Mareko 8:11 - Iaai Bible 1901 (New Caledonia)

¹¹ Ke ame o but ta je Faresaio me hwân he ka hnö e, adre me elâm gan haten ûnyi hnyi drany he ka cubec e.

Mareko 8:11 ပူးပေါင်းရင်းမြစ်များ

Esodo 17:2

Waleling me me he tavat ka û Mose, me ha, ka habe, Habelihmun. Ke Mose ame ha ködra, ka habe, Ieû gabun öbun e û nya? Ieû gabun öbun e cubic Iehova?

Esodo 17:7

Ke e ame hwenyi ien dok eling Masa, me Meriba, can fuc a lakon Isaraela, me can hnödra hna cubic Iehova, me habe, Hawa, ka e Iehova unyita, ame ne ba?

Malaki 3:15

Ke walang ang ate me he ka ha me hnahic ut at ame bi gan; eke, adre me op goranyai tavat adre me ânyâ hulö; eke, adre me cubic Iehova, ke ödra ka möt bi.

Mataio 12:38

Haba keihen tavat sihnalimen me ta je Faresaio adre me thu me ha, ka habe, At ûne lö, e bewehmun he ka wâ ke haten gam.

Mataio 19:3

Ke ame o thö kâu ta je Faresaio he ka cubec e, haingödrin ka habe, Hawa, e ûcû ka at he ka degec âiân can ta je ûnyi hia?

Mataio 21:23

Ke e ame o ka hnyi hnyin uma kap, me haba je taben tavat bihut me wahingatiny hnyei ödrin e o kâu hnyi ûen e ame tiga ûne, me haingödrin, ka habe, Hnen musi anyi ia u me ânyâ ta je ûnyi e?

Mataio 22:15

Me ame he but ta je Faresaio me ûhnenamö mʼ adre ma kâmâu ka töuhne-weny ge hnen hna ha.

Mataio 22:18

Ke haba Iesu ame wâ hwakecidrin ae kong, me e ame ba, ka habe, Hnyat thoi, ieû gabun öbun e cubic nya?

Mataio 22:23

Hnyi bong eling ame he but kâu ta je Sadukaio, tavat adre me ha, ka habe, e ba möt hmetu thö:

Mareko 12:15

Ohmun e he ka ham, ohmun e ca he ka ham, hawa? Ke e ame wâhmakhmeto anyidrin iyawö, me e ame ha ködrin, ka habe, Ieû gabun öbun e cubic nya? Hö jem denari mʼ inye wâ thö.

Mareko 2:16

Ke a wâ but e hnen hnyat sihnalimen, hanen je Faresaio a gʼ ame tha han me je telona me tavat ae kong, me adre me ha ka laten, ka habe, E ame tha han me ic me ta je telona me tavat ae kong.

Mareko 9:16

Ke e ame hnei ödra, ka habe, Ieû anyibun ûhnenamö mödrin?

Luka 10:25

Ke wâ bi ame todrö ke at ûnö hnanyibu, me cubec e, ka habe, At Ûne lö, ieû hanymök oge me he ka ânyâ e me hu the könya möt ame ca ba balua?

Luka 11:16

Ke haba keihen adre me cubec e, me elâm gan ke haten ûnyi hnyi drany.

Ioane 4:48

Haingö Iesu ame ha kâu, ka habe, Öbun e ne ca wâ ta je haten me ûöman, öbun e ca he bi ka labageju.

Ioane 6:30

Me adre me ha kâu, ka habe, Ieû haten u me he ka mâdrâ, mʼ ohmun e wâ thö, me labageju köu? ieû ânyâm huliwa?

Ioane 7:48

Hawa, e hu ke taben ame ne ke at Faresaio ame labageju kâu?

Ioane 8:6

Adre me ha e he ka cubec e, me me hu ûnyi hnân bi fuco e. Ke Iesu ame nom but me set kânâ ge banyen.

Ta je huliwa 5:9

Haba Peteru ame ha kâu, ka habe, Ieû gabu ae tha hnyekubu he ka cubec Hanon Than? wâ bi, eû hnyi hwanuma tavat adre me konâm âiâm, ke adre me he minya ka sam u.

I. Korinito 10:9

Ke ca he minya öta ka cubec Than, helâ me keihen gadra adre me cubec, me adre me mokcu ge ta je on.

Deuteronomi 6:16

Ca he öbun ka cubic Iehova Khongubun, helâ me hnobun hna cubic e hnyi Masa.