Mareko 9:24 - Iaai Bible 1901 (New Caledonia)

²⁴ Me ame ie fuc kamen wanakat, me ha, ka habe, Inya oge me labageju; ö u hadruâ anyik calabageju.

Mareko 9:24 ပူးပေါင်းရင်းမြစ်များ

II. Samuela 16:12

Ke ame ne be Iehova ka wâ hna okongu nya, me me he Iehova ka bi hwaban so könya hwaban hnen hna hangö nya hnyi bong ang.

II. Je Than 20:5

Hwio hmetu thö, me ha kö Hezekia, a taben lakeik, ka habe, Walang hna ha hnö Iehova Khongu Davita a kibâm, ka habe, Oge hia but long hijâm hic, me wâ deköiâm: me wâ bi, oge me he bi nya ka omeli u: haba hnyi bong a kuniny u me he ka he ka hnyi uma umo Iehova.

Salamo 126:5

Haba tavat adre me ta tengiâ, adre me he ka meno hnyi senyin.

Salamo 39:12

Iehova lö, long ju hijik hic, tevehlöng ju anyik tenge; Ca laba hnyibû ge deköiök: Anyin a iny atkanyua unyâm, Me at ame mē laba, helâ me lakamök hia thithö.

Jeremia 14:17

Ke u me he ka ha kodra hofuc ang, ka habe, E so ame hingölö ûnyi hnyi li emakök deköiö hnyi lany me lit, me ca he ka menâ; anyin a aat dö hluiny ik hnyei, ke gan hmâ aat, ke gan hmâ hna kot.

Mareko 9:23

Haba Iesu ame ha kâu, ka habe, A ne khanö u bi! E khana ta je ûnyi hia hnen at ame labageju.

Mareko 9:25

A wâ but Iesu tavat ae se hia adre me wadring ûkhacaköu, me e ame thawâ hanu ae kong, me ha kâu, ka habe, U hanu ae hum me wejiji lö, inya oge me hûna köu he ka didrut ûhem hnyi hnyekon, ke ca delec hmetu bala bi.

Luka 17:5

Haba je aposetolo ödrin e ha ka Than, ka habe, Bi hanen ju anyihmun labageju.

Luka 7:38

kʼ ame tot hoton hnyi li can me tenge, me hwân he ka okhubetâ li can ge deköien li emakan, me kot ge leûnen ban, me cem li can, me hû ge muro.

Luka 7:44

Ke e ame hwio thö ka momo me ha kö Simona, ka habe, U je wâ but momo ang? oge dit ka hnyi umâm uma, ke u je ca bi utköiö hobi kâu li cak: ke a hia but momo okhubetâ li cak ge deköien, me kot ge leûnen ban.

Ta je huliwa 10:19

Ke Peteru ame tiga ûnykûme hna omanenâ, haba Hanu ame ha kâu, ka habe, Wâ bi, kun ta hnyat ödrin e elöm u.

Ta je huliwa 10:31

kʼ ame ha, ka habe, Konelio lö, adre hia but long hijâm hic, ke adre hia but ûnykûme hnâm je hna betenge hnyi hnyimakan Khong.

II. Korinito 2:4

Anyin oge me set köbun hnyi vec ae gan hmâ, ke hmak hnyekuk, ke gan hmâ deköien li emakök; ca hnân oveci öbun, ke so bi me me he ka manen köbun anyik betenge ae gan hmâ köbun.

Efeso 2:8

anyin adre hia but omeli öbun hnen ibetengiö baû a deny labageju; ke habe e, me ca ûnyi gabun: ke bwihlany anyin Khong:

Filipi 1:29

anyin adre hia but ham köbun ge Keriso, ca he ka hake labageju thibi kâu, ke so minya he ka vec can e:

II. Thesalonika. 1:11

Waleling mʼ öhmun e hic bala hobi köbun, me me he Khonguta ka haöûcû öbun ka hnyi hna hawʼ öbun kâu, me obekhötâ hneû man ta je weny ae so, me ta je huliwainy labageju;

II. Thesalonika. 1:3

Hamöhmun he ka ole bala ka Khong gabun, hnyat me lakeiny, anyin ae ûcû e, anyin ame ti kû hmonyin anyibun labaʼ geju, kʼ ame si but anyibun ibetengiököu hia thithö;

II. Timoteo 1:4

ke bewek hmonyin he ka iouny möu mʼ inye unöngötö ge senyin, anyin oge me ûnykûme li deköiâm;

Heberu 12:17

Anyin ae khanʼ Öbun a hwaban e, e ame weny hmetu he ka hu hna hahnahicâ, ke adre hociâ e (anyin a e ame okhodrut wâ gethen deny ietra), ke so bi e ame elâm wia e me li deköien.

Heberu 12:2

me ō Iesu at ame hwân me obekhötâ labageju, waleji at ame hokhnyokâ satauro, kʼ ame ca oûnyihnathoâ hmehma, ûnyi hnyi senyin adre me ip hnyi hnyimakan, ke e ame laba ju hnyi ke keihen metân theron anyin Khong.

Heberu 5:7

Ke haba hnyi ta je bong a e tiga at hnyin, me e ame hic me khöû me tenge hwege, ke hu deköien, ka at ae khana he ka omelö e ûnyi hnyi mok, me adre me löng kâu, anyin a e outen Khong,