Mataio 10:37 - Iaai Bible 1901 (New Caledonia)

³⁷ Haba at ame betenge ka kamen me hinyen huk, me ca ûcû könya; ke haba at ame betenge ka nokon baga me nokon hlo huk, me ca ûcû könya.

Mataio 10:37 ပူးပေါင်းရင်းမြစ်များ

Genese 21:11

Ke a vec gan hmâ Aberahama ge hofuc eling, can nokon.

Zakaria 13:3

Ke ame ne perofeta hmetu ke at, ke ame ne ba kâu hnen kamen me hinyen, a li at ödre hnokoâ, ka habe, U me ca he ka möt; anyin a u me ha thoi hnyi iö Iehova: ke e ka perofeta, me ame he kamen me hinyen a li at ödre hnokoâ ka dâoâ e.

Mataio 22:37

Me e ame ha kâu, ka habe, U me he ka hnyok ka Than a Khongom ge hnyekom ae bekhöt, me hanom ae bekhöt, me oûnykûmâm ae bekhöt.

Mataio 22:8

Me e ame ha ka lathnyabainy, ka habe, Adre hia but penapena bijeûiny faipoipo ke ca ûcû ödra bi, a tavat adre me bödra ka hawâ.

Luka 14:26

A ne hu at ame he ka o könya, ke ame ca hociâ bi kamen, me hinyen, me âiân, me lakon, me je liamekeiny, me lahaniny, me anyin minya bi möt, e ca khana he ka bi hanen ta je latök.

Luka 20:35

ke haba tavat a ödra ûcû he ka he ka hnyi möt eling, ke he ka möt hmetu ûhedra hnyi hna mok, me adre me ca he bi ka faipoipo me ûham ta momo:

Luka 21:36

Ke hmâkâ ju öbun hnyi je ûen bia, me labö hic, me me khanʼ Öbun he ka kec ge ta je ûnyi hia eang ame he ka o, me he ka ûtitilen hnyi hnyimakan Nokon at.

Ioane 5:23

me me he tavat hia thithö ka ogânâ Nokon helâ me hnödra hna ogânâ Kamen. Haba at ame ca ogânâ Nokon, me ame ca ogânâ Kamen at a kunâ e.

Deuteronomi 33:9

At ame ha ge kamen me hinyen, ka habe, Oge ca wâ e; Kʼ ame ca wâhmakhmeto je liamekeiny mē, Ke ca khana je hing lakon: Anyin adre me hia but wâ wia hwâm hofuc, Me tuö ûhihinyköu möu.

Hna Omanenâ 3:4

Ke e hu but gam tavat ae wakhalet hnyi Saradi, kʼ adre me ca hia but okânâ anyidra je ûkhaû: me adre me he ka tha he mönya kʼ adre khaû hau; anyin a ödra ûcû.

I. Samuela 2:29

Anyin a wale can ieû öbun e uto hut me bwihlany könya, wale oge hûna ka hnyi hnyabak; me oganâ lakom huk he ka opipikenyai öbun ge je hut hia ae ûnyi hnathu anyin at Isaraela a lakeik?