Mataio 11:27 - Iaai Bible 1901 (New Caledonia)

²⁷ A hia but Cica ham könya ta je ûnyi hia: ke ba ke at ame wâhmakhmetoâ Nokon, ke Kamen thibi; ke ba at ame wâhmakhmetoâ Kamen, ke Nokon thibi, me at minya ame weny Nokon he ka omanenâ kâu.

Mataio 11:27 ပူးပေါင်းရင်းမြစ်များ

Mataio 28:18

Me haba Iesu ame o but ködrin me ba hofuc ködrin, haingen, ka habe, Adre hia but ham könya musi hia hnyi drany me eang hmeledrany.

Luka 10:22

A ham könya ta je ûnyi hia thithö hnö Cica: ke ba at ame wâhmakhmetoâ Nokon, ke Kamen thibi; ke ba at ame wâhmakhmetoâ Kamen, ke Nokon thibi, me at minya hnen Nokon hna weny he ka omanenâ kâu.

Ioane 1:18

E ba at ame wâ Khong; kʼ ame omanenâ e hnen Nokon a khaca thibi, wale at hnyi ûlainy Kamen.

Ioane 10:15

helâ me Kamök ame wâhmakhmetu nya, helâ minya me inya oge me wâhmakhmeto Kamök; ke inya oge me ham anyik möt hnân singiny ta je mamoe.

Ioane 13:3

ke a wâ but Iesu a gʼ ame hia but hna ta je ûnyi hia ka hnyi hnyamen hnen Kamen, ke ûheny unyin Khong, kʼ ame he ka hmetu ka Khong,

Ioane 17:6

Oge hia but omanenâ iâm ka tavat u je hna könya ûnyi eang hmeledrany: ânyâm ödrin ke u je hnʼ ödrin könya; ke ödrin e vheno but hwâm hofuc.

Ioane 3:35

Haba Kamen ame betenge ka Nokon, kʼ ame hna ta je ûnyi hia ka hnyi li hnyamen.

Ioane 6:46

E ba at ame wâ Kamen, ke so thibi at a ûnyi ge Khong, e ame wâ Kamen.

Ioane 7:29

E khanö nya e, anyin a ûhek unyin, ke e a kunö nya.

I. Peteru 3:22

wale hnyi ke keihen a metân Khong, ke a ölö hnyi drany ai: ke ame löng hoton hnen ta je angela, me tavat musi, me ta je man.

I. Ioane 2:23

Haba at ame ivinoâ Nokon, me hia but Kamen unyin: ke haba at ame haimemenâ Nokon, me e but unyin minya Kamen.

II. Ioane 1:9

Haba at ame ûne kʼ ame ca tethmâ hnyi hna ûne anyin Keriso, me Khong ame ca laba unyin: ke haba at ame tethmâ hnyi hna ûne anyin Keriso, me hu but gan Kamen me Nokon minya.