34 Ke e ame hawâ tavat ae se hia me laten minya, me ha kodra, ka habe, A ne hu ke at ame weny he ka he hotuk, e so e he ka hamen hokhnyok, me hom anyin satauro me he hotuk.
me kia luâ dökhu ûnyi hnyi lap anyi Davita, me ham e köu: ke haba u ca ûcû me Davita athnyabaik, at ame tuö hnok je hna hûna me vheno hotuk hia ge hnyekon a khaca, he ka ânyâ thibi wisa hnyi hnyimakök;
ke haba athnyabaik a Kaleba, anyin a e at ae ke hnyekon, ke e ame tha löng hotuk, awe oge me he ka hom e ka hnyi hnyei wale a mwi hnyin; kʼ ame he je mâtrâniny ka hu e.
Ke haba Iesu ame wâ hmâ e, me betenge gan, me ha kâu, ka habe, Khaca thiju ûnyi ae hia gam: he thö ka ûco ânyâm ta je ûnyi, me ham ka ta je theduoc, me ame he ka hu köu tang omjeû hnyi drany: ke aiö u bi, he hotuk.
Hwege thʼ öbun he ka dit hnyi homagöule ae hnek: anyin a inya oge me ha köbun, ka habe, e se hia tavat adre me elâm he ka didro hnyin, kʼ ame ca he ka khanʼ ödra.
Ke a long ut Iesu ûnyi e, me e ame ha kâu, ka habe, Khaca biju ûnyi ae hia gam: ûco thö ânyâm ta je ûnyi hia, me khenâ ka ta je theduoc, ke u me he ka hu tang omjeû hnyi drany: ke aiö u bi, me he hotuk.
ödru me ohmâ je hnyekon laten, me sihwegi ödra he ka tethmâ hnyi labageju, me ha, ka habe, hamöta he ka dit ka hnyi dokhu dokhon Khong deny ta je vec ae se hia.
Eja ke ne oge ne he ka ba hanymök ka tavat hia thithö ehac, oge me ka hamök hnö nya bi ka athnyabaidra hia, me me se hia tavat adre me he ka hmehmelö nya.
Adre hia but tha osatauroi nya me Keriso; ke iny möt bi; ke ca inya hmetu bi, ke Keriso bi at ae möt eû hnyik: ke haba möt oge me melö hnyi unyin, inya oge me melö e hnen labageju ka Nokon Khong, waleji at ame betenge gak, me ka ham e hnân hobi könya.
Ke haba inya, me oge me ca he bala ka hobelöû ke so thibi hnyi satauro anyin Tuhöta Iesu Keriso, kʼ adre me osatauroâ hmeledrany könya a deny e, ke ka inya minya ka hmeledrany.
Ke walang ang inya oge me senyinâ anyik je vec hobi köbun, ke oge me obekhötâ hnyi unyik hounyin je vec anyin Keriso hobi kâu unyin e, wale a ekalesia;
Anyin a wale hlingâ ju öbun je ong outhunyibun eang hmeledrany; wale a bi ûnyi monu, me hwakecin ae ikiki, me hnyok wagelue, me weny ae kong, me behnyekon, a wale hmi ka hnatheat;
ame nʼ öta, mʼ ate me he ha hociâ hwakecin ae ca ûcû me Khong, me ta je weny hmeledrany ae monu, ke ate me he bi ka labö ûnykûme wia, me ânyâ hwakecin ae wisa, me hwakecin ae ûcû me Khong hnyi möt ang;
U ma ca outen ta je ûnyi ame he ka oveci u: wâ bi, ame he diabolo ka khûâ keihen gabun ka hnyi uma ceat, mʼ adre me he ka cubic öbun: ke ame he ka libenyita je bonginy vec a öbun. U ma hnathu ju ke ne o but ka hnyi mok, me oge me he ka ham köu koronainy möt.