Mataio 10:26 - Iaai Bible 1901 (New Caledonia)

²⁶ Anyin a wale, ca ot bi gadra: anyin ae ba ûnyi adre me ikhâlâ ame ca he ka manen; ke ba minya ûnyi ae iyong adre me ca he ka wâ.

Mataio 10:26 ပူးပေါင်းရင်းမြစ်များ

Ta je Vejec 10:9

Haba at ame vheno wisa, me ame he khötkic: Ke ame he ka manen at ame ohwalö deny ta je gethen.

Ta je Vejec 28:1

A ME kec at ae kong ke ba at ame hnu: Ke haba tavat ae wisa ödra helâ me liona ame ca ot.

Ta je Vejec 29:25

E ka ot at, me hnân e hnewe: Kʼ ame he ka laba khötkic at ame labageju kö Iehova.

At Khet 12:14

Anyin ame he Khong ka hom ta je huliwa hia ka hnyi hna owisa, ke ta je ûnyi hia ae iyong, ame ne ta je ûnyi ae so, kʼ ame ne ta je ûnyi ae kong.

Isaia 41:10

awe, ca ot bi, anyin a tha inya möu; ca hlohlo bi, anyin a inya Khongom: oge me he ka ohwegiö u; eke, oge me he ka hadruo u; eke, oge me he ka ci u ge hnyamök a metök ae wisa.

Isaia 41:14

Ca ot bi u Jekob a waahnyöng, ke öbun tavat Isaraela; haingö Iehova, ka habe, Oge me he ka hadruo u; ke haba at ûhomeli u, me Kabi Isaraela.

Jeremia 1:8

Ca he bi ka ot gadra: anyin a tha inya möu be ka omeli u, haingö Iehova.

Ezekiela 2:6

Ke haba u, nokon at, ca ot bi gadra, ke ca outen hodra ta je hofuc, eja ke ne a ne tha e möu ûö ae ûdedö me watetaföcö, ke eja ke ne a ne tha laba möu ta je sekopio: ca outen bi hodra ta je hofuc, ke ca öbubuny ge je hnyimakodra, anyin a ödra lap ûkhin fuc.

Mataio 10:28

Ke ca ot bi ge tavat adre me hlingâ unyin, ke ca khanʼ ödra bi he ka hlingâ hanu: ke so he ka outen at ae khana he ka ohnaûhangoâ unyin me hanu hnyi gena.

Mareko 4:22

Anyin ae ba ûnyi adre me ikhâlâ, a gʼ adre me ca he bi; ka omanenâ; ke ba ûnyi adre me oiyongâ a gʼ ame ca he ka he hnyi melam bi.

Luka 24:47

me he ka khetâ, hnyi ta je hnyei hia hwân hnyi Jerusalema, ietra, mo he ka thang degecâ ta je hulö ûnyi ge ien.

Luka 8:17

Anyin ae ba ûnyi adre me ikhâlâ ame ca he ka manen; ko ba ûnyi ae iyong ame ca he bi ka manen.

Ta je huliwa 1:8

E ka o but köbun Hanu Kap, me öbun e he ka tren man: mʼ öbun e he ka ohnathu nya hnyi Jerusalema, me Juda hia me Samaria ke ne o but hnyi je can hmeledrany.

Ta je huliwa 4:13

Ke ödrin e wâ ihwegiö Peteru me Ioane, ke ödrin e wâhmakhmeto a ödru li at ae ca khanʼ ödru tusi, ke adre ca nâ, me ödrin e lâiâ; ke ödrin e wâhmakhmeto a ûnyi ödru ga Iesu.

Ta je huliwa 4:19

Ke haba Peteru me Ioane ödru me thu ködrin, ka habe, Ûnykûme ju öbun ame ne wisa hnyi hnyimakan Khong he ka ling öbun, ame ne he ka long Khong:

I. Korinito 4:5

Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.

I. Peteru 3:14

Ke öbun e ne vec can hwakecin ae wisa, hnobun hnahic: ke ca ot bi ge hnödra hna ootâ, ke ca hlohlo bi;