Mataio 10:19 - Iaai Bible 1901 (New Caledonia)

¹⁹ Ke ödrin ka he ka hnʼ öbun dut, ca ûnykûme bi, ka habe, adre me he ka kâmâu hna ha, ke ieû: anyin adre me he ka ham köbun ûnyi hnân he ka ha hnyi ûen eling.

Mataio 10:19 ပူးပေါင်းရင်းမြစ်များ

Esodo 4:12

Ke walang ang he thö, me oge me he ka tha inya me hnyimâm, me nö u hofuc he ka ha.

Esodo 4:15

Ke u ma he ka ha hofuc kâu, me bi hofuc ka hnyi hnyimen: ke oge me he ka tha inya me hnyimâm me hnyimen, me ku köbu ûnyi öbu me he ka ânyâ.

Jeremia 1:7

Haba Iehova ame ha könya, ka habe, Ca ha bi, ka habe, Iny wanakat: anyin a u me he ka he kodra hia thithö, wale oge me kunö u ka hnyin, ke u me he ka ha ta je hofuc hia thithö oge me he ka hûna köu.

Jeremia 1:9

Me haba Iehova ame inâ hnyamen me kâlâ hnyimök; ke Iehova ame ha könya, ka habe, Wâ bi, oge hia but ip hok ta je hofuc hnyi hnyimâm:

Mataio 10:18

eke, adre me he ka lili öbun ka hnyi hnyimakan tavat musi me ta je than can inya, hnân ohnathoâ ködrin me Aten ta je hnyei.

Mataio 6:25

Anyin a wale, inya oge me ha köbun, ka habe, Ca ûnykûme ûjengoâ hnân hobi kâu anyibun möt, wale ge hnobun hna he ka han me ic; ke unyibun, wale ge hnobun hna he ka khavâ. Hawa, e ca beönua möt hon jeû, me unyin hon ûkhaû?

Mataio 6:31

Anyin a wale ca ûnykûme bi me ha, ka habe, Ieû ate me he ka an? ke, Ieû ate me he ka ijem? ke, Ieû ate me be ka khavâ?

Mataio 6:34

Anyin a wale ca ûnykûme ûjengoâ bi ge bong nyi: anyin a hamen bong nyi he ka ûnykûme gan bi. E ûcû thibi bong me anyin monu.

Luka 12:11

At ka hum öbun ka hnyi ta je sunago, me ka tavat owisa, me ta je musi, ca ûnykûme bi, ka habe, ieû hnân thu, me ieû hnân he ka ha:

Luka 12:12

anyin ame he Hanu Kap ka nʼ öbun ge ûnyi hnân he ka ha hnyi ûen eling.

Ta je huliwa 6:10

Ke ca khanʼ ödra thu hmetu anyin metâ me Hanu at ame ofucâ e.

Filipi 4:6

Ca kong hnyekunâ ge ta je ûnyi; ke so bi hnyi ta je ûnyi hia thithö, omanenâ je webun ka Khong hnyi hic me sumat me ole.

II. Timoteo 4:17

Ke so bi ame tha tot mönya Than, me ham könya man; me me he ka ti manen dut gak hna khetâ hofuc, me me löng hia Aten ta je hnyei: ke iny möt bi ûnyi hnyi hnyimen liona.

Iakobo 1:5

A ne ke at gabun ae ba metâ gan, me so e ame sumâtâ unyin Khong, at ame ham gânâ ka tavat hia thithö, kʼ ame ca û bi; me adre me he ka ham kâu.