Mareko 7:21 - Iaai Bible 1901 (New Caledonia)

²¹ Anyin a ûheny hnyin, wale ûheny hnyi hnyekon tavat, ame didrut je hna ûnykûme ae kong, me bi ûnyi monu,

Mareko 7:21 ပူးပေါင်းရင်းမြစ်များ

Genese 6:5

Ke a wâ but Iehova a e gan hmâ butmonuiny at eang hmeledrany, ke kong ut ta je hna ûnykûme hia eû hnyi hnyekudra hnyi ta ogo bong hia.

Genese 8:21

Ke Iehova ame löng bunen ae bo; ke haingö Iehova eû hnyi hnyekon, ka habe, Oge me ca he hmetu ka hangâ kânâ can at, anyin ae kong weny hnyekon at hwân ke tiga wanakat; ke oge me ca he hmetu ka hhngâ ta je ûnyi hia ae möt, helâji me hnök hna ânyâ.

Jobu 14:4

Ie at ae khana hom ke ûnyi ae kalaöt ûnyi hnyi ûnyi ae ca kalaöt? e ba at.

Jobu 25:4

Anyin a wale ame he ka kâmâu at me me wisa unyin Khong? Ke ama hawa he ka ba hnyikongon at adre me hnokoâ hnen momo?

Salamo 119:36

Ohmehmela thö hnyekuk ka hnyi hnâm ta je hna ohnathoâ, Ke ca he ka behnyokâ omjeû bi.

Salamo 14:1

HAINGEN at ae monu eû hnyi hnyekon, ka habe, E ba Khong. Odra bo kong, adre me ânyâ ta je huliwa ae ikiki; E ba at ame mâdrâ so.

Salamo 14:3

Odra hia adre me saû; kʼ adre me tha kong ut; E ba at ame mâdrâ so, e ba hmonyin me khaca.

Salamo 53:1

HAINGEN at ae monu eû hnyi hnyekon, ka habe, E ba Khong. Adre me bo kong ut, ke adre hia but ânyâ huliwa ae ikiki; E ba at ame mâdrâ so.

Salamo 53:3

Adre me saû hia but; adre me tha kong ut; E ba at ame mâdrâ so, e ba hmonyin me khaca.

Ta je Vejec 15:25

Ame he Iehova ka oc degecâ uma umen at ae bi gan: Ke e ame he ka otethmâ hnyigöulen safac.

Ta je Vejec 4:23

Ti tuö wia ju hnyekom; Anyin ame o but möt ûnyi e.

Isaia 59:13

wale hnyi hnöhmun hna hanyâûâ me ivino Iehova, me hmetuhmetu ge Khonguhmun, me ha ûöveci me thu musi, me ûnykûme me ha ûnyi hnyi hnyok je hofuc ae thoi.

Isaia 59:7

Ke ame wadring je cadra ka hnyi hulo, kʼ adre me logot hingâlâ dra ae ba hnyikongon: je ûnykûme ae kong je ûnykûmenödra; ke eû hnyi anyidra je hna cit gethen hnaûhango me ûokonguny.

Jeremia 16:12

ke öbun e hia but ânyâ hulo ae gan hmâ hon je lakamöbun; anyin a, wâ bi, öbun e ve hnu hoton ihwegien je hnyekubun ae kong, me öbun e ca ling nya bi:

Jeremia 17:9

Haba hnyekon at, me wale at ae ti iyawo hon ta je ûnyi hia thithö, ke ti kong e: ie at ame he ka wâhmakhmeto e?

Jeremia 4:14

Jerusalema lö, hneû but hnyekom wale hwakecâm ae kong, me u me he ka mot. Ame he ka mokut eû hnyekom je hna ûnykûme ae kong ke ne o but kehö?

Ezekiela 38:10

Walang hna ha hnen Than Iehova, ka habe, Hnyi ûen eling, ame he ka o je ûnyi hnyi hnyekom, ke u me he ka hu hna ûnykûme ae kong:

Mataio 15:19

Anyin ame didrut ûnyi hnyi hnyok ta je hna ûnykûme ae kong, me je ûhlingö, me venöu âiân ke at, me bi ûnyi monu, me venöu, me ohnatho thoi, me haikongo:

Mataio 9:4

Ke haba Iesu ame wâhmakhmeto je ûnykûmenödrin me e ame ha, ka habe, Ieû gabun öbun e ûnykûme mono eû hnyi je hnyekubun?

Mareko 7:20

Ke haingen, ʼ ka habe, Haba ûnyi ame didrut ûheny hnyi hnyekon at, wale ame okongoâ at.

Mareko 7:22

me venöu, me ûhlingö, me venâu âiân ke at, me benyekon, me hwakecin ae kong, me iyawö, me hwakecin ae ikiki, me ihuhnyinköu, me hwege hnyem, me hop, me hwen monu:

Luka 16:15

Ke e ame ha kodra, ka habe, Öbun tavat öbun e owisʼ öbun bi hnyi hnyimakan tavat; ke khana bi Khong je hnyekubun: anyin a haba ûnyi ame oûnyihnathoâ at, me, ikiki bi ling hnyi hnyimakan Khong.

Ta je huliwa 5:4

Hawa, ca ânyâm ehac kʼ ödra tiga ca ûco? ke hwaban hnâm hna ûco, hawa ca hamâm bala bi he ka muso? ieû gam u me ûnykûme ûnyi eang hnyi hnyekom? u me ca thoi ka at, ke ka Khong bi.

Ta je huliwa 8:22

Anyin a wale ietra ju ânyâm monu eang, me hic ka Than, ame ne he bi ka thang ut köu ûnykûmenen hnyekom.

Roma 7:5

Anyin a tiga öta bi hnyi unyin, haba ta je weny ae kong ûnyi hnyi hnanyibu ame huliwa hnyi je outhunyita he ka wa wan ka hnyi mok.

Roma 7:8

ke haba hulo ame heleû ûen, me ame okûâ eû hnyi hnyekuk ûnyi ge hnanyibu je behnyekon hia: anyin a mok ut hulo e ka ba hnanyibu.

Kolose 3:5

Anyin a wale hlingâ ju öbun je ong outhunyibun eang hmeledrany; wale a bi ûnyi monu, me hwakecin ae ikiki, me hnyok wagelue, me weny ae kong, me behnyekon, a wale hmi ka hnatheat;

Tito 3:3

Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.

Iakobo 2:4

hawa, öbun e ca oûnyihnatho ke at hon ke at, mʼ öbun hnyat owisa ae kong je ûnykûmenödra?