Mareko 6:34 - Iaai Bible 1901 (New Caledonia)

³⁴ Ke e ame o but me wâ tavat ae se hia hmonyin, me e ame betenge gadra, anyin a ödra ûcû me ta je mamoe ae ba at ame tuö: me e ame hwân he ka nʼ ödra ge ta je ûnyi ae se hia.

Mareko 6:34 ပူးပေါင်းရင်းမြစ်များ

I. Je Than 22:17

Ke haingen, ka habe, Oge wâ but Isaraela hia adre me tot monu hon je bucen, helâ me ta je mamoe ae ba at ame tuö: ke haingö Iehova, ka habe, E ba tuhan tavat ang; hamödrin he ka ve hmetu ka hnyi je hnyabadrin hnyi hnahic.

II. Man Ûlabainy Je Than. 18:16

Ke haingen, ka habe, Oge me wâ but at Isaraela hia adre me ve avâ but hon je bucen helâ me je mamoe ae ba at ame tuö: ke haingö Iehova, ka habe, E ba tuhan tavat eang; ve hmetu ju ödrin ka hnyi je hnyabadrin me hnahic.

Isaia 13:14

Ke adre me he ka ve hwio ka hnyi idra ta je hnyei, me ve kec ka hnyi ta je idra, helâ me zebi adre hnu, me helâ me je mamoe ae ba at ame alen.

Jeremia 50:6

Haba je lakeik a hia but helâ me je mamoe a hia, a omonu ödra hnen tavat tuʼ ödra, adre hia but hna degeci ödra hon je bucen: adre me he monu hon je bucen me je hut, adre hnying ut hnödra hna menâ.

Ezekiela 34:5

Ke adre me ovesei ödra anyin ae ba at ame tuö: ke ame ön ödra thö ta je menoiny hnyot, kʼ adre me vese but.

Zakaria 10:2

Anyina a hia but ha thoi je idola, ke haba tavat bi khong adre hia but wâ thoi; ke adre hia but ha je bwi ae thoi, e ûnyi baû bi hnödra hna otubwelâ: anyin a wale adre me vheno je dedra helâ me je mamoe, adre me vec anyin ae ba at ame tuʼ ödra.

Numera 27:17

me me didrut hnyi hnyimaködra me dit hmetu hnyi hnyimaködra, me lili ödra e helē, me ohmetu ödra, me me ca he ûkhacaköu anyi Iehova ka helâ me hnahat mamoe ae ba at ame tuö.

Mataio 14:14

Ke e ame o thö me wâ tavat ae se hia, me e ame betenge gadra, me ohia hnödra ta je mok.

Mataio 15:32

Haba Iesu ame hawâ laten me ha ka habe, Inya oge me betenge ge tavat ae se hia, anyin a ödra bong kun dut eang unyik ke ba ö ʼdra: ke ca wek he ka kunʼ ödra kʼ ödra mekihnânem wâ adre nye he ka momonu eû hnyi gethen.

Mataio 9:36

Ke e ame wâ tavat ae se hia, me e ame betenge gadra, anyin a ödra sēnyin dut, adre me ve se but, helâ me ta je mamoe e ba at ame tuö.

Mareko 6:33

Ke a wâ but tavat ödrin e kec ut, ke se hia tavat adre me wâhmakhmeto ödrin, me adre me tha wadring hot ûnyi hnyi ta je taun, me bödra ke bilidrin bi.

Mareko 6:35

Ke haba hnyi sahac ame he but kâu laten me ha kâu, ka habe, Hnyebuba ang, ka sahac ut:

Mareko 8:1

HABA hnyi je bong eling, me e hu hmetu tavat ae se hia hmonyin, ke ba ö ʼdra, me e ame hawâ laten me ha ködrin, ka habe,

Mareko 8:2

Inya oge me betenge ge tavat ae se hia, anyin a ödra bong kun dut unyik, ke ba ö ʼdra:

Luka 9:11

Ke e khana but tavat me adre me he hoton: me e ame kap soi ödra, me ha kodra dokhu dokhon Khong, me omelö tavat a ödra mok.

Heberu 2:17

Wale me ka hamen e he ka wia e hēlâ me je liamekeiny më hnyi ta je ûnyi hia thithö, me me he ka at bihut ae nua ae betenge me hnathu hnyi ta je ûnyi anyin Khong, me me he ka hut bi, hnân ohia ta je hulo anyin tavat.

Heberu 4:15

Anyin ae ca hu bi gata at bihut ae nua at ame ca hnyi vec hnyi anyita ta je sënyin; ke so bi at adre hia but cubec ge ta je ûnyi hia thithö helâ möta, ke ba bi anyin hulo.