Mataio 12:30 - Iaai Bible 1901 (New Caledonia)

³⁰ Haba at ame ca tha hien mönya, me wale iwahnaihmiony mönya; ke haba at ame ca tha ûkhöûnâ mönya, me ame oveseâ but.

Mataio 12:30 ပူးပေါင်းရင်းမြစ်များ

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

Salamo 94:16

Ie at ame he ka tot hobi könya ka tavat adre ânyâ hulo? Ie at ame he ka tot hobi könya ka tavat adre me ânyâ ûnyi ae kong?

Ta je Vejec 11:24

E hu at ame oveseâ anyin ta ûnyi, me ame gan tot anyin ta ûnyi; Ke e hu tavat adre behânâ ûnyi ae ûcû, ke adre me he bala ka theduoc.

Hosea 1:11

Ke ame he ka ûkhacaköu je lakon Juda, me je lakon Isaraela, ke adre me he ka otilâ hobi kodra ke taben a khaca, ke adre me he ka he but ûnyi hnyi hnyei: anyin ame he ka bong ae gan bong bongu Jezerela.

Mataio 12:29

Ke ame be ka kâmâu at ka dit ka hnyi uma umen at ae hwege, he ka söh anyin ta je ûnyi, a ne ca bân bi he ka ca at ae hwege? me ame he bi ka söh umen uma.

Mataio 6:24

E ba at ae khana be ka athnyabainy li tuhan a lo: anyin a e ame he ka hûkötiâ khaca me weny khaca; kʼ ame ne be ka kece ka khaca me hociâ khaca. E ca khanʼ öbun he ka bi athnyabainy Khong me mamona.

Mareko 9:40

Anyin a haba at ame ca iwahnaihmiony mötin, me ame tha hien mötin.

Luka 11:23

Haba at ame ca tha hien mönya, me, iwahnaihmiony mönya; ke haba at ame ca tha ûkhöûnâ mönya, me ame vese but.

Luka 9:50

Ke haba Iesu ame ba kâu, ka habe, Ca thawâ bi e: anyin a haba at ame ca iwahnaihmiony möbun, ame tha hien möbun.

Ioane 11:52

ke ca hake hnân hnyei eling, ke so bi mʼ adre me ûkhacaköu lakon Khong adre vese, mʼ adre me khaca thibi.

Josua 24:15

Ke ame ne kong köbun he ka bi athnyabai Iehova, ûca thʼ öbun hnyi bong ang at öbun e he ka bi athnyabainy; ame ne je khong waleji a bi athnyabainy lakamöbun hoton Wagawe, ame ne je khong khongon at Amora, hnyi hnyei öbun e labā: ke haba inya me anyik lap, ohmun e he ka bi athnyabai Iehova.

Josua 5:13

Ke e Josua hnyi Jeriko, me e ame bwele me wâ, ke wâ bi, ame tot cicö e at ame tot me hele vat adre oc hnyi hnyamen: ke haba Josua ame he kâu me ha kâu, ka habe, U me tha hiâm möhmun, hawa, me je iwahnaihmiony möhmun?

I. Ioane 2:19

Adre me he but unyita, ke so bi ca lahanöta ödra; anyin adre ne je lahanöta, me adre me ne hia but tethmâ unyita: ke adre me he but, me me manen dut a ca je lahanöta ödra hia.