Mareko 9:9 - Iaai Bible 1901 (New Caledonia)

⁹ Ke ödrin e tiga utut ûhedrin hon bucen, me e ame hûna ködrin mʼ ödrin e ca he ka omanenâ hnödrin hna wâ, e me mē möt hmetu thö Nokon at ûheny hnyi hna mok.

Mareko 9:9 ပူးပေါင်းရင်းမြစ်များ

Mataio 12:19

E ame ca he ka ivinö, me fuc goranyai; Ke ba at ame he ka long ifucin eû hnyi je gethen.

Mataio 12:40

anyin a Jona ame laba hnyi hnyin wâ ae gan kun ta lany ke kun ta lit: helâe ame he Nokon at ka laba hnyi hnyin kânâ kun ta lany ke kun ta lit.

Mataio 16:21

Hwân ûen e, Iesu ame hwân ka omanenâ ka laten a e ame he ka he Jerusalema ai, me vheno ta je vec ae se hia ûnyi ge wahingat, me ta je taben tavat bihut, me hnyat sihnalimen, kʼ adre me he ka hlingâ, kʼ ame he ka möt hmetu hnyi bong a kuniny.

Mataio 27:63

me ha, ka habe, Taböny than lö, ohmun e ûnykûme a gʼ ame ha hnen at iyawö eling, kē tiga möt, ka habe, Hwaban kun ta bong oge me he ka möt hmetu.

Mataio 8:4

Ke haba Iesu ame ha kâu, ka habe, Wâ eâu, ca ha ka ke at; ke he thö, omanenö u bi ka at bihut, me ham bwihlany a hûna Mose, hnân haten ohnathoâ ködrin.

Mareko 5:43

Ke e ame hûna kodra me me ca manen ka ke at: kʼ ame hûna he ka bân in.

Mareko 7:36

Ke e ame hûna kodra, mʼ adre me ca he bi ka omanenâ: ke haba hoton hnen hna hûna hwegiâ kodra, me helâe minya adre me hwege ka omanenâ e.

Mareko 9:10

Me ödrin e kât hmâ hofuc e, me ûhnenamököuâ ka habe, Ieû bongon möt hmetu ûheny hnyi hna mok.

Mareko 9:8

Ke ödrin e ie bwele igigilo ke ba hmetu ke at ödrin e wâ, ke hake Iesu thiju unyidrin.

Luka 24:46

ke e ame ha ködrin, ka habe, Adre hia but sihnalimen helâng, a gʼ ame he Keriso ka vec, me möt hmetu ûheny hnyi hna mok hnyi bong a kuniny;

Luka 9:36

Ame o thö hwan hofuc, me ödrin e hake ō Iesu thiju. Ke ödrin e hnyibi ju me ca ha bi ka ke at hnyi je bong eling ûnyi ödrin e wâ.