Mataio 10:6 - Iaai Bible 1901 (New Caledonia)

⁶ ke so bi, he thʼ öbun ka ta je mamoe a hia hanen lap anyi Isaraela.

Mataio 10:6 ပူးပေါင်းရင်းမြစ်များ

Salamo 119:176

Oge hia but he monu helâ me mamoe a hia; ö u elom nya, Anyin oge me ca hnying ânyâm ta je hnanyibu.

Isaia 53:6

Öta hia thithö ate me hia but he monu helâ me je mamoe; ate me ve saû ka hnyi je gethen, ke haba Iehova ame ip hon e anyita ta je hulo hia thithö.

Jeremia 50:17

Isaraela mamoe adre oveseâ; ame alen e hnen je liona: a bân than Asuria ka an e; ke a biliny Nebukaneza eang than Babulona ame thö je jeien.

Jeremia 50:6

Haba je lakeik a hia but helâ me je mamoe a hia, a omonu ödra hnen tavat tuʼ ödra, adre hia but hna degeci ödra hon je bucen: adre me he monu hon je bucen me je hut, adre hnying ut hnödra hna menâ.

Ezekiela 34:16

Oge me he ka elâm at ae hia, me ohmeto hna obâ me ce ujâ at ae hmetru jein, me ohwegiâ at ae sënyin, ke haba at ae pipikhenya ke at ae hwege, me oge me he ka ohia; kʼ oge me he ka ha ödra ge hna owisa.

Ezekiela 34:4

Öbun e ca hia but sihwegiâ ta je meno ae sënyin, ke omelo at ae mok, kʼ öbun e ca ujâ meno ae hmetru jein, kʼ öbun e ca ohmeto je hna obâ, kʼ öbun e ca elâm at ae hia; ke öbun e hia but musi ödra hwege me oveci ödra.

Ezekiela 34:6

Haba halek je mamoe adre me he monu hon je bucen me je hut hia ae gorany: eke, ame vese thö halek ta je mamoe hon hmeledrany hia thithö; ke ba at ame elâm me hnö.

Ezekiela 34:8

Haingen Than Iehova, ka habe, Kia inya inya, anyin adre hia but söh hnok hnahat mamoe, ke ka an dut je menoiny hnyot hia halek je mamoe, anyin ae ba at ame tuö, ke adre me ca elâm hnok hnahat mamoe hnen tavat tuö halek je mamoe, ke haba tavat tuö mamoe adre me ka ha ödra bi, me ca han bi hnok hnahat mamoe;

Mataio 18:10

Wâ eâu öbun nye hûkötiâ ke at ae ûhnyûkong eang; anyin a inya oge me ha köbun, haba anyidrin ta je angela ethö hnyi drany adre me wâ bala hnyimakan Kamök ethö hnyi drany.

Luka 24:47

me he ka khetâ, hnyi ta je hnyei hia hwân hnyi Jerusalema, ietra, mo he ka thang degecâ ta je hulö ûnyi ge ien.

Ta je huliwa 13:46

Me ame hwege thö Paulo me Banaba he ka ha, ka habe, E ûcû he ka bân ka omanenâ köbun hofuc hwan Khong. Ke can bi anyin a öbun e hna degecâ me oûnyibâûâ hobi köbun bi möt ame ca ba balua; waleling me ohmu me hwio ka Aten ta je hnyei.

Ta je huliwa 18:6

Ke adre me hna degecâ, ke fuc bigan, me e ame jijingâ anyin je ûkhaû me ha ködra, ka habe, Ame he dröbun ka tabâ je böbun bi; ke iny gufa bi nya: hwan walang ang oge me he bi nya ka Aten ta je hnyei.

Ta je huliwa 26:20

ke oge me bök ka haimemenâ ködra hnyi Damaseko me Jerusalema, me hnyi hnyei Juda hia, me Aten minya ta je hnyei, mʼ adre me he ka ietra me hwio ka Khong, me ânyâ je hwakecin ae ûcû me ietra.

Ta je huliwa 3:26

Ke haba; Khong ame oâ Aten, kʼ ame kunâ bânâ köbun he ka ohnahici öbun, wale he ka ve! ohmetu öbun ûnyi hnyi anyibun ta je hulo.

I. Peteru 2:25

Anyin a öbun e he monu ehac helâ me ta je mamoe adre monon gethen; ke walang ang öbun e hmetuhmetu ka At tuö mamoe, me Pisopiny ta je hanubun.