Mataio 10:20 - Iaai Bible 1901 (New Caledonia)

²⁰ Anyin a ca öbun hnyat öbun e ka ha, ke so bi Hanon Kamöbun at ame fuc eû hnyi je hnyekubun.

Mataio 10:20 ပူးပေါင်းရင်းမြစ်များ

II. Samuela 23:2

Hanu Iehova ame fuc ûnyi gak, Ke e bi hnyi bohmök hwan hofuc.

Esodo 4:12

Ke walang ang he thö, me oge me he ka tha inya me hnyimâm, me nö u hofuc he ka ha.

Mataio 6:32

Anyin ame elâm hnen Aten ke je hnyei ta je ûnyi e; ke e khana Kamöbun ethö hnyi drany ae ûcû köbun ta je ûnyi e.

Mareko 12:36

Ke ame ha Davita ûnyi ge Hanu Kap, ka habe, Haingen Than ka Tuhok, ka habe, Laba ju hnyi ke keihök a metök, Ke ne o but oge me wia je iwahnaihmiony möu, me hnân taben li hnyeûcam.

Luka 11:13

Anyin a wale, a ne mabun tavat ae monu he ka wâhmakhmetoâ hna he ka ham ta je ûnyi ae so ka lakubun, awe, ame ca he bi Kamöbun ethö hnyi drany ka ham Hanu Kap ka tavat adre me sumâtâ e?

Luka 12:12

anyin ame he Hanu Kap ka nʼ öbun ge ûnyi hnân he ka ha hnyi ûen eling.

Luka 21:15

anyin oge me he ka ham köbun hnyem me metâ, me me ca khana iwahnaihmiony möbun he ka ûkhin fuc möbun me ton.

Ta je huliwa 13:9

Ke haba Saulo (wale Paulo) a unöngötö ge Hanu Kap, e ame wâ hmâ e,

Ta je huliwa 2:4

Me ödrin e unöngöt hia thö ge Hanu Kap, me hwân he ka fuc hnyi je ve hwen hnyei bi, helâ me hnen Hanu hna ham ködrin he ka fuc.

Ta je huliwa 28:25

Ke adre me ca tha hnyok bi, me adre me vese thö, hwaban hna ha ga Paulo hofuc a khaca, ka habe, E so hna ha hnen Hanu Kap a deny perofeta Isaia ka lakamöbun, haingen, ka habe,

Ta je huliwa 4:8

Haba Peteru ame fuc kodra, ae unöngötö ge Hanu Kap, me ha, ka habe, Öbun tavat muso hnyei me wahingat lö,

Ta je huliwa 6:10

Ke ca khanʼ ödra thu hmetu anyin metâ me Hanu at ame ofucâ e.

II. Korinito 13:3

anyin a öbun e elâm haten Keriso eû hnyi hnyik; at a ca sënyin unyibun, ke hu man bi:

I. Thesalonika 2:13

Waleling mʼ öhmun e ca menâ ole ka Khong, anyin a öbun e kap hofuc hwan ûthumetu ûnyi gahmun, waleji hofuc hwan Khong, me öbun e ca kap helâ me hofuc hwan at, ke hofuc hwan Khong wale ae hnathu, kʼ ame huliwan minya je hnyekubun tavat labageju.

I. Peteru 1:12

Adre me omanenâ kodra a gʼ adre ca huliwan ta je ûnyi eling kodra, ke so bi köbun, waleji adre haimemenâ köbun walang ang hnen tavat adre me khetâ köbun ûthumetu ae so ûnyi ge Hanu Kap adre kunâ ûnyi hnyi drany; waleji a ta je ûnyi ame weny ta je angela he ka selâdrâ.

II. Peteru 1:21

Anyin ame ca o ke hna perofeta ehac ûnyi hnyi weny at, ke ame ha tavat ûnyi ge Khong, ke a huliwan je hnyekudrin hnen Hanu Kap.