Mareko 5:23 - Iaai Bible 1901 (New Caledonia)

²³ me khöû hwege, ka habe, Ame he but ka mok nokuk in ae ûhnyûkong: ö u he thö jem he ka me ip li hnyamâm hon, me me so but, me me he ka mödrut.

Mareko 5:23 ပူးပေါင်းရင်းမြစ်များ

II. Je Than 5:11

Ke ame hmönyi Naamana, me e ame be, me ha, ka habe, Wâ bi, oge me ûnykûme a e ame he ka didrut me tot me hawâ iö Iehova a Khongon, me aba dok eling ge hnyamen, me ohia lepera.

Salamo 107:19

Ke adre me tenge kö Iehova hnyi anyi dra hloûhloû, Me e ame omeli ödra ûnyi hnyi anyidra ta je vec.

Salamo 50:15

Ke hao nya thö hnyi bonginy vec; Oge me he ka omeli u, ke ume he ka oganö nya.

Mataio 8:3

Me e ame inâ but hnyamen me kâlâ, me ha; ka habe, E bewek; u je so but. Me ame ie hia but hnân lepera.

Mareko 16:18

adre me he ka kât je on, ke adre ne ijem ke ûnyi hnân mekiny, me ame ca be ka okongu ödrin; adre me he ka ip je hnyamödrin hon ta je komok, me ame he ka möt dö.

Mareko 5:24

Ke e ame tha he mē; ke se hia hmonyin tavat adre me he hoton mē, me adre me ûhneki mē.

Mareko 6:13

Ke se hia ta je demoni ödrin e obâ, ke se hia tavat a ödra tren mok, ödrin e hû ge wakaco, me omeli ödra.

Mareko 7:32

Me adre me hom but kâu at ae wejiji ke teta minya hwan; me adre me khöû kâu he ka ip hnyamen hon.

Mareko 8:23

Me e ame hom hnyamen at ae wadröu, me lelö thö e ka hnyi hoton taun; ke a hia but hangöjâ li emakan, me ip li hnyamen hon, me e ame hnö e, ka habe, U me wâ ke ûnyi?

Luka 13:13

Ke e ame ip li hnyamen hon momo: me e ame ie wisa but, me ogânâ Khong.

Luka 4:38

Me e ame todrö ûheny hnyi sunago me didro ka hnyi uma umo Simona. Ke haba hinyen öiö Simona ame moko kahwa ae gan hmâ; ke adre me khöû kâu hobi kâu momo.

Luka 4:40

Ke ame he but ka dit seûno, haba ödra hia ae hu je komok ae ve bongon, adre me hum ödra kâu; ke e ame ip li hnyamen hudrin hia, me osoi ödra.

Luka 7:12

Ke e ame hakekenyâ homagouleny taun, me wâ bi, adre me vadren dut at a mokcu, nokon hinyen a khaca thibi, ka safac ut momo: ke tha e me tavat ae se hia ûnyi hnyi taun.

Ioane 11:3

Ke haba li lahaniny, me ödru me ûkhûnöng he ka ha kâu, ka habe, Taböny Than, mē wâ bi at u me betenge gan ame mok.

Ta je huliwa 28:8

Ke haba kamö Popilio ame moko kahwa me kongo dra: ke haba Paulo ame didro kâu, me hic, me ip li hnyamen hon e, me osoâ e.

Ta je huliwa 6:6

adre me otilʼ ödrin hnyi hnyimakan je aposetolo: ke ödrin e hia but hic, me ödrin e ip je hnyamödrin hudrin.

Ta je huliwa 8:17

Ke ödru me ip li hnyamödru hudrin, me ame o thö ködra Hanu Kap.

Ta je huliwa 9:12

ke e a hia but wâ at, Anania ien, ame didro, me ip li hnyamen hon e, me e ame he ka bwele hmetu but.

Ta je huliwa 9:17

Me ame he but Anania, me didro ka hnyi uma; ke e ame ip li hnyamen hon e, me ha, ka habe, Saulo lö, liamekeiny mönya, a kunö nya Than Iesu, waleji a manen köu eû hnyi gethen u je he hnyin, mʼ u me bwela but, me unöngöt ge Hanu Kap.