Mareko 5:13 - Iaai Bible 1901 (New Caledonia)

¹³ Me e ame hnʼ ödrin dut. Me ame didrut ta je hanu ae kong, me delec je buaka: me ame wadring ut hnahat buaka ûheny dö hnyi dok ae hwatapkolu ka hnyi köiö, me ame û but eû hnyi köiö, ödra helâ me tu thauzan.

Mareko 5:13 ပူးပေါင်းရင်းမြစ်များ

I. Je Than 22:22

Ke haba Iehova ame ha kâu, ka habe, U ma he ka kâmâu? Me haingen, ka habe, Oge me he ka he but, ke oge me he bi nya a hanu ae thoi hnyi hnyimen anyin ta je perofeta hia. Haingen, ka habe, U me he ka iyawâ, me u me he minya ka tom: he thö, me ânyâ helâe.

Jobu 1:12

Me haba Iehova ame ha kö Satana, ka habe, Wâ bi, e but anyin ta je ûnyi hia tbithö hnyi hnyamâm, ke so bi u ma ca he ka hai hnyamâm ka hnyi hon unyin bi. Me haba Satana ame he but ûheny hnyi hnyimakö Iehova.

Jobu 2:6

Haba Iehova ame ha ko Satana, ka habe, Wâ bi, e but e hnyi hnyamâm, ke wâ thibi anyin möt.

Mataio 7:6

Ca ham ûnyi ae kap ka ta je kuli, ke ca khûâ anyibun ta je penina ka hnyi hnyimakan ta je buaka, wâ ödrin nye uto but ge je cadrin, ke hwio me kiʼ öbun.

Mataio 8:32

Ke e ame ha ködrin, ka habe, He thʼ öbun. Ke ödrin e dit ut, me delec hna hat buaka: ke wâ bi, haba hna hat buaka hia thithö adre me wadring ut jime thö ban hwatapkolu ka hnyi köiö, me adre me mokcu.

Mareko 5:12

Me ödrin e khöû kâu, ka habe, Ö u he ka obʼ ohmun ka hnyi je buaka, mʼ ohmun e he ka dilic ödra.

Mareko 5:14

Me ame kec ut tavat adre me han buaka, me thumetu e hnyi taun me hnyei. Ke adre me o thö he ka hnyi wâ hna ânyâ.

Ioane 8:44

Ûnyi ge kamöbun öbun, wale diabolo, ke öbun e behe ka ânyâ weny ae kong anyin kamöbun. E at ûhlingö hwân hnyi can, kʼ ame ca tethmâ hnyi hnathu, anyin ae ba hnathu gan. E ka he ka ha thoi, me ka ûnyi gan, anyin a e at thoi, ke kamen thoi.

I. Peteru 3:22

wale hnyi ke keihen a metân Khong, ke a ölö hnyi drany ai: ke ame löng hoton hnen ta je angela, me tavat musi, me ta je man.

Hna Omanenâ 20:7

Ke e ka bekhöt dö je huna a wan thauzan, me adre me he ka thong Satan hmetu but ûheny hnyi uma ceat,

Hna Omanenâ 9:11

Ke tuhödra angelainy hmonop ae dit hmonyin: haba ien hnyi hwen Heberu Abadon, ke hnyi hwen Heleni, me Apoluon.