Mareko 9:29 - Iaai Bible 1901 (New Caledonia)

²⁹ Me e ame ha ködrin, ka habe, Ame ca dit thibut ûnyi a helâe, ke so bi ûnyi ge hic.

Mareko 9:29 ပူးပေါင်းရင်းမြစ်များ

Daniela 9:3

Me oge me bwele thö ka than a Khong me elâm a deny hic me khöû, me ca han, me mano ae gan nân, me hnabadröu.

Mataio 12:45

Me e ame he but me tha hom mē je hanu a seven ae beönua anyidrin monu hon e, ke ödrin e didro me laba eling: ke haba obiny ka at eling, ame he ka kong hon a bân. Ke ame he ka helâe minya ka dö ang ae kong.

Mataio 17:20

Me e ame ha ködrin, ka habe, Anyin ae ûhnyûkong anyibun labageju: anyin e hnathu inya oge me ha köbun, ka habe, a ne hu gabun labageju helâ me wan sinapi, me öbun e he ka ha ka bucen ang, ka habe, Kec dö kâe; me ame he ka kec; ke ba ke ûnyi ame he ka pason köbun.

Mareko 9:28

Me e ame didro hnyin uma ai, me ame hnö duöngâ e hnen laten, ka habe, E ca khanʼ ohmun he ka obâ e.

Mareko 9:30

Ödrin e he but ûhedrin e, me he hnyi wanben Galilaia; ka ca weny bi he ka manen ka ke at.

Luka 11:26

Me e ame he but me bi hanen ge ta je hanu ae kong hon e a seven; ke ödrin e didro me laba eling: ke haba obiny ka at eling ame he ka kong hon a bân.

Ta je huliwa 14:23

Ke ödre hia but otilâ wahingat hobi kodra hnyi ta je ekalesia, ke ödre hic me ânyâ ca han, me ödru me hnʼ ödra but ka Than, at adre me labageju kâu.

I. Korinito 9:27

ke oge me hom ûhnyûkongo unyik, me thaluâ e: wâ oge nye hia but khetâ ka keihen, ke hwaban e adre me digic nya but.

II. Korinito 11:27

inya hnyi huliwa ae hmak, me vec, me osehia hmâkâ, me mekihnânem, me beic, me ibiose hokhnyok, me hnyi megic, me he thu.

II. Korinito 12:8

Ke iny okun khöû ka Than ge ûnyi eling, me me he ka ohia but gak.

II. Korinito 6:5

me hna osoâ, me hnyi uma ceat, me hnyi je imonumonu, me ta je huliwa, me hmâkâ me mekihnânem;

Efeso 6:18

ke labö hic bala ju öbun geʼ hic me sumat hia hnyi Hanu hnyi ta je ûen hia, me hmâkâ kâe hnen ûjöng hia, me sumat hnân hobi kâu wakap hia,

Iakobo 5:15

ke haba hic hnyi labageju, me ame he bi ka omelö komok, kʼ ame he Than ka otilâ thö e; ke a ne hia but ânyâ ta je monu, me ame he ka thang ut gan.