Mareko 8:38 - Iaai Bible 1901 (New Caledonia)

³⁸ Haba at ame he ka hmehma gak me hok ta je hofuc hnyi dö ang, a dö bi ûnyi monu, kʼ ame ânyâ ta je hulö, me ame he bi Nokon at ka hmehma gan hnyi ûen e ame tha o me ta je angela ae kap hnyi hmanenanginy Kamen.

Mareko 8:38 ပူးပေါင်းရင်းမြစ်များ

Daniela 7:10

Ke ame hingölö wagewe meic me patrutrua ûnyi hnyi hnyimakan: kʼ adre me bi athnyaba kâu tavat a wan thauzan je thauzan, kʼ ame utitilen hnyi hnyimakan khaca miriad je miriad: kʼ adre me penapena he ka ûhnei, kʼ adre me ulolo je tusi.

Daniela 7:13

Ke oge me wâ je hna omanenâ hnyi lit, ke wâ bi, ame tha o me je ûlâiny drany, at helâ me nokon at, ke e ame o ka hingat kâû adrem, mʼ adre me hom e ka hnyi hnyimakan.

Zakaria 14:5

Ke öbun e he ka kec me gethen hnyi hnyigöulen anyik je bucen: anyin ame he ka he ke ne o but hnyi Azale hnyigöulen je bucen: eke, öbun e he ka kec helâji me hnobun hna kec ge hwiöi hnyi je bong bongu Uzia than Juda: ke ame he Iehova Khonguk ka o, ke ame he ka tha o möu tavat hia ae kap.

Mataio 12:39

Ke e ame thu ködrin, ka habe, Dö ae kong ke bi ûnyi monu, adre me elâm haten; ke adre me ca he ka ham kodra haten, ke so thibi haten ga Jona perofeta:

Mataio 13:41

Ame he Nokon at ka kunâ anyin ta je angela, mʼ ödrin e he ka ûkhöûnâ ûnyi hnyi dokhon dökhu ta je ûnyi hia adre me bi jöniny, ke tavat adre me ânyâ hulö,

Mataio 16:27

Anyin ame he ka o thö Nokon at hnyi hmanenanginy Kamen, tha e me anyin ta je angela, me e ame he ka ve ham ka tavat hia thitliö e ûcû me anyidra ta je huliwa.

Mataio 16:28

E hnathu, inya oge me ha köbun, haba keihen gadra adre me tot eang, adre me ca he bi ka mok, ke ne o but adre me wâ Nokon at ame he ka o hnyi dokhon dökhu.

Mataio 16:4

Ame elâm haten hnen dö ae kong kʼ ame bi ûnyi monu; kʼ adre me ca he bi ka ham kâu haten, ke so thibi haten anyi Jona perofeta. Ke e ame hnʼ ödra, me he but.

Mataio 24:30

me ame he ka manen hnyi drany haten Nokon at: ke ame he ka ûtengiö ta je tribu hia eang hmeledrany, ke adre me he ka wâ Nokon at ame o hon ta je ûlâiny drany, tha e me man me hmanenang ae gan hmâ.

Mataio 25:31

Ke e ka o but Nokon at hnyi anyin hmanenang tha e me anyin ta je angela hia thithö, me e ame he ka laba hon theroniny anyin hmanenang:

Mataio 26:64

Haingö Iesu ame ha kâu, ka habe, U me ha e: ke inya oge me ka köbun, ka habe, Nyiele öbun e he ka wâ Nokon at ame laba hnyi ke keihen maniny man a metân, kʼ ame he ka o hnyi ûlâiny drany.

Mataio 8:20

Ke haba Iesu ame ha kâu, ka habe, Haba ta je alope, me hu hnödra hnyi kânâ, ke haba ta je meno ame ga ethö, me hu haûödra; ke haba bi Nokon at, me ba hnân omokulec ban hnyin.

Mareko 13:26

Me adre me he ka wâ Nokon at ame he ka o hnyi ta je ûlâ tha e me man ae gan me hmanenang.

Mareko 14:62

Haingö Iesu ame ha, ka habe, Inya ang: ke öbun e he ka wâ Nokon at ame laba hnyi ke keihen metân man ame tha he me ta je ûlâiny drany.

Mareko 8:37

Ke ieû ke ûnyi ae ûcû ka at he ka ham hnân ûco anyin möt?

Luka 19:26

Haba inya oge me ha köbun; Adre me he ka ham ka at ae hu gan; ke adre me he ka hûgûnâ ge at ae ba gan, ûnyi e ame hu.

Luka 9:26

Ke haba at ame he ka hmehma gak me hok ta je hofuc, me ame he bi Nokon at ka hmehma gan, e ka tha o me anyin hing hmanenang, me hmanenanginy Kamen, me ta je angela ae kap.

Ioane 1:14

Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

Ioane 1:51

Ke e ame ha kâu, ka habe, E hnathu, e hnathu, inya oge me ha köbun, ka habe, Öbun e he bi ka wâ drany adre khong, me ta je angela anyin Khong adre me he ka ölö thö me utut hon Nokon at.

