Mataio 11:25 - Iaai Bible 1901 (New Caledonia)

²⁵ Hnyi ûen e Iesu ame thu me ha, ka habe, Inya oge me ole köu Cica, Tuhan drany me hmeledrany, anyin a u je ikhâlâ ta je ûnyi eang ge tavat ae metâ me tavat ae khana wia, ke u je omanenâ bi ka ta je mendreng:

Mataio 11:25 ပူးပေါင်းရင်းမြစ်များ

Genese 14:19

Me e ame hahnahicâ, me ba, ka habe, E so e hnahic Aberama ûnyi ge Khong ae Beönua, at a gan drany me hmeledrany:

Genese 14:22

Ke haingö Aberama ka than Sodoma, ka habe, Oge hia but hai hnyamök kö Iehova, Khong ae Beönua, at a gan drany me hmeledrany,

II. Je Than 19:15

Ke haba Hezekia ame hic hnyi hnyimakö Iehova, me ha, ka habe, Iehova lö, Khongu Isaraela, at ame laba hnyi wanben li kerubi, u thibi Khong hnyi ta je dökhu hia eang hmeledrany; u je op drany me hmeledrany.

I. Man Ûlabainy Je Than. 29:13

Ke walang ang Khonguhmun lö, ohmun e oleâ köu, me olungâ iâm ae hmanenang.

Jobu 37:24

Anyin a wale ame outen e ge tavat: Ke ame ca wâ hmâ tavat adre me hnyokâ wisa.

Salamo 8:2

Ûnyi hnyi hnyimen ta je mendring me ta je inma u je otilâ tang hwege, Can ta je iwahnaihmiony möu, Mʼ u me he ka olaba wia iwahnaihmiony, me at ame bi hwaban hmetu.

Isaia 5:21

Ekölö ge tavat a ödra metâ hnyi fanödra hna ûnykûme bi, me ûnykûme a ödra tavat wâ wia!

Isaia 66:1

WALANG hna ha hnö Iehova, ka habe, Anyik theron drany, ke taben li hnyeûcak hmeledrany: ieû bongon uma öbun e he ka op hobi könya? ke ewa dok oge me he ka menâ hnyin?

Daniela 2:23

Inya oge me ole me oganö u Khongon lakamök, u at a ham könya metâ me man, ke u je hia but omanenâ könya walang ang hnöhmun hna sumatö u: anyin a u je hia but omanenâ kohmun ûnyi anyin than.

Daniela 4:35

kʼ ame ûnykûme a helâ me thatûnyi tavat adre me labâ hia hmeledrany: ke e ame ânyâ hoton weny unyin je köiöiny drany, ke tavat adre me labâ hmeledrany; ke ba at ame he ka thawâ hnyamen me ba kâu ka habe, Ieû u me ânyâ?

Mataio 16:17

Ke haba Iesu ame thu me ha kâu, ka habe, Hnâm hnahic Simona Bar-Jona: anyin a ca omanenâ bi köu hnen at, ke hnen bi Kamök ethö hnyi drany.

Mataio 21:16

me ha kâu, ka habe, Hawa, u je long hnödrin hna ha? Haingö Iesu ame ha kodra, ka habe, Eke: öbun e ca munyi aû, ka habe, Ûnyi hnyi hnyimen ta je wanakat me ta je mendreng u je obekhötâ bi hna haisoâ.

Luka 22:42

ame ha, ka habe, Cica lö, a ne wem he ka hom but utköiö eang gak; ke so bi, ca he ka ânyâ wek, ke so bi wem.

Luka 23:34

Haba Iesu ame ha, ka habe, Cica lö, hnʼ ödra but; anyin ae ca khanʼ ödra hnödra hna mâdrâ. Ke adre me khenâ anyin je ûkhaû me ugleköbâ.

Ioane 11:41

Me adre me hom but veto. Ke haba Iesu ame bwele thö görany ai me ha, ka habe, Cica lö, inya oge me ole köu anyin a u me ling nya.

Ioane 12:27

E hlohlo hnyekuk walang ang; ke ieû oge me he ka ha? Cica lö, bethe omeli nya hnyi ûen ang. Ke so bi can e oge me o but ka hnyi ûen ang.

Ioane 12:28

Cica lö, ogânâ thö iâm. Me ame o but hofuc ûnyi hnyi drany, ka habe Oge hia but ogânâ, ke oge me he hmetu ka ogânâ.

Ta je huliwa 17:24

Haba Khong at ame op hmeledrany me ta je ûnyi hia eû hnyin, e thibi Tuhan drany me hmeledrany, e ame ca laba hnyin ta je uma adre ânyâ ge je hnyamen;

I. Korinito 2:10

Ke a hia but Khong omanenâ köta hnen Hanu: anyin a Hanu ame elelâm ta je ûnyi hia, eke, ta je ûnyi ae dit anyin Khong.

II. Korinito 3:14

ke adre onâkâ je oûnykûmenödra: anyin a e bala bi ke ne o but hnyi bong ang adre ca hota but hna tube eling, hnyi ûen adre me aû ûhihinyköu adrem; waleji hna tube adre me ohia ûnyi hnyi Keriso.

I. Samuela 2:18

Ke Samuela ame bi athnyaba hnyi hnyimakö Iehova, ke e tiga wanakat, kʼ ame weikâ iefoda lino.