Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mataio 1:20 - Iaai Bible 1901 (New Caledonia)

20 Ke e ame tiga ûnykûme ta je ûnyi eling, me wâ bi ame manen dut kâu angela anyin Than hnyi bwi, ame ha,, ka habe, Josefa nöku Davita lö, ca ot he ka hum Maria âiâm; anyin a erkin dut hnen Hanu Kap.

အခန်းကိုကြည့်ပါ။ ကော်ပီ




Mataio 1:20
38 ပူးပေါင်းရင်းမြစ်များ  

Ke haba angela anyin Khong ame ha könya hyni bwi, ka habe, Jekob lö: ke haingök, ka habe, Inya ang.


Ke e ame ha, ka habe, Inya Khong, a Khongon kâmâm: ca ot he ka he Aigupito ai; anyin oge me he ka wiö u eling me hnyei ae gan:


Haba Elia ame ha kâu, ka habe, Ca ot; he thö ka ânyâ helâ me hnâm hna ha: ke me bâm ka ânyâ hobi könya ke ong areto, me hom könya, ke hwaban dö e, me u me he ka ânyâ hnân hobi köbu bi a liamokon.


Ke Iehova ame manen kö Solomona hnyi Gibeona hnyi bwi hnyi hnyinghet: ke ame ha Khong, ka habe, Sumâtâ thö ûnyi oge me he ka ham köu.


Inya ang athnyabaem, okhanö nya thö, Me me khanö nya thö hnâm ta je hna ohnathoâ.


Hnö nya he ka long ânyâm ibetengiö hnyi hnyomakatu; Anyin a inya oge me labageju köu: Okhanö nya thö gethen deny hanymök; Anyin oge me ogöranyâ hanuk köu.


Ame okahwa hnyekuk ge ta je ûnyi hnân otubwelâ unyi gam, Hnyi hnok ta je hna ûnykûme ae se hia eû hnyik.


Ame ûcû ta je hna ûnykûme hnen at ae wisa, Ke tang iyawo je ûhnenamö anyin tavat ae kong.


U ma he bi ka tuö hnyi hnahic ie bekhot at ame tethmâ hnyok unyâm: anyin a e ame labageju köu.


ke ame be li hnyikönyâm ka long hofuc hnyi hotom, ka habe, Walang gethen, vheno ju öbun hnyin e; öbun ka saû ka hnyi ke keihen metâ, ke öbun ka saû ka hnyi keihen me.


Ling nya ju öbun tavat ae khanʼ öbun wisa, tavat ae hu anyik hnanyibu eû hnyi hnyekudra; ca he ju öbun ka outen hna haikongu öbun ge at, ke ca gāubun ge hnödra hna hlumʼ öbun.


Ke e ame ha, ka habe, Lap anyi Davita lö, long ju walang ang; hawa, ûnyi ae ûhnyûkong e öbun e ovecâ at, ke öbun e he minya ka ovecâ Khong?


Ke adre thumeto lap anyi Davita, ka habe, Ame tha hien at Eferaima me at Suria. Me ame bwebwet hnyekon, me hnyekon lakeiny, helâ me je ûö hnyi hnyot ame bwebwet ge ang.


Ke ne o but kehö u me he ka he monu, u hlu ame labö kolu? anyin a Iehova ame hia but op ûnyi ae teb ûnyi hnyi hnyei, ame he momo ka ton ge baga.


awe, oge me he ka hna degecâ je mâtrâni Jekob, me Davita athnyabaik, mʼ oge me ca he ka hom unyin je mâtrâniny hnân muso je mâtrâni Aberahama, me Isaaka, me Jekob: anyin oge me he ka ohmetu ödra ûhedra hnyi hna bâ, me betenge gadra.


Ke haba Gedalia nöku Ahikama, nöku Safana ame khemanyin kodra, me je atödra me ha, ka habe, Ca ot öbun he ka bi athnyaba ka at Kaledaia: laba ju hnyi hnyei me bi athnyabainy than Babulona, me ame he ka hu so gabun.


Ke hwaban e, oge me he ka hingâlâ hanuk hon tavat hia thithö; ke ame he lakubun obaga me wahlu ka perofeta, ame he wahingatibun ka bwo je bwi, ame he wahidröu unyibun ka wâ je hna omanenâ:


Ke e ame ha, ka habe, Löng ju hok hofuc: a ne hu perofeta unyibun, me haba Inya Iehova oge me he ka omanenö nya kâu hnyi hna omanenâ, me fuc kâu hnyi bwi.


Ke walang hwakecin hna hnöku Iesu Keriso: Haba hnyi ûen ame ûkocö hinyen a Maria me Josefa, ke ödru tiga ca tha laba bi, me manen dut a ga erkin dut hnen Hanu Kap.


A hia but Khong koû ködrin hnyi bwi mʼ ödrin e ca he ka hmetu kö Heroda, me ödrin e he but ka hnyi idrin hnyei hnyi ke gethen bi.


Ödrin e he but, me wâ bi, ame manen dut angela anyin Than kö Josefa hnyi bwi, ame ha, ka habe, Todrö, hom dö inma me hinyen, ke kec dö Aigupito ai, me laba eling, ke ne o but hnyi ûen oge me he ka thumetu u hnyin: anyin ame he Heroda ka elâm inma he ka hlingâ e.


Ke a mokcu Heroda, me wâ bi, ame manen dut angela anyin Than kö Josefa hnyi bwi hnyi hnyei Aigupito,


Ke e ame long a gʼ ame than biju Arekelao hnyi Juda, hwaban kamen a Heroda, me e ame ot he ka he kâe; ke adre me koû kâu hnyi bwi, me e ame he ka hnyi ke keihen Galilaia,


Ke e ame tiga laba hon taben owisa, ke haba âiân ame ûkhûnöng kâu he ka ha, ka habe, Ca he bi u ka ânyâ ke ûnyi ka at e ae wisa: anyin a oge hia but ibiose vec gan hnyi bong ang hnyi bwi.


Haba angela ame thu me ha ka watamomo, ka habe, Ca ot bi: anyin ae khanö nya a öbun e elöm Iesu waleji adre osatauroâ.


Haba angela ame thu kâu, ka habe, Inya ang Gaberiela at ame tot hnyi hnyimakan Khong; a khunö nya he ka ha köu, me omanenâ köu ûthumetu eang ae so.


Me ame he minya but Josefa ûheny hnyi taun Nazareta hnyi Galilaia, ame he Juda ai, ka hnyi taun anyi Davita, Betheleema ien, anyin a e hanen lap me mâtrâni Davita;


Ke ame khong je hwanumen uma ceat hnen angela anyin Than hnyi hnyinghet, me hum ödrin dut hnyou ai, me ha, ka habe,


E so ate me senyin me hobâ, ke so ate me ham kâu hna ogânâ: anyin ame o but Arenio he ka faipoipo, ke a hia but âiân hamen penapena e.


Ke ame manen dut angela anyi Iehova ka momo, me ha kâu, ka habe, Wâ bi, u toûnyi walang ang, me ca hnokoâ bi; ke so bi u me he ka erkin, me hnokoâ da.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