Ioane 12:34

Haba tavat ae se hia adre me thu kâu, ka habe, Ohmun e long ut ûnyi hnyi hnanyibu a gʼ ame he ka tethmâ Keriso nyiele balua: ieû gam u me ha a ga ûcû he ka ogöranyâ Nokon at? ia Nokon at eling?

Ioane 5:27

ke e ame ham minya kâu man he ka hnei, anyin a e Nokon at.

Ta je huliwa 10:22

Ke haingödrin, ka habe, Haba Konelio, keneturio, at ae wisa hwakecin, me outen Khong, me hna haisoâ hnen at Juda hia, ame kû kâu hnen angela ae kap he ka hawo u ka hnyi umen uma, me me he ka long hofuc gam.

Ta je huliwa 5:41

Me ödrin e he but ûhedrin hnyi hnyimakan tavat ûhnenamö, me senyin anyin adre me hna ködrin he ka kong can Ien.

Roma 1:16

Anyin a inya oge me ca hmehma ge ûthumetu ae so: anyin a wale man maniny Khong hnân omelö tavat hia thithö adre me labageju; ka at Juda a bân, me ka at Heleni minya ju.

Galatia 6:14

Ke haba inya, me oge me ca he bala ka hobelöû ke so thibi hnyi satauro anyin Tuhöta Iesu Keriso, kʼ adre me osatauroâ hmeledrany könya a deny e, ke ka inya minya ka hmeledrany.

Deuteronomi 33:2

Ke e ame ha, ka habe, A o thö Iehova ûheny Sinai, Me köûö ködra ûheny Seira; E ame umumelam but ûheny hon bucen Parana, Ke e ame o ûheny je ten thauzan tavat ae kap: Ke e hnyi hnyamen a metân hnanyibu ae meic hobi ködra.

I. Thesalonika 2:19

Anyin a ieû anyihmun geju, me senyin, me koronainy hobelöûî Ca öbun bi hnyi hnyimakan Tuhöta Iesu hnyi ûen e ame he ka manen hmetu?

I. Thesalonika 3:13

me me he ka otethmâ je hnyekubun ae ba hnyikongon hnyi hwakecin ae kap hnyi hnyimakan Khong a Kamöta, e ka o hmetu but Tuhöta Iesu, tha e me anyin wakap hia thithö.

II. Timoteo 1:12

Can e oge me vecâ ta je ûnyi e; ke inya oge me ca hmehma bi; anyin oge me wâhmakhmeto but e, waleji at oge me labageju kâu, ke mou thö hnyi hnyekuk a e khana he ka tuö hnok hna hna kâu, ke ne o but hnyi bong e.

II. Timoteo 1:16

E so ame he Than ka betenge ka lap anyi Onesiforo: anyin a e osehia okahwö nya, ke e ame ca hmehma gak me tö fao adre cö nya kâu;

II. Timoteo 1:8

Anyin a wale u me ca he ka hmehma he ka ohnatho Tuhöta, ke gak bi inya at adre cö nya: ke so bi, u me he ka hnyi hanen ta je vecin uthumetu ae so hoton man maniny Khong;

Heberu 11:16

Ke walang ang adre me weny ke hnyei ae beönua hnyin so, a wale thö drany: waleling me me ca hmehma bi Khong, e ka he ka hâiâ e, ka habe, e Khongudrin; anyin a e ame penapena taun hobi ködra.

Heberu 11:26

ke e ame ûnykûme a hing omjeû hnödra hna haikongoâ e can Keriso, hon ta je omjeûiny Aigupito: anyin a e ame wâ hmâ hing hwaban.

Heberu 13:13

Anyin a wale e so ate me didro kâu ka hnyi hoton hnyaba, me hokhnyok hnyi hna haikongoâ e.

Iakobo 4:4

Öbun tavat bi ûnyi monu, hana, e ca khanʼ öbun a iwahnaihmiony me Khong he ka hanen hmeledrany? Anyin a wale haba at ame behe ka hanen hmeledrany me wale iwahnaihmiony me Khong.

I. Ioane 2:23

Haba at ame ivinoâ Nokon, me hia but Kamen unyin: ke haba at ame haimemenâ Nokon, me e but unyin minya Kamen.

I. Ioane 2:28

Ke walang ang je wanakat lö, laba ju eû hnyi hnyin; me me hu gata hnyok ae hwege, e ka manen dut, mʼ ate me ca he ka hmehma hnyi hnyimakan e ka o but.

Hna Omanenâ 14:10

wale at ame he minya ka ijem wainainy tang hmonyin anyin Khong, wale adre penapena ke adre me ca ûhaniken, hnyi kaiainy anyin tang hmonyin; ke adre me he ka ovecâ e hnen meic me teio hnyi hnyimakan ta je angela ae kap, ke hnyi hnyimakan Arenio: