Mataio 1:1 - Iaai Bible 1901 (New Caledonia)

¹ TUSI hnân aû je dö anyi Iesu Keriso, mâtrâni Davita, mâtrâni Aberahama.

Mataio 1:1 ပူးပေါင်းရင်းမြစ်များ

Genese 12:3

ke oge me he ka ohnahici ödra adre me ohnahici u, ke haba at ame hangö u oge me he ka hangâ: ke ame he ka hnahic ut ûnyi gam ta je hnyei hia eang hmelen.

Genese 2:4

Walang je bongon ioiny drany me hmeledrany, waleji hnyi ûen adre op li ûnyi e, hnyi bong Iehova Khong ame ânyâ hmeledrany me drany.

Genese 22:18

ke ame he ka hnahic ûnyi ge mâtrânâm ta je hnyei hia thithö eang hmelen; anyin a u je löng hoton hok hofuc.

Genese 5:1

WALANG tusiny je dö ûnyi ga Adamu. Haba hnyi bong Khong ame op at hnyin, e ame op e me we Khong;

Salamo 132:11

Ahia but Iehova khemanyin kö Davita hnyi hnathu; E ame ca he ka hwio gan, ka habe, Ûnyi hnyi mâtrân unyâm oge me he ka otilâ hon ânyâm theron.

Salamo 89:3

Oge hia but ûhihinyköu me hnok hna ûca, Oge hia but khemanyin kö Davita athnyabaik, ka habe,

Salamo 89:36

Ame he ka tethmâ je mâtrâniny nyiele balua, Me anyin theron helâ me seûno hnyi hnyimakök.

Isaia 11:1

KE ame he ka o khûen ûnyi hnyi iwân anyi Jese, ke ame he ka wa wan ke vheiny ûnyi hnyi anyin iwân:

Isaia 53:8

Adre me hom e ûnyi hnyi hna ovecâ me hna ûhnei; ke ewa at bi hnyi anyin dö ame ûnykûme a gʼ adre subâ degecâ e ûnyi hnyi hnyei iny tavat ae möt? adre me kot e can je hna hanyâûâ hnen lakeik.

Jeremia 23:5

Wâ bi, ame he ka o je bong, haingö Iehova, ke oge me he ka oâ kö Davita? Khûen ae wisa, ke e ame he ka than me; musi me so, me ânyâ ûnyi ae wisa me ûnyi ae ûcû hnyi hnyei.

Jeremia 33:26

awe, oge me he ka hna degecâ je mâtrâni Jekob, me Davita athnyabaik, mʼ oge me ca he ka hom unyin je mâtrâniny hnân muso je mâtrâni Aberahama, me Isaaka, me Jekob: anyin oge me he ka ohmetu ödra ûhedra hnyi hna bâ, me betenge gadra.

Amosa 9:11

Hnyi bong eling oge me he bi ka hai uma menâ umo Davita a ta, me okhötâ hmetu je dok ae hmouca hnyin; ke oge me he ka otilâ je ke keihen a amam but, me op hmeto e helâ me hnyi je bong ehac;

Zakaria 12:8

Hnyi bong eling ame he Iehova ka söng aten Jerusalema; ke haba at ae sënyin gadra hnyi bong eling ame he ka helâ me Davita; ke ame he lap anyi Davita ka helâ me Khong, helâ me angela anyi Iehova hnyi hnyimaködra.

Mataio 1:18

Ke walang hwakecin hna hnöku Iesu Keriso: Haba hnyi ûen ame ûkocö hinyen a Maria me Josefa, ke ödru tiga ca tha laba bi, me manen dut a ga erkin dut hnen Hanu Kap.

Mataio 1:2

Aberahama ame hnöku Isaaka; Isaaka ame hnöku Jekob; Jekob ame hnöku Juda, me je liamekeiny mē;

Mataio 15:22

Me wâ bi, ame o but ke momo Kanana ûnyi hnyi je hnyegöulen hnyei eling, kʼ ame hongot tenge, ka habe, Than a Nöku Davita lö, betenge ju gak; ame vec ut nokuk hlu a delec demoni.

Mataio 3:16

A hia but bapataisoi Iesu, me e ame ölö thö ûheny hnyi köiö: ke wâ bi adre me khong ut kâu drany, ke e ame wâ Hanon Khong ame gâ but kâu helâ me biny, me o hnyi hon;

Mataio 9:27

Ke haba Iesu ame he ûheny e, me ame he hoton li at ae wadröu, ödru me hongot, ka habe, Nöku Davita lö, betenge gahmu.

Luka 1:33

ke e ame he ka muso lap anyi Jekob nyiele balua; ke ame he ka ba obiny dokhon dokhu.

Ioane 7:42

Hawa, adre me ca ha bi hnyi hna sihnalimen, ka habe, Ame he ka o Keriso ûnyi ge mâtrâni Davita, ke haba taun anyi Davita, me Betheleema.

Ta je huliwa 2:30

Anyin a e perofeta, ke e ame wâhmakhmeto a ga hia but Khong khemanyin kâu a e ame he ka ip ke at hon anyin theron ûnyi hnyi mâtrâniny;

Roma 1:3

ge Nokon, waleji adre hnokoâ ûnyi hnyi mâtrâni Davita hnyi unyin,

Roma 4:13

Anyin adre ca habânâ bi kö Aberahama me je mâtrâniny a gʼ ame he ka hu hmeledrany me hwajekhon, ûnyi ge hnanyibu, ke so bi ûnyi ge hwakecin ae wisa hnyi labageju.

Roma 9:5

ödra je mâtrâniny ta je lakamöta, helâe minya Keriso hoton unyin, e nua hon ta je ûnyi hia thitliö, Khong adre haisoâ nyiele balua. Amen.

Galatia 3:16

Ke adre ha ta je hna ha bânâ kö Aberahama me mâtrâniny. E ame ca ha, ka habe, Ka ta je mâtrân, helâke me se hia; ke helâke me khaca thibi, ka habe, Ka mâtrânâm, wale Keriso.

I. Timoteo 2:5

Anyin a khaca thibi Khong, ke khaca thibi at ame khöûâ tavat ka Khong, a ka at bi, wale Keriso Iesu,

II. Timoteo 2:8

Ûnykûmi Iesu Keriso, ûnyi hnyi mâtrâni Davita, a omelö ûnyi hnyi hna mok, hoton anyik ûthumetu ae so:

Hna Omanenâ 22:16

Inya Iesu oge hia but kunâ anyik angela he ka thumetu öbun ge ta je ûnyi e hobi kâu ta je ekalesia. Inya khûen me Nöku Davita, ke okhû lany ae hadröngöc.