Mataio 10:22 - Iaai Bible 1901 (New Caledonia)

²² Ke ame he tavat hia thithö ka hûkötö köbun can iök: ke haba at ame he ka hokhnyok ke ne o but hnyi obiny, me ame he ka möt.

Mataio 10:22 ပူးပေါင်းရင်းမြစ်များ

Ta je Vejec 29:27

Hûkötiânen tavat ae wisa, at ae hwali hwakecin: Ke hûkötiânen at ae kong, at ae fofâ hnyi gethen.

Mataio 10:39

Haba at ame wâ anyin möt, me ame he ka ohia e; ke haba at ame ohia anyin möt can inya, me ame he ka wâ e.

Mataio 24:13

Ke haba at ame he ka tethmâ ke ne o but obiny, me e ame he ka möt.

Mataio 24:9

Me adre me he ka hnʼ öbun dut ka tavat ûöveci, ke adre me he ka hlingʼ öbun: ke adre me he ka huköti öbun ta je hnyei hia thithö can iök.

Mataio 5:11

Hnobun hnahic e ka he tavat ka û öbun me oveci öbun, me haikongu öbun, me bai thoi öbun ge ta je ûnyi hia can inya.

Mareko 13:13

Ke ame he tavat hia ka hûkötiʼ öbun can iök, ke haba at ame he ka tethmâ ke ne o but obiny, ame he ka möt.

Luka 21:17

Ke ame he tavat hia thithö ka hûköti öbun can iök.

Luka 21:19

Öbun ka hok hnyok, me öbun e he ka möt.

Luka 6:22

Hnobun hnahic e ka he tavat ka hûköti öbun, me obʼ öbun, me haikongu öbun, me degec je iöbun helâ me ûnyi ae kong can Nokon at.

Luka 8:15

Haba keihen hnyi kânâ ae hoso, wale tavat adre me long hofuc me hnyok ae so me hnathu, me kât hmâ, me wa wan a deny hok hnyok.

Ioane 17:14

Oge hia hut ham ködrin hwâm hofuc; ke ame huköti ödrin ge hmeledrany, anyin a ödrin ca aten hmeledrany, helâ me inya a ca aten bi hmeledrany.

Ioane 7:7

E ca khana bi hmeledrany he ka hûköti öbun; ke so bi ame hûkötiö nya, anyin a oge me ohnathoâ ae kong ta je huliwainy.

Ta je huliwa 9:16

anyin oge me he ka omanenâ kâu ûganiny vec e ame he ka hom can iök.

Roma 2:7

wale, möt ame ca ba balua ka tavat adre me tethmâ hnyi huliwa ae so, me elâm hmanenang me hna ogânâ, me hna ca bobot bi:

II. Korinito 4:11

Anyin a haba öhmun hnyat ae möt, adre me hnʼ öhmun bala ka hnyi mok ga Iesu, me me manen minya but hnyi je unyihmun ame he ka bobot möt anyi Iesu.

Galatia 6:9

E so ate me ca sënyin hnyi huliwa ae so: anyin ate me he ka meno hnyi ûen cici, at ka ca sënyin bi.

Heberu 3:14

anyin adre me wiʼ öta mʼ ate me lahanen Keriso, öta ka he ka kât hmâ hwakecin anyita labageju hnyi can ke ne o but hnyi obiny:

Heberu 6:11

Ke e wehmun mʼ öbun e he ka ve omanenâ tang hwege eling ka hnyi gejon ae gan hmâ ke ne o but obiny:

Iakobo 1:12

Hnahic hnen at ame hokhnyokâ ûcûbic: anyin a at ka hia but cubecâ, me e ame he ka hu koranainy möt, wale a ha bânâ Than ka tavat adre me hnyok kâu.

I. Ioane 3:13

Hnyat me lakeiny lö, ca he bi ka hlohlo e ka hûköti öbun hnen aten hmeledrany.

Hna Omanenâ 2:10

U ma ca outen ta je ûnyi ame he ka oveci u: wâ bi, ame he diabolo ka khûâ keihen gabun ka hnyi uma ceat, mʼ adre me he ka cubic öbun: ke ame he ka libenyita je bonginy vec a öbun. U ma hnathu ju ke ne o but ka hnyi mok, me oge me he ka ham köu koronainy möt.

Hna Omanenâ 2:17

Haba at ae hu hnyikönyen, löng ju hna ha hnen Hanu ka ta je ekalesia. Haba at ame ton, me oge me he ka hân ge mana ae iyong, ke oge me he ka ham kâu ke veto ae hau, ke e hnyi veto ien a teb ûnyi adre set, ae ca khana at, ke so bi at ame kap.

Hna Omanenâ 2:26

Ke haba at ame ton, kʼ ame vheno anyik ta je huliwa ke ne o but obiny, me oge me he ka ham kâu musi hon ta je hnyei:

Hna Omanenâ 2:3

ke u je hok hnyok me lingvec can iök, ke u me ca sënyin bi.

Hna Omanenâ 2:7

Haba at ae hu hnyikonyen löng ju hna ha hnen Hanu ka ta je ekalesia. Haba at ame ton, me oge me he ka ham köu he ka han ûnyi hnyi ûöiny möt, walethö hnyi Paradaiso anyin Khong.

Hna Omanenâ 3:21

Haba at ame ton, me oge me he ka ham kâu he ka tha laba mönya hon anyik theron helâji me inya oge me tuk, me oge me tha laba me Cica hon anyin theron.