Mareko 4:28 - Iaai Bible 1901 (New Caledonia)

²⁸ Ke haba kânâ ame ka hamen bi okûâ jeû; ame bân bâtân, me ame vhöng ut, me biliny ka bekhöt wan hnyi hlanyin.

Mareko 4:28 ပူးပေါင်းရင်းမြစ်များ

Genese 2:9

Ke Iehova Khong ame okûâ ûnyi hnyi kânâ ta je ûö hia thithö ae hmanenang at ka wâ, me so hnân han; me ûöiny möt minya hnyi wanben hnyei, me ûöiny wâhmakhmeto so me kong.

Salamo 1:3

Me e ame he ka ûcû me ûö adre ta hnyi i baten ta je wagewe, Kʼ ame wa but wan hnyi huna, Kʼ ame ca meleca thö lan; Kʼ ame he bi ka hnahic ta je ûnyi hia e ame ânyâ.

Ta je Vejec 4:18

Ke haba gethen deny tavat ae wisa me helâ me melam ae hadröngöc, Ame melam tot ke ne o but jebigö.

At Khet 3:1

E HU bonginy ta je ûnyi hia, me ûen hobi kâu ta je huliwa hia hnyi hmeledrany:

At Khet 3:11

E ame hia but ânyâ ta je ûnyi hia he ka hmanenang hnyi je ûen ae ûcû: ke khaca, e ame ip ûnykûme ka hmeledrany eû hnyi hnyekudra, ke so bi, at ame ca wâ huliwa ame ânyâ Khong ûnyi hnyi hwân, ke ne o but hnyi obiny.

Isaia 61:11

Anyin a kânâ ame okûâ je vongon, ke ta hnyei ame okûâ je hatong adre me tä hnyin; helâe minya ame he Iehova ka okûâ kwakecin ae wisa me ogânâ hnyi hnyimakan ta je hnyei hia thithö.

Hosea 6:3

Ke so ate me wâhmakhmeto, e so ate me he hoton he ka ö Iehova; e hmâ bi hnen hna he, helâ me hnyomakatu; ke e ame he ka o köta helâ me we, helâ me we a biliny ame hû kânâ.

Mataio 13:26

Ke ame kû thö bâtân me wa, me ame manen minya but zizania.

Mareko 4:27

kʼ ame mokut hnyi je hnyinghet, kʼ ame hmak dö hnyi ta je hnyomakatu, ke ame kû thö bâtân me beû but, ke ca khana bi bongon.

Mareko 4:29

Ke e ka metu but wan e ame ie inâ but hele, anyin a ûen dut menu.

Filipi 1:6

ke oge me wâ cicöâ ûnyi eang, a haba at ame ibi hwân huliwa eû hnyi je hnyekubun, me ame he at eling ka obekhötâ e ke ne o but hnyi bong bongi Iesu Keriso:

Kolose 1:10

mʼ öbun e he bala ka ûcû ka Than, he ka osenyinâ bala e, me wa hnyi ta je huliwa ae so hia, me kû tot hnyi metâ anyin Khong;