Mataio 11:14 - Iaai Bible 1901 (New Caledonia)

¹⁴ Ke a ne webun he ka kap, wale Elia, at ame he ka o.

Mataio 11:14 ပူးပေါင်းရင်းမြစ်များ

Ezekiela 2:5

Ke haba ödra, adre me ne he ka long, kʼ ame ne ba, (anyin a ödra lap ûkhin fuc,) me ame he ka khanʼ ödra ae unyidra perofeta.

Malaki 3:1

WÂ bi, oge me kunâ anyik ûthumetu ke e ame he ka ânyâwia gethen hnyi hnyimakök: ke ame he ka ie o ka hnyi uma umen Than wale öbun e elâm; me ûthumetuiny ûhihinyköu at öbun e senyinâ, wâ bi, e ame o, haingö Iehova tuhan sabaoth.

Malaki 4:5

Wâ bi, oge me he ka kunö Elia perofeta köbun e ka tiga ca o bi bong bongu Iehova bong ae gan ke hnân outen.

Mataio 11:13

Anyin a haba ta je perofeta hia me ta je hnanyibu, adre perofeta ke ne o but kö Ioane.

Luka 1:17

Ke e ame he ka bân hnyi hnyimakan hnyi hanu me man mani Elia, he ka ohmeto hnyekon ta je kamen ka lakudra, me tavat adre hwen höcö ka hnyi metâ anyin tavat ae wisa; me me he ka ânyâwia tavat adre penapena hobi kâu Than.

Ioane 16:12

E hu bala gak ta je hofuc ae se hia he ka ha köbun, ke ca khanʼ öbun he ka kap walang ang.

I. Korinito 3:2

Oge abelibun ge debai, ke ca haöbun bi ge utiö: anyin ae ca khanʼ öbun ehac; ke ca khanʼ öbun bala walang ang;

Hna Omanenâ 20:4

Ke oge me wâ je theron, me hnyat ödrin e laba hon, ke adre me hna ködrin he ka hnei: ke oge me wâ minya je hanon tavat adre subâ je nyidra can hna ohnathu Iesu, ke can hofuc hwan Khong, ke tavat adre me ca hnyi khudrung ka meno, me at a we e, ke adre me ca hnyi kap haten hon je baridra ke hon je hnyamödra; ke adre me möt, kʼ adre me tha musi me Keriso ke ne o but hnyi je huna a wan thauzan.