haba bi ehac, me, iny at bi gan, me ûöveci, me at ame okongoâ: ke e ame betenge gak, anyin a oge me ânyâ hnyi ca khanö nya, me hnyi hnok hna ca labageju;

I. Timoteo 1:15

Walang uthofuc ae hnathu, me ti ûcû he ka kap, ka habe, A o Keriso Iesu eang hmeledrany he ka omelö tavat ae monu; ke iny beönua bi hudrin:

I. Timoteo 4:8

anyin ae ûhnyûkong troban huliwa hnyi unyin; ke so bi, haba hwakecin helâ me Khong, me bu troban hnyi ta je ûnyi hia thithö, e hu hna ha bânâ hobi kâu möt walang ang, me möt minya bi nyiele.

I. Timoteo 6:17

Hûna thö ka tavat tren omjeû eang hmeledrany ka habe, Ca he ödra bi ka bi gan, me ca he ka gejon ta je omjeû wale ame ca tethmâ, ke so bi ka Khong ae möt at ame ham köta hia ta je ûnyi hnân osenyini öta;

II. Timoteo 4:10

anyin a hia but Dema hna degeci nya, kʼ ame hnyokâ hmeledrany, ke ame he but Thesalonika ai; ke Kerese ame he but Galatia ai, kʼ ame he but Tito Dalamatia ai.

Tito 2:12

ame nʼ öta, mʼ ate me he ha hociâ hwakecin ae ca ûcû me Khong, me ta je weny hmeledrany ae monu, ke ate me he bi ka labö ûnykûme wia, me ânyâ hwakecin ae wisa, me hwakecin ae ûcû me Khong hnyi möt ang;

Iakobo 1:27

Walang hwakecin hmi ae kalaöt me ba hnyikongon hnyi hnyimakan Khong a Kamen, ka habe, he ka senâ je nakahme me je safac hnyi anyidra vec, me hamen he ka tuö e, me me ca hu hnyikongon hnen hmeledrany.