Mareko 9:20 - Iaai Bible 1901 (New Caledonia)

²⁰ Me adre me hom e kâu: ke a wâ but e, me haba hanu ame ie kia but e; ke e ame ta hon kânâ me sesebila, kʼ ame hûlûhangöc dö.

Mareko 9:20 ပူးပေါင်းရင်းမြစ်များ

Mareko 1:26

Ke haba hanu ae kong ame osesebilâ e, me kuku hwege me didrut ûheny hnyi hnyekon.

Mareko 9:18

ke haba hnyi je dok e ame hom e ka hnyin e ame sa e hnyikânâi: ke e ame hûlûhangöc dö, me ûk ut ganyon, me aû tot: ke oge me ha ka lâtâm he ka obâ e; ke ca khanʼ ödrin.

Mareko 9:19

Me e ame thu ködrin, ka habe, Dö ame ca labageju lö, oge me he ka tha inya möbun ke ne o but kehö? oge me he ka hokhnyoki öbun ke ne o but kehö? hö jem könya.

Mareko 9:21

Me e ame hnö kamen, ka habe, A o kehö ûnyi ang kâu? Ke haingen, ka habe, Hwân ke tiga wanakat.

Mareko 9:26

Me e ame kuku me seset, me didrut: ke haba wanakat, me ame ûcû me at a mokcu; me ame ha tavat ae se, ka habe, A mokcu.

Luka 4:35

Haba Iesu ame thawâ e, ka habe, Ca mede, ke didrut ûhem hnyi hnyekon. Ke a hia but demoni hagutâ e hnyikânâi hnyi wanben, me e ame didrut ûheny hnyi hnyekon, ke a ca okongoâ bi e.

Luka 8:29

Anyin a e ame hûna ka hanu ae kong he ka didrut ûnyi hnyi hnyin at. Anyin a e ame osehia kât e: ke adre me labö tuö e, me ca ge tö fao, me ca li can; ke e ame thamuâ hna ca e, me ame hom e hnyebuba ai hnen demoni.

Luka 9:39

ke wâ bi ame kât e hnen hanu me e ame ie hongot hwege; kʼ ame osesebila e, me e ame hûlûhangöc dö, kʼ ame ka bec ut, kʼ ame ca ie didrut gan, me ame ti okongoâ e.

Luka 9:42

Ke e ame tiga he, me haba diabolo ame osesebila e me sa hmonyinâ. Me Iesu ame thawâ hanu ae kong, me osoâ da, me ham hmetu e ka kamen.

Ioane 8:44

Ûnyi ge kamöbun öbun, wale diabolo, ke öbun e behe ka ânyâ weny ae kong anyin kamöbun. E at ûhlingö hwân hnyi can, kʼ ame ca tethmâ hnyi hnathu, anyin ae ba hnathu gan. E ka he ka ha thoi, me ka ûnyi gan, anyin a e at thoi, ke kamen thoi.

I. Peteru 5:8

Metâ but öbun, ke hmâkâ thö: haba iwahnaihmiony möbun, wale diabolo ame ngenu helâ me liona ame kuku, kʼ ame heleû haniny: