Mareko 6:41 - Iaai Bible 1901 (New Caledonia)

⁴¹ Ke e ame hom je areto a thabûng, me li wâ, me bwele hnyi drany ai, me oleâ, me thuthu je areto; me e ame ham ka laten, mʼ ödrin e he ka ip hnyi hnyimakodra; ke e ame khenâ li wâ kodra hia.

Mareko 6:41 ပူးပေါင်းရင်းမြစ်များ

Mataio 14:19

Ke ame hûna ka tavat ae se hia he ka laba hnyi hna önying; ke e ame hom je areto a thabûng ke li wâ, kʼ ame bwele hnyi drany ai me oleâ, me thuthu, me ham je areto ka laten, ke laten ka tavat ae se hia.

Mataio 15:36

ke e ame hom je areto a seven me je ong wâ, me e ame oleâ me thuthu, me ham ka laten, ke laten ka tavat ae se hia.

Mataio 26:26

Ke ödrin e tiga han, me Iesu ame hom areto, me oleâ, me thuthu; ke e ame ham ka laten me ha ködrin, ka habe, Hom dö, an ju; walang unyik.

Mareko 14:22

Ke ödrin e tiga han, ke e ame hom areto, me oleâ, me thuthu me ham ködrin, me ha, ka habe, Hom dʼ öbun: walang unyik.

Mareko 6:40

Ke adre me laba gaga a ûsa wan haded, me ûsa fifte.

Mareko 6:42

Ke ödra hia adre me han me ame sekudra ju.

Mareko 7:34

ke e ame bwele thö hnyi drany ai, me mâng, me ha kâu, ka habe, Efatha, haba bongon, khong ut.

Mareko 8:19

Haba ji ge hnok hna thuthu je areto a thabûng ka tavat a faiv thauzan, ve ta tang a unöngöt a kolon öbun e hom? Haingödrin kâu, ka habe, Twelv.

Luka 24:30

Ke e ame tha laba mödru he ka han, me e ame hom areto, me oleâ, me thuthu me ham ködru.

Luka 9:16

Ke e ame hom je areto a thabûng me li wâ, me bwela hnyi dranyai, me oleâ, me thuthu, me ham ka laten he ka ip hnyi hnyimakan tavat.

Ioane 11:41

Me adre me hom but veto. Ke haba Iesu ame bwele thö görany ai me ha, ka habe, Cica lö, inya oge me ole köu anyin a u me ling nya.

Ioane 17:1

IESU ame ha ta je ûnyi e; ke e ame bwele hnyi drany ai me ha, ka habe, Cica lö, a o but ûen; ogânâ thö Nokom, me me oganö u minya bi Nokom:

Ioane 6:11

Haba Iesu ame hom je areto, ke a hia but oleâ, me e ame khenâ but ka tavat adre me ûlalabainy; helâe minya li ong wâ, hoton wedra.

Ioane 6:23

(ke so bi ame khop dö ke je ong galu ûheny Tiberia hakekeny ka hnyi dok adre me han hnyin hwaban hna ole hnen Than):

Ta je huliwa 27:35

E ame ha hofuc e, me hom areto, me oleâ ka Khong hnyi hnyimakodra hia: ke e ame susubâ, me hwân he ka han.

Roma 14:6

Haba at ame oûnyihnathoâ bong, e ame oûnyihnathoâ e ka Than: haba at ame han, ame han bi ka Than, anyin a e ame ole ka Khong; ke haba at ame ca han, e ame ca han ka Than, me oleâ ka Khong.

I. Korinito 10:31

Anyin a wale, öbun ka he ka han, me ic, me ânyâ ke ta je ûnyi bi, ânyâ hia thö hnân ogânâ Khong.

Deuteronomi 8:10

Ke u me he ka han sekon, me u me he ka hasoi Iehova Khongom ge hnyei ae so e ame ham köu.

Kolose 3:17

Ke haba ta je ûnyi hia öbun e ânyâ hnyi hofuc me huliwa, me ânyâ hia thö hnyi ien Than Iesu, ke oleâ ka Khong a Kamen deny e.

I. Samuela 9:13

öbu ka o hnyi taun öbu me he ka wâ, ke tiga ca ölö bi ka hnyi dok ae görany ka han: anyin ame ca he tavat ka ban, kʼ ame tiga ca o, anyin a hamen he ka hmö hut; hwaban e, ame hnyi han tavat adre hawâ. Ke olo thʼ öbu walang ang; anyin öbu me he ka wâ hnyi ûen ang.