Mareko 9:12 - Iaai Bible 1901 (New Caledonia)

¹² Ke e ame ha ködrin, ka habe, E hnathu a bö Elia ka o, me ohâtâ ta je ûnyi hia: ke adre sihnalimen ahö ge Nokon at a e ame he ka vheno ta je vec ae se hia me adre me he ka oûnyibâûâ e?

Mareko 9:12 ပူးပေါင်းရင်းမြစ်များ

Salamo 74:22

Khong lö, todrö, ivino thö hobi köu bi: Ûnykûme ju hna haikongu u hnen at ae monu hnyi ta je bong.

Isaia 49:7

Walang hna ha hnö Iehova, at ame ûcû meli Isaraela, wale Kabiny, kâu a at ame hûkhötiâ hnen tavat, ke u at ame bi athnyabainy tavat musi, ka habe, Ame he je than ka wâ me tot; kʼ ame he lakon than ka khudrung; can bi Iehova ae hnathu, wale Kabi Isaraela at a ûco u.

Isaia 50:6

Oge me hna juk ka tavat ûkûc, me li wahicok ka tavat adre me hnimö je leûnen: oge me ca ikhâlâ hnyimakök ge hmehma me ûhangöji.

Isaia 52:14

Ödra se hia adre me uthmâhmâ gam, (adre okongoâ gan hmâ hnyimakan hon hnyimakan tavat hia, ke unyin, hon unyin tavat,)

Zakaria 11:13

Ke Iehova ame ha könya, ka habe, Khûâ thö e ka at ame up kaia, wale hwaban adre me ha me hwabök. Me oge me hom je sileva a thote, me khûâ hnyi uma umo Iehova ka at ame up kaia.

Zakaria 13:7

Hele vat lö, hmak dö ka at ame tuö mamoe könya, me ûcon at ae ûcû mönya, haingö Iehova tuhan sabaoth: kot dö at ame tuö mamoe, me ame he ka ve se but ta je mamoe; ke oge me he ka wia hnyamök ka tavat ae ûhnyûkong.

Malaki 4:6

Ke e ame he ka ohmeto je hnyekon lakamen ka lakon, ke je hnyekon lakon ka lakamödra; wâ oge nye o me kot kânâ ge hnaûhangö.

Mataio 16:21

Hwân ûen e, Iesu ame hwân ka omanenâ ka laten a e ame he ka he Jerusalema ai, me vheno ta je vec ae se hia ûnyi ge wahingat, me ta je taben tavat bihut, me hnyat sihnalimen, kʼ adre me he ka hlingâ, kʼ ame he ka möt hmetu hnyi bong a kuniny.

Mataio 26:24

Ame he but ka he Nokon at helâ me hna sihnalimen gan: ke ekölö ge at a alecuâ Nokon at a deny! adre ne ca hnokoâ at eling, ame ne so bi kâu.

Mareko 10:33

Wâ bi otin e he ang Jerusalema ai; ke adre me he ka hna Nokon at ka je taben tavat bihut, me hnyat sihnalimen; ke adre me he ka hangâ e he ka mok, me hna e ka Aten ke je hnyei:

Mareko 9:13

Ke inya oge me ha köbun, ka habe, A hia but o Elia, ke adre hia but ânyâ kâu wedra minya, helâ me hna sihnalimen gan.

Mareko 9:31

Anyin a e ame nâ laten, me ha ködrin, ka habe, Adre me he ka hna Nokon at ka hnyi je hnyamen tavat, kʼ adre me he ka hlingâ e; ke hwaban hna hlingâ e, me e ame he ka möt hmetu hnyi bong a kuniny.

Luka 1:76

Eke, ke haba u, da, me adre me he ka haiö u me perofeta anyi Beönua: Anyin a u me he ka bân hnyi hnyimakan Than he ka ânyâwia deny ta je gethen.

Luka 23:11

Ke haba Heroda me anyin je soja adre me hmiödra e, me hluma e, me okhavâ e ge ûkhaû ae hmanenang, me kunâ hmetu e kö Pilato.

Luka 23:39

Ke haba ke at hnyin li at ae kong adre uhno ame haikongoâ e, ka habe, Hawa u ca Keriso? omeli u thö, möhmun.

Ta je huliwa 1:6

Ke ödrin e hnö e hnyi ke bong ödrin e ûkhacaköu hnyin, ka habe, Than lö, ûen dut ang u me he ka odokho hmetu at Isaraela?

Ta je huliwa 4:11

E thibi veto öbun e degec öbun hnyat bi uma, adre hia but ânyâ hnân vetoiny ban kopiny.