Mareko 6:6 - Iaai Bible 1901 (New Caledonia)

⁶ Ke e ame lâiâ can anyidra ca labageju. Ke e ame vheno igigilo je taun he ka ûne.

Mareko 6:6 ပူးပေါင်းရင်းမြစ်များ

Isaia 59:16

Ke e ame wâ ae ba at, me e ame lâiâ ae ba at ame khöûâ: anyin a wale ame ka ânyâ möt hobi kâu e hnen hnyamen bi; ke ame cö e anyin bi hwakecin ae wisa.

Jeremia 2:11

Hawa, e hu hnyei ame wia je khongon, ke ca je khong bi? ke so bi, a hia but lakeik wia anyidra hmanenang, mʼ adre me hom bi ûnyi ae ba troban.

Mataio 4:23

Ke Iesu ame vheno Galilaia hia thithö, ame ûne hnyin umödrin je sunago, me khetâ ûthumetu a soiny dökhu, me ohia ta je mok hia thithö, me ta je sēnyin hia hnyi hnyei.

Mataio 8:10

A long ut Iesu, me e ame lâiâ, me ha ka tavat adre me he hoton, ka habe, E hnathu, inya oge me ha köbun, inya oge me ca wâ hnyi Isaraela labageju ae gan a helâe.

Mataio 9:35

Ke haba Iesu ame vheno ta je taun me ta je hnyaba hia, ame ûne hnyi umödra ta je sunago, me khetâ ûthumetuiny dökhu ae so, me osoâ ta je mok hia, me ta je sēnyin hia.

Mareko 1:39

Me e ame dit ka hnyi umödra je sunago hnyi Galilaia hia, kʼ ame khetâ hofuc me obâ ta je demoni.

Mareko 10:1

KE e ame todrö me he ûheny ling me o hnyi je hnyigoulen Juda me hoton Joridano: me ame ûkhacaköu hmetu kâu tavat ae se hia; ke e ame nʼ ödra hmetu helâji me hwakecin.

Luka 13:22

Ke e ame he but me he hnyi wanben je taun me je hnyaba, kʼ ame ûne tot, ame he Jerusalema ai.

Luka 4:31

Ke e ame o but hnyi Kaperenauma, ke taun hnyi Galilaia. Ke e ame nʼ ödra hnyi bong sabath;

Luka 4:44

Ke e ame khetâ hnyi je sunago hnyi Galilaia.

Ioane 9:30

Haba wadröu ame thu kodra, ka habe, Hap wale ju ang ûnyi hnân lâiâ, a öbun e ca wâ dok a mwi hnyin, ke a hia but obwela li emakök.

Ta je huliwa 10:38

wale Iseu at Nazareta, ke haba Khong ame hû e hnen Hanu Kap me man; ke e ame labö vheno hnyei he kâ betenge ge at, me osoâ tavat ame oveci ödra diabolo; anyin a tha mē Khong.