Mareko 9:50 - Iaai Bible 1901 (New Caledonia)

⁵⁰ E so sâlt: ke a ne hia but hnân ohinyâ sâlt, öbun e he ka kâmâu ka ohinyâ hmetu e? E so e hu sâlt eû hnyi je hnyekubun, me laba ûsoköu ju öbun.

Mareko 9:50 ပူးပေါင်းရင်းမြစ်များ

Jobu 6:6

Hawa, adre me he ka han ûnyi ae bokânâ he ka ba bi sâlt? Ke hu hnamen waehenuiny wakunyin khoto?

Salamo 133:1

WÂ bi, e ti so me kese hmönyin He ka tha laba je liamekeiny me ûhnyoköu!

Salamo 34:14

Hota ju hulo, ke mâdrâ so; Elâm hnahic, ke hnu hoton.

Ezekiela 43:24

Ke u me he ka ûhakekenyi ödru hnyi hnyimakö Iehova, ke ame he tavat bihut ka khûö sâlt hudru, ke adre me he ka hudi ödru kö Iehova hnân hudiny leû.

Mataio 5:13

Öbun ang sâltiny hmeledrany, ke a ne ba but hinyin sâlt, me adre ma kâmâu he ka öhinyâ hmetu e? e ca so hmetu bi, ke so bi he ka degec me uto ju ge at.

Mareko 9:34

Ke ödrin e laba hnyibû: anyin a ödrin e hia but iwatretra eû hnyi gethen ge at ae beönua.

Mareko 9:49

Anyin adre me he ka sâltâ tavat hia ge meic.

Roma 12:18

Laba ûsoköu me tavat hia a ne khanʼ öbun.

II. Korinito 13:11

Hnyat me lakeiny lö, obiny ju ang, ka habe, e so öbun e hnahic. Wisa ju öbun, ke kahwa ju; tha hnyok ju; ûsoköu ju: me me e unyibun Khongon ibetengiö me hnahic.

Galatia 5:22

Ke haba je wan Hanu, me, ibetengiö, me senyin, me hnahic, me hokhnyok beû hmâ, me menyik, me hwakecin ae so, me hnathu,

Efeso 4:29

Ca he bi ka o ûnyi hnyi je hnyimöbun hofuc ae ikiki, ke so bi hofuc ae so hobi kâu ûen ae ûcû, me me okûâ so ka tavat adre me long.

Filipi 1:27

E so e he ka ûcû hwakecibun me ûthumetu ae so anyin Keriso: me iny ka o he ka iouny mʼ öbun, ke a ne hiö nya minya bi, oge me he ka long gabun, ka habe, öbun e tethmâ hnyi hanu a khaca, me ûnykûme a khaca, me tha hwege ka hnyi labageju, wale ûthumetu ae so;

Kolose 3:12

Anyin a wale, haba öbun je hna ûca hnen Khong, a wakap me laoûnykûminy, me so öbun e khavâ ibetengiö vec, me hwakecin ae so, me hnyok ae hnyikânâ, me hwakecin ae menyik, me hokhnyok beû hmâ;

Kolose 4:6

E bo öbun e he bala ka fuc me ibetengiö, ame osoâ ge sâlt, me me khanʼ öbun dö hwakecin he ka thu ka tavat.

I. Thesalonika 5:13

me oûnyihnathu ödrin hmönyin hnyi ibetengiö can anyidrin huliwa. E so öbun e laba ûsoköu.

II. Timoteo 2:22

Kec dö ge ta je weny wahidröu, ke hnu hoton hwakecin ae wisa, me labageju, me ibetengiö, me ûsoköu, tha e mʼ ödra hia adre me hawâ ien Than, ûnyi hnyi hnyok ae kalaöt.

Heberu 12:14

Hnu hoton dʼ öbun ûsoköu unyin tavat hia, me hwakecin ae kap, e ba at ame he ka wâ Than e ka hia e:

Iakobo 1:20

anyin a ca hnân he ka okûâ hwakecin ae wisa anyin Khong, hmonyin anyin at.

I. Peteru 3:8

Walang obiny, e so öbun e he hia ka tha hnyok, me vec betenge, me tha hnyok helâ me je liamekeiny, me sang betenge, me hnyok ae hnyikânâ: