Mataio 10:5 - Iaai Bible 1901 (New Caledonia)

⁵ Wale hnyat a twelv a kunʼ ödrin Iesu me hûna ködrin, ka habe, Ca he öbun hnyi gethen deny Aten ta je hnyei, ke ca dit bi ka hnyi ke taun anyin at Samaria:

Mataio 10:5 ပူးပေါင်းရင်းမြစ်များ

Mataio 22:3

kʼ ame kunâ lathnyabainy he ka hom tavat adre hia but hawâ ka hnyi bijeûiny faipoipo: kʼ adre me höcö.

Mataio 4:15

Hnyei Zebulona me Nafatali, Cicö köiö, hoton Joridano, Galilaia iny ke je hnyei,

Mareko 6:7

Ke e ame hawâ hnyat a twelv, me hwân he ka kunʼ ödrin, a ödrin ûcû lo; ke e ame ham ködrin musi hon ta je hanu ae kong;

Luka 10:1

HWABAN ta je ûnyi eling, haba Than ame ûca keihen tavat a sevente, me kunʼ ödrin, a ödrin ûcû lo he ka bödra ka hnyi ta je taun, me ta je dok e ame he ka he hnyin.

Luka 10:33

Me ame he but minya ke at Samaria, me o kâu: ke e ame wâ e, me e ame betenge gan,

Luka 17:16

me ta ju hnyikânâi hnyi hmelen li can, me ole kâu: haba at Samaria e.

Luka 9:1

E AME hawâ ûkhacaköuâ hnyat a twelv, kʼ ame ham ködrin man, ke he ka muso ta je demoni, ke he ka ohia ta je mok.

Luka 9:2

Me e ame kunʼ ödrin he ka khetâ dokhu dokhon Khong, me he ka omelö tavat ae hu mok gadra.

Ioane 17:18

U je kunö nya ka hnyi hmeledrany, helâe minya oge me kun Ödrin ka hnyi hmeledrany.

Ioane 20:21

Me Iesu ame ha hmetu ködrin, ka habe, Hnahic köbun: inya oge me kunʼ öbun helâ me Kamen ame kunö nya.

Ioane 4:20

Haba lakamöhmun adre me hmi hnyi bucen ang, ke öbun e ha, ka habe, E ûcû ka tavat he ka hmi hnyi Jerusalema.

Ioane 4:5

Me e ame o but hnyi ke taun hnyi Samaria, Sikara ien, e hakekeny ka hnyi utkânâ a ham Jekob ka nokon jia Josefa:

Ioane 4:9

Ke haingen momo Samaria kâu, ka habe, Ieû gam, a u at Juda, kʼ u me sumatö köiö gak, kʼ iny momo Samaria bi nya? (Anyin ae ca iate at Juda me at Samaria.)

Ioane 7:35

Me haba at Juda adre me ûhnenamököuâ, ka habe, Ewa dok ame he at ang ka he ka hnyin mʼ ate me ca he bi ka wâ; hawa, e ame he ka he ka tavat adre vese unyin at Heleni, me nâ at Heleni?.

Ioane 8:48

Haba at Juda adre me thu kâu, ka habe, Hawa, ohmun e ca ha hnatho, ka habe, U at Samaria, ke e gam demoni?

Ta je huliwa 1:8

E ka o but köbun Hanu Kap, me öbun e he ka tren man: mʼ öbun e he ka ohnathu nya hnyi Jerusalema, me Juda hia me Samaria ke ne o but hnyi je can hmeledrany.

Ta je huliwa 10:45

Me ame uthmâhmâ tavat adre me labageju a tavat adre peritomon, wale hnyat adre tha he me Peteru, anyin adre me hingâlâ minya bwihlany wale Hanu Kap hon Aten ta je hnyei.

Ta je huliwa 8:1

KE Saulo minya ame ogâ anyin mok. Ke haba hnyi bong eling ame kû gan hmâ but hna ovecâ ekalesia hnyi Jerusalema; ke adre me vese hia but ka hnyi ta je ke keihen hnyei Juda me Samaria, ke hake je aposetolo thiju.

I. Thesalonika 2:16

kʼ adre me thawʼ öhmun he ka fuc ka Aten ta je hnyei, wale me me ca he ka hu möt gadra; kʼ adre me obekhötâ bala anyidra hulo: ke ame o but kodra hmonyin he ka oumo.