Mataio 11:20 - Iaai Bible 1901 (New Caledonia)

²⁰ Me e ame hwân ka haikongoâ ta je taun e ame ânyâ hnyin ta je huliwa ae man ae se hia, anyin adre me ca ietra bi.

Mataio 11:20 ပူးပေါင်းရင်းမြစ်များ

Jeremia 8:6

Oge me tevehlöng me long, ke adre me ca fuc wisa: e ba at ame ietra anyin hulo me ha, ka habe, Ieû hnok hna ânyâ? ödra hia thithö adre me ve hmetu ka hnyi dedra je gethen, helâ me hors ame ie wadring ka hnyi vat.

Mataio 12:41

Ame he at Nineve ka tha tot me dö ang hnyi hna owisa, ke adre me he ka ha hnaûhangoâ e: anyin adre me ietra hnyi hna khetâ hnö Jona; ke wâ bi walang at ae beönua hu Jona.

Mareko 16:14

Ke hwaban dö e e ame manen ködrin a eleven ödrin e tiga laba ka han; me e ame û ödrin can anyidrin ca labageju me khot a je hnyekudrin, anyin a ödrin e ca kap bi hna ha hnen hnyat ödrin e wâ e a ga möt hmetu thö.

Mareko 9:19

Me e ame thu ködrin, ka habe, Dö ame ca labageju lö, oge me he ka tha inya möbun ke ne o but kehö? oge me he ka hokhnyoki öbun ke ne o but kehö? hö jem könya.

Ta je huliwa 17:20

Anyin a u me hom ka hnyi je hnyikönyöhmun ke ta je ûnyi bi: anyin a wale, e bewehmun he ka wâ ûnykûme bongon ta je ûnyi e.

II. Korinito 12:21

wâ e nye he Khonguk ka ohnyikönö nya unyibun, hukâ o hmetu, me oge me he ka tengiâ tavat ae se hia, a tavat adre me mâdrâ hulo, kʼ adre ca ietra hwakecidrin ae ikiki, ke bi ûnyi monu, ke wagelue adre me ânyâ.

Iakobo 1:5

A ne ke at gabun ae ba metâ gan, me so e ame sumâtâ unyin Khong, at ame ham gânâ ka tavat hia thithö, kʼ ame ca û bi; me adre me he ka ham kâu.

Hna Omanenâ 16:11

ke adre me haikongoâ Khongon drany can anyidra ta je vec me hnödra je anyû; ke adre me ca ietra bi ta je hwakecidra.

Hna Omanenâ 16:9

Me ame hlâ tavat hnen kahwa ae gan: me adre me haikongoâ ien Khong wale at ae hu man hon ta je mok e; ke adre me ca ietra bi me he ka ogânâ e.

Hna Omanenâ 2:21

Ke oge me ham kâu ûen he ka ietra; ke e ame höcö he ka ietra anyin je bi ûnyi monu.