Mataio 10:28 - Iaai Bible 1901 (New Caledonia)

²⁸ Ke ca ot bi ge tavat adre me hlingâ unyin, ke ca khanʼ ödra bi he ka hlingâ hanu: ke so he ka outen at ae khana he ka ohnaûhangoâ unyin me hanu hnyi gena.

Mataio 10:28 ပူးပေါင်းရင်းမြစ်များ

II. Je Than 17:39

ke so bi öbun e he ka outö Iehova Khongubun; kʼ ame he ka omeli öbun ûnyi hnyi hnyamen je iwahnaihmiony möbun hia.

Jobu 37:24

Anyin a wale ame outen e ge tavat: Ke ame ca wâ hmâ tavat adre me hnyokâ wisa.

Salamo 119:120

Ame öbubuny vik ge hnok hna outö u; Ke iny ot ge hnâm ta je hna owisa.

At Khet 5:7

Anyin ame he ka helâe can je bwi ae se hia, me je thatûnyi, me se hia je hofuc: ke u me he ka outen Khong.

Isaia 51:12

Inya, inya at ame otubweli öbun: u ia, at ame outen at ame he ka mok, ke nokon at adre me he ka wia me me ûcû me hna önying:

Isaia 51:7

Ling nya ju öbun tavat ae khanʼ öbun wisa, tavat ae hu anyik hnanyibu eû hnyi hnyekudra; ca he ju öbun ka outen hna haikongu öbun ge at, ke ca gāubun ge hnödra hna hlumʼ öbun.

Isaia 66:2

Anyin a haba ta je ûnyi hia ang ame ânyâ hnen hnyamok, me me e bi ta je ûnyi hia thithö e, haingö Iehova: ke walang at oge me he ka wâ, wale at ae theduoc me bewisa hanon, me öbubuny ge hok hofuc.

Jeremia 5:22

Hawa, öbun e ca outö nya? haingö Iehova: ke öbun e ca be ka öbubuny gak, at ame ip öny hnân hnyigöulen köiö, hoton hnanyibu ae tethmâ, mʼ adre me ca he bi ka hanyâûâ e.

Mataio 10:26

Anyin a wale, ca ot bi gadra: anyin ae ba ûnyi adre me ikhâlâ ame ca he ka manen; ke ba minya ûnyi ae iyong adre me ca he ka wâ.

Mataio 25:46

Ke haba tavat ang, me adre me he ka he ka hnyi hna bi hwaban ame ca ba balua; ke haba tavat ae wisa hwakecidra ka hnyi möt ame ca ba balua.

Mataio 5:22

ke inya oge me ha köbun, ka habe, haba at ame hmonyin ka liamekeiny mē ke ba can, me ûcû he ka owisa e; ke haba at ame he ka ha ka liamekeiny mê, i ka habe, Raka, e ûcû he ka hno e hnen tavat ûhnenamö; ke haba at ame he ka ha, ka habe, Mori, me ûcû kâu meicin gena.

Ioane 5:29

me he but; haba tavat adre me mâdrâ so, adre me he ka todrö ka hnyi möt; ke haba tavat adre me ânyâ hulö, me adre me he ka tot ka hnyi hnaûhangö.

Ta je huliwa 21:13

Haba Paulo ame thu me ha, ka habe, Ieû gabun öbun e tenge me ohluhluâ hnyekuk? anyin a oge hia but penapena, ca ka hnyi ûceat thibi, ke so minya he ka mok hnyi Jerusalema can iö Iesu a Than.

Heberu 10:31

Hnân outen hmonyin he ka ta ka hnyi li hnyamen Khong ae möt.

Heberu 11:35

Haba omomo, me adre me kap je kokidra adre omelö hmetu thö: ke haba keihen adre me oveci ödra, ke adre me ca kap bi hna omelö; mʼ adre me he ka hu möt hmetu ae beönua:

Iakobo 4:12

Khaca thibi at ame ham hnanyibu, wale at ae khana he ka omelö me omoko; ke u ia at ame ûnykûme ke at?

I. Peteru 3:14

Ke öbun e ne vec can hwakecin ae wisa, hnobun hnahic: ke ca ot bi ge hnödra hna ootâ, ke ca hlohlo bi;

Hna Omanenâ 2:10

U ma ca outen ta je ûnyi ame he ka oveci u: wâ bi, ame he diabolo ka khûâ keihen gabun ka hnyi uma ceat, mʼ adre me he ka cubic öbun: ke ame he ka libenyita je bonginy vec a öbun. U ma hnathu ju ke ne o but ka hnyi mok, me oge me he ka ham köu koronainy möt.