Mareko 9:47 - Iaai Bible 1901 (New Caledonia)

⁴⁷ Ke a ne bi jönâm emâkâm, ûâ degecâ thö: e me so bi köu he ka dit ka hnyi dokhu dokhon Khong ke khaca biju emâkâm, hon he ka khûö u me li ecmak hnyi gena;

Mareko 9:47 ပူးပေါင်းရင်းမြစ်များ

Genese 3:6

Ke a wâ but momo ûö, a e so hnân han, me hmanenang at ka wâ, me ûö ae ûnyi hnathu, me hnân ometâ at, me haba momo ame tau wan, me han; kʼ ame ham minya ka âiân a tha e mē, me e ame munyi han.

Jobu 31:1

OGE me ûhihinyköu me li emakök; Me oge ma kâmâu ka wâ hmâ hlu?

Salamo 119:37

Wia ju li emakök, me inye ca he ka wâ ûnyi ae ûnyi baû, Me omeli nya thö hnyi dem je gethen.

Mataio 18:9

Ke a ne bi jönâm emâkâm, ûâ degecâ thö gam: ke so köu he ka didro ka hnyi möt a khaca biju emâkâm, hon he ka tha hu li ecmak, me adre me he ka khûö u ka hnyi meiciny gena.

Mataio 5:22

ke inya oge me ha köbun, ka habe, haba at ame hmonyin ka liamekeiny mē ke ba can, me ûcû he ka owisa e; ke haba at ame he ka ha ka liamekeiny mê, i ka habe, Raka, e ûcû he ka hno e hnen tavat ûhnenamö; ke haba at ame he ka ha, ka habe, Mori, me ûcû kâu meicin gena.

Mareko 9:43

Ke a ne bi jönâm hnyamâm, suba degecâ but: anyin ae so köu he ka dit ka hnyi möt, ke hia hnyamâm, hon he ka dit me li hnyamâm hnyi gena, ka hnyi meic ame ca mok.

Luka 14:26

A ne hu at ame he ka o könya, ke ame ca hociâ bi kamen, me hinyen, me âiân, me lakon, me je liamekeiny, me lahaniny, me anyin minya bi möt, e ca khana he ka bi hanen ta je latök.

Ioane 3:3

Iesu ame thu me ha kâu, ka habe, E hnathu, e hnathu, inya oge me ha köu, Adre ne ca hnokoâ hmetu hi at, e ca khana he ka wâ dokhu dokhon Khong.

Ioane 3:5

Ke haingö Iesu, ka habe, E hnathu, e hnathu inya oge me ha köu, Adre ne ca hnokoâ bi at hnyi köiö me Hanu, e ca khana he ka didrö ka hnyi dökhu dokhon Khong.

Galatia 4:15

Ke ewa hnobun hna haisoâ? anyin oge me ohnathu öbun, ka habe, a ne khanʼ öbun, me öbun e hia but ûâ je li emaköbun me ham bi könya.