Mareko 9:25 - Iaai Bible 1901 (New Caledonia)

²⁵ A wâ but Iesu tavat ae se hia adre me wadring ûkhacaköu, me e ame thawâ hanu ae kong, me ha kâu, ka habe, U hanu ae hum me wejiji lö, inya oge me hûna köu he ka didrut ûhem hnyi hnyekon, ke ca delec hmetu bala bi.

Mareko 9:25 ပူးပေါင်းရင်းမြစ်များ

Zakaria 3:2

Haba Iehova ame ha kö Satana, ka habe, Satana lö, e so e û u Iehova; eke, e so ame he Iehova at ame senyin ka Jerusalema ka û u: hawa, ca uthmeic bi ang adre oc ûnyi hnyin meic!

Mataio 12:22

Adre me hom but kâu ke at a delec demoni, ae wadröu, ke hum: me e ame osoâ e, me ame fuc dö at ae hum me bwela.

Mataio 17:18

Haba Iesu ame thawâ e, me ame didrut demoni ûnyi hnyin: me ame möt dö da hwân hnyi ûen e.

Mareko 9:15

Ke a wâ but e hnen tavat ae se hia, adre me ie lâiâ, me wadring kâu he ka iouny so mē.

Mareko 9:24

Me ame ie fuc kamen wanakat, me ha, ka habe, Inya oge me labageju; ö u hadruâ anyik calabageju.

Mareko 9:26

Me e ame kuku me seset, me didrut: ke haba wanakat, me ame ûcû me at a mokcu; me ame ha tavat ae se, ka habe, A mokcu.

Luka 11:14

Ke e ame obâ demoni ae hum. Ke ame didrut demoni, me ame fuc dö hum; me ame lâiâ tavat ae se hia.

Luka 4:35

Haba Iesu ame thawâ e, ka habe, Ca mede, ke didrut ûhem hnyi hnyekon. Ke a hia but demoni hagutâ e hnyikânâi hnyi wanben, me e ame didrut ûheny hnyi hnyekon, ke a ca okongoâ bi e.

Luka 4:41

Ke ame dit minya je demoni ûhedra hnyin tavat ae se hia, adre me hongot me ha, ka habe, U thibi Nokon Khong. Ke e ame thawʼ ödra, mʼ adre me ca he ka fuc, anyin adre me wâhmakhmeto but a e thibi Keriso.

Luka 8:29

Anyin a e ame hûna ka hanu ae kong he ka didrut ûnyi hnyi hnyin at. Anyin a e ame osehia kât e: ke adre me labö tuö e, me ca ge tö fao, me ca li can; ke e ame thamuâ hna ca e, me ame hom e hnyebuba ai hnen demoni.

Luka 9:42

Ke e ame tiga he, me haba diabolo ame osesebila e me sa hmonyinâ. Me Iesu ame thawâ hanu ae kong, me osoâ da, me ham hmetu e ka kamen.

Ta je huliwa 16:18

Ke se hia je bong e ame ânyâ e. Me ame hmak hnyekon Paulo, me e ame hwio me ha ka hanu, ka habe, Inya oge me ha köu hnyi iö Iesu Keriso he ka didrut ûhem hnyi hnyin. Me e ame didrut hnyi awa eling.

Juda 1:9

Ke haba Mikaela angela ae nua ame ûöhwege me diabolo kʼ ame iwatretra ge unyi Mose, me ca hwege he ka haikongoâ e, ke e ame ha, ka habe, Hamen bi Than he ka thawo u.