Mareko 8:29 - Iaai Bible 1901 (New Caledonia)

²⁹ Ke e ame hnei ödrin, ka habe, Haba ifucibun gak, mʼ iny ia? Haingö Peteru ame thu kâu, ka habe, U thibi Keriso.

Mareko 8:29 ပူးပေါင်းရင်းမြစ်များ

Mareko 4:11

Haingen ame ha ködrin, ka habe, Adre me ham köbun he ka wâhmakhmeto ta je ûnyi ae iyong hnyi dokhu dokhon Khong: kʼ adre me ânyâ ta je ûnyi hia hnyi ta je ûhöûcû hobi kodra eû:

Luka 9:20

E ame ha ködrin, ka habe, Haba ifucibun gak mʼiny ia? Peteru ame thu, ka habe, Keriso a Nokon Khong.

Ioane 11:27

Haingen ame ha kâu, ka habe, Eke Than, inya oge hia but kap a u thibi Keriso a Nokon Khong, ame he ka o eang hmeledrany.

Ioane 4:42

mʼ ödrin e ha bi ka momo, ka habe, Ohmun e ca hake labageju thibi ûnyi ge hwâm hofuc; anyin a ohmun e hnyi long ut me wâ a wale thibi e At omelö hmeledrany.

Ioane 6:68

Haba Simona Peteru ame thu kâu, ka habe, Than lö, ohmun e he ka he ko ia? e thibi gam je hofucin möt ame ca ba balua.

Ioane 6:69

Ke ohmun e hia but labageju me wâhmakhmeto a u thibi At ae Kap anyin Khong.

Ta je huliwa 8:36

Ödru me tiga he eû hnyi gethen, me ödru me o but ka hnyi ke an; me ame ha eunuka ka habe, Walejo an; hawa, e kong he ka bapataisoi nya?

Ta je huliwa 9:20

Ke e ame ie kheti Iesu hnyi je sunago, a e thibi Nokon Khong.

I. Peteru 2:7

Anyin a wale, haba ûnyihnathuiny, me hobi köbun a hnyat labageju: ke haba hnyat adre me ca labageju, me wale bi ang, Haba veto ame degec hnen tavat up uma, Me adre hia but ânyâ hnân ban kopiny,

I. Ioane 4:15

Haba at ame he ka ha, ka habe, Iesu Nokon Khong, me Khong ame laba eû hnyin, ke e bi eû hnyi hnyekon.

I. Ioane 5:1

ADRE hnokoâ ûnyi ge Khong hnyat adre me kap, ka habe, Iesu thibi Keriso: ke haba at ame hnyokâ at a hnokoâ, me ame he ka hnyokâ minya at e ame hnokoâ.