Mataio 10:23 - Iaai Bible 1901 (New Caledonia)

²³ Ke ödra ka oveci öbun hnyi ke taun, kec dö ka hnyi ke taun: anyin ae hnathu inya oge me ha köbun, ka habe, Öbun e ca he ka vheno hia ta je taun hnyi Isaraela, ke ne o but ame o thö Nokon at.

Mataio 10:23 ပူးပေါင်းရင်းမြစ်များ

Jeremia 26:21

Ke haba Jehoiakima than, me anyin tavat hia ae hwege, me anyin je taben hia, adre me long hwan, haba than ame elâm he ka hlingâ e; ke e khanö Uria but, me e ame ot, me kec, me he Aigupito ai:

Mataio 16:27

Anyin ame he ka o thö Nokon at hnyi hmanenanginy Kamen, tha e me anyin ta je angela, me e ame he ka ve ham ka tavat hia thitliö e ûcû me anyidra ta je huliwa.

Mataio 16:28

E hnathu, inya oge me ha köbun, haba keihen gadra adre me tot eang, adre me ca he bi ka mok, ke ne o but adre me wâ Nokon at ame he ka o hnyi dokhon dökhu.

Mataio 2:13

Ödrin e he but, me wâ bi, ame manen dut angela anyin Than kö Josefa hnyi bwi, ame ha, ka habe, Todrö, hom dö inma me hinyen, ke kec dö Aigupito ai, me laba eling, ke ne o but hnyi ûen oge me he ka thumetu u hnyin: anyin ame he Heroda ka elâm inma he ka hlingâ e.

Mataio 23:34

Wâ bi, inya oge me kunâ köbun ta je perofeta me tavat ae metâ, me hnyat sihnalimen: ke öbun e he ka hlingâ me osatauroâ keihen gadrin, ke öbun e he ka osoâ keihen hnyi umöbun je sunago, me sedʼ Ödrin ûnyi hnyi ke taun ka hnyi ke taun:

Mataio 23:36

E hnathu inya oge me ha köbun, ka habe, Ame he ka o ta je ûnyi hia eling ka dö ang.

Mataio 24:27

Anyin a haba hucuce ame o thö ûheny jimeyö, kʼ ame umumelam jio; kʼ ame he ka helâe, e ka o hmetu Nokon at.

Mataio 24:30

me ame he ka manen hnyi drany haten Nokon at: ke ame he ka ûtengiö ta je tribu hia eang hmeledrany, ke adre me he ka wâ Nokon at ame o hon ta je ûlâiny drany, tha e me man me hmanenang ae gan hmâ.

Mataio 24:34

E hnathu inya oge me ha köbun a gʼ ame ca he ka ie hia dö eang, me ame he ka hwâdâ ta je ûnyi hia e.

Mataio 24:48

Ke a ne ha athnyaba ae kong eû hnyi hnyekon, ka habe, E tiga bec Tuhok;

Mataio 25:13

Anyin a wale, hmâkâ ju öbun, anyin ae ca khanʼ öbun bong me awa ame he ka o but hnyin Nokon at.

Mataio 26:64

Haingö Iesu ame ha kâu, ka habe, U me ha e: ke inya oge me ka köbun, ka habe, Nyiele öbun e he ka wâ Nokon at ame laba hnyi ke keihen maniny man a metân, kʼ ame he ka o hnyi ûlâiny drany.

Mataio 4:12

Ke haba hnyi ûen e ame long a gʼ adre hia but cö Ioane, me e ame he but Galilaia ai;

Mareko 13:26

Me adre me he ka wâ Nokon at ame he ka o hnyi ta je ûlâ tha e me man ae gan me hmanenang.

Luka 18:8

Inya oge me ha köbun, e ame he ka ie owisa ködra. Ke e ka o Nokon at, hawa e ame he ka wâ labageju eang hmeledrany?

Luka 21:27

Ke hnyi ûen e adre me he ka wâ Nokon at ame utut kʼ ame tabâ ûlâ tha e me man, mo hmanenang ae gan.

Ioane 7:1

HWABAN e Iesu ame vheno Galilaia: anyin ae ca weny bi he ka vheno Juda, anyin a at Juda adre me heleû deny he ka hlingâ e.

Ta je huliwa 17:10

Haba je liamekeiny, me adre me ie kunö Paulo me Sila hnyi lit Berea ai: ke ödru me o but me ödru me didro ka hnyi sunago anyin at Juda.

Ta je huliwa 17:14

Me haba je liamekeiny adre me ie kunö Paulo ka hnyi hobat köiö: kʼ ame laba biju eling Sila me Timoteo.

Ta je huliwa 20:1

KE hwaban imediököu, Paulo ame hawâ laten, me sihwegi ödra, me ûhûne mʼ ödra, me e ame he but Makedonia ai.

Ta je huliwa 8:1

KE Saulo minya ame ogâ anyin mok. Ke haba hnyi bong eling ame kû gan hmâ but hna ovecâ ekalesia hnyi Jerusalema; ke adre me vese hia but ka hnyi ta je ke keihen hnyei Juda me Samaria, ke hake je aposetolo thiju.