Mareko 9:22 - Iaai Bible 1901 (New Caledonia)

²² Ke e ame ibi ose khûâ e ka hnyi meic, me ka hnyi köiö minya, he ka hlingâ e: ke a ne khanö u, me ö u betenge gahmun, me hadruʼ ohmun.

Mareko 9:22 ပူးပေါင်းရင်းမြစ်များ

Mataio 14:31

Me Iesu ame ie hinôbeny me kât e, me ha kâu, ka habe, At ame labageju ûhnyûkong lö, ieû gam u me hlohlo?

Mataio 17:15

Than lö, betenge ju ge nokuk: anyin a e ame ing, me gan hmâ vec: anyin a e ame osehia but ta eû hnyi meic, ke osehia minya ka hnyi köiö.

Mataio 20:34

Me haba Iesu ame hnyok ködru, me kâlâ li emaködru: me ödru me ie bwela but me he hoton.

Mataio 8:2

Me wâ bi, ame o but kâu ke lepera me khudrung ju kâu, me ha, ka habe, Taböny Than lö, u je ne bewem, me khatö u he ka osoi nya.

Mataio 9:28

Ke e ame didro ka hnyi uma, me ame he but kâu li wadröu: ke haba Iesu ame ha ködru, ka habe, Hawa, öbu me ûnykûme me e khanö nya he ka ânyâ e? Ke ödru me ha kâu, ka habe, E, Than.

Mareko 5:19

Ke e ame ca ogâ e, ke haingen bi kâu, ka habe, He thö ka hnyi hnyabam, ka je lahanâm, me omanenâ ködrin ûnyi ae gan a mâdrâ köu Than, me hnen hna betenge gam.

Mareko 9:21

Me e ame hnö kamen, ka habe, A o kehö ûnyi ang kâu? Ke haingen, ka habe, Hwân ke tiga wanakat.

Mareko 9:23

Haba Iesu ame ha kâu, ka habe, A ne khanö u bi! E khana ta je ûnyi hia hnen at ame labageju.

Luka 7:13

Ke haba Than ame wâ momo, me e ame betenge gan, me ha kâu, ka habe, Ca tenge.