Mataio 1:12 - Iaai Bible 1901 (New Caledonia)

¹² Ke hwaban dö hna hum ödra Babulona ai, haba Jekonia ame hnöku Sealetiela; ke Sealetiela ame hnöku Zerubabela;

Mataio 1:12 ပူးပေါင်းရင်းမြစ်များ

II. Je Than 24:14

Ke e ame hom Jerusalema hia, me je than hia, me tavat hwege vat hia, a ödrin ten thauzan je bâ, me tavat ae metâ hia hnyi ta je huliwa, me tavat huliwan fao; e ba but kolon, ke so bi tavat thiju ae theduoc hnyi hnyei.

II. Je Than 25:27

Ke haba hnyi huna a thote seveniny bâ a Jehoakin than Juda, hnyi tehi a twelviny, hnyi bong a twente seveniny tehi, me habâ Evile-merodak than Babulona ame ogöranyâ bö Jehoiakin than Juda ûnyi hnyi uma ceat hnyi huna a hwân hnyin he ka musi;

I. Man Ûlabainy Je Than. 3:17

Ke haba je baga laku Jekonia, at a bâ; jia Sealetiela a nokon,

Ezera 3:2

Me ame todrö Jesua nöku Jozadaka me je liamekeiny mē a tavat bihut, me Zerubabela nöku Sealetiela, me je liamekeiny mē, me otilâ taben hut anyin Khongon Isaraela, hnân hudo je hudiny leû hon e, helâ me hna sihnalimen hnyi hnanyibu anyi Mose aten Khong.

Ezera 5:2

Me ame todrö Zerubabela nöku Sealetiela, me Jesua nöku Jozadaka, me hwân he ka op uma umen Khong hnyi Jerusalema; ke e unyidru je perofeta anyin Khong he ka hadruʼ ödru.

Nehemia 12:1

WALANG tavat bihut me at Levi, hnyat adre me tha he me Zerubabela, nöku Sealetiela, me Jesua; wale Seraia, Jeremia, Ezera;

Jeremia 22:24

Kia inya haingö Iehova, eja ke ne a ne hnân okeceâ haten hnyi hnyam a metök könya jia Konia nöku Jehoiakima than Juda, oge me he ka oc degeci u e;

Jeremia 22:28

Hawa, kaia kânâ ae hmouca adre me hûkotiâ at ang, wale a Konia? hawa, e kaia a ca hnân senyinâ? anyin a ieû adre digic ödra, e me je mâtrâniny, ke adre obʼ ödra ka hnyi hnyei ae ca khanʼ ödra bi?

Jeremia 22:30

Walang hna ha hnö Iehova, ka habe, Sihnalimen ju at ang a gʼ ame he ka ba nokon, ke ame ca he ka so bongon je bong: anyin ame ca he ka hnahic ke mâtrâniny, at ame he ka tabâ theron anyi Davita, me musi hmetu hnyi Juda.

Jeremia 27:20

waleji a ca hom Nebukaneza than Babulona waleji hnyi hnen hna hum Jekonia nöku Jehoiakima than Juda ûheny Jerusalema Babulona ai, me je taben hia hnyi Juda me Jerusalema:

Hagai 1:1

HNYI huna a loi Dariu than, hnyi tehi a siksiny, hnyi bong a bâniny tehi, ame o but hofuc ho Iehova a deny Hagai perofeta kö Zerubabela nöku Sealetiela, gavenainy Juda, me kö Josua nöku Jozadaka, at bihut ae beönua, ame ha ka habe,

Hagai 1:12

Me haba Zerubabela nöku Sealetiela, me Josua nöku Jozadaka, at bihut ae beö-nua, me je kolon hia hnyi hnyei, me adre me long hoton hofuc ho Iehova Khongudrin, me hofuc ho Hagai perofeta, hoton hna kunâ ga Iehova Khongudrin; ke ame ootö Iehova hnen tavat.

Hagai 1:14

Me haba Iehova ame bwebwelâ hnyeku Zerubabela nöku Sealetiela gavenainy Juda, ke hnyeku Josua nöku Jozadaka at bihut ae beönua, ke je hnyekon tavat hia hnyi hnyei; me adre me o, me ânyâ huliwa hnyi uma umo Iehova tuhan sabaoth, Khongudrin,

Hagai 2:2

Ha thö walang ang kö Zerubabela nöku Sealetiela gavenainy Juda, ke Josua nöku Jozadaka at bihut ae nua, ke kolon tavat, ka habe,

Hagai 2:23

Hnyi bong eling, haingö Iehova tuhan sabaoth, oge me he ka hum u Zerubabela, nöku Sealetiela, athnyabaik, haingö Iehova, me wiö u helâ me ûnyi hnân ohmâ haten: anyin oge hia but ûcö u, haingö Iehova tuhan sabaoth.

Mataio 1:11

Josea ame hnöku Jekonia me je liamekeiny mē, hnyi ûen adre hum ödra hnyin Babulona ai.

Mataio 1:13

Zerubabela ame hnöku Ahiuda; Ahiuda ame hnöku Eliakima; Eliakima ame hnöku Azora;

Mataio 1:17

Ke haba ta je dö hia hwân ga Abera hama ke ne o but kö Davita, me fotin ta je dö; ke hwân ga Davita ke ne o but hnyi hna hum ödra Babulona ai, me fotin ta je dö; ke hwân hnyi hna hum ödra Babulona ai ke ne o but Keriso me fotin ta je dö.

Luka 3:27

mâtrâni Joana, mâtrâni Resia, mâtrâni Zerubabela, mâtrâni Salathiela, mâtrâni Neri,