Mareko 7:34 - Iaai Bible 1901 (New Caledonia)

³⁴ ke e ame bwele thö hnyi drany ai, me mâng, me ha kâu, ka habe, Efatha, haba bongon, khong ut.

Mareko 7:34 ပူးပေါင်းရင်းမြစ်များ

Esodo 2:23

Ke hwaban ta je bong e ae se hia, a mokcu than Aigupito; kʼ ame mâng je lakon Isaraela can hna hwenbʼ ödra kʼ adre me hongot tenge, kʼ ame o but ka Khong anyidra hwatenge can hna hwenbʼ ödra.

Isaia 53:3

E hûkötiânen tavat, kʼ adre me hna degecâ e; e at ae vec, ke at ae khana hlöuhlöu: ke adre me hûkotiâ e helâ me at ame he tavat ka ikhâlâ je hnyimakodra gan, kʼ ate me ca oûnyihnathoâ e.

Mareko 1:41

Me e ame hnyok kâu, me hinôbeny me kâlâ e, me ha, ka habe, E bewek; u ma so but.

Mareko 15:34

Ke haba hnyi awa a naininy, Iesu ame hongot hwege, ka habe, Eloi, Eloi, lama sabakethani? bongon adre wia, Khonguk, Khonguk lö, ieû gam u me hnö nya but?

Mareko 5:41

E ame hom hnyamen wanakat me ha kâu, ka habe, Talitha kumi; bongon, Hlu lö, inya oge me ha köu, ka habe, Todrö.

Mareko 6:41

Ke e ame hom je areto a thabûng, me li wâ, me bwele hnyi drany ai, me oleâ, me thuthu je areto; me e ame ham ka laten, mʼ ödrin e he ka ip hnyi hnyimakodra; ke e ame khenâ li wâ kodra hia.

Mareko 7:35

Me ame lany jut li hnyikonyen, me ok ut toiny bohmen, me e ame fuc wisa.

Mareko 8:12

Ke e ame mâng hwege eû hnyi hnyekon me ha, ka habe, Ieû ge do ang adre me elâm haten? e hnathu inya oge me ha köbun ka habe, Adre me ca he ka ham haten ka dö ang.

Luka 18:42

Ke haba Iesu ame ha kâu, ka habe, U je bwela but: u je mödrut hnen ânyâm labageju.

Luka 19:41

E hakekeny jut, kʼ ame wâ taun, me e ame tenge gan,

Luka 7:14

Ke e ame he hakekeny me kâlâ tap; me ame todru tavat adre me sam. Ke e ame ha, ka habe, Hidröu lö, inya oge me ha köu, ka habe, Todrö.

Ioane 11:33

Iesu ame wâ e ame tenge, me at Juda adre me tha he mē adre me hnyi tenge, me e ame mâng eû hnyi hnyekon, me hmak hmonyin,

Ioane 11:35

Iesu ame tenge.

Ioane 11:38

Iesu ame mâng hmetu eû hnyi hnyekon, me o ka hnyi erkemok, wale op, ke adre ip veto hnyi hnyimen.

Ioane 11:41

Me adre me hom but veto. Ke haba Iesu ame bwele thö görany ai me ha, ka habe, Cica lö, inya oge me ole köu anyin a u me ling nya.

Ioane 11:43

E ame ha hofuc e, me e ame hongot hwege thö, ka habe, Lazaro lö, didrut.

Ioane 17:1

IESU ame ha ta je ûnyi e; ke e ame bwele hnyi drany ai me ha, ka habe, Cica lö, a o but ûen; ogânâ thö Nokom, me me oganö u minya bi Nokom:

Ta je huliwa 9:34

Haba Peteru ame ha kâu, ka habe, Ainea lö, haba Iesu Keriso ame osoi u: todrö, me ânyâwia hnâm hna mokut. Me e ame ie todrö.

Ta je huliwa 9:40

Ke haba Peteru ame obʼ ödrin dut hnyou ai, kʼ ame cibouca me hic; ke e ame hwio thö ka komok, me ha, ka habe, Tabitha lö, todrö. Me ame bwela but li emakan momo; ke e ame ō Peteru, me e ame laba thö.

Heberu 4:15

Anyin ae ca hu bi gata at bihut ae nua at ame ca hnyi vec hnyi anyita ta je sënyin; ke so bi at adre hia but cubec ge ta je ûnyi hia thithö helâ möta, ke ba bi anyin hulo.