Mareko 4:20 - Iaai Bible 1901 (New Caledonia)

²⁰ Ke walang je hna jijingâ hon kânâ ae hoso; a tavat adre me long hofuc, me kap, me hu wan dut, ûsa thote, me sikste, me wan haded.

Mareko 4:20 ပူးပေါင်းရင်းမြစ်များ

Genese 26:12

Ke Isaaka ame belök hnyi hnyei e, me meno a khaca haded troban hnyi huna e: ke Iehova ame ohnahicâ e.

Mataio 13:23

Ke haba hna tā hon kânâ ae hoso, wale at ame long hofuc, me wâ ûnykûme; at ame hing wa, me hu wan, keihen ûsa wan haded, ke keihen ûsa sikste, ke keihen ûsa thote.

Mataio 13:8

ke ame kolu but keihen ka hnyi kânâ ae hoso, me wa but, keihen ûsa wan haded, keihen ûsa sikste, keihen ûsa thote.

Mareko 4:8

Ke ame kolu but keihen ka hnyi hon kânâ ae hoso, me kû thö me hlau but, me wa; me ame hu wan dut, ûsa thote, me sikste, me wan haded.

Luka 8:15

Haba keihen hnyi kânâ ae hoso, wale tavat adre me long hofuc me hnyok ae so me hnathu, me kât hmâ, me wa wan a deny hok hnyok.

Ioane 15:16

Öbun e ca ûco nya, ke oge me ûcʼ öbun, me otilʼ öbun, mʼ öbun e he ka he me wa, me tet hmâ ju wan gabun: me me he Kamen ka ham köbun ta je ûnyi hia öbun e he ka sumâtâ huyi iök.

Ioane 15:2

E ame hom but ta je vheiny gak ame ca wa: ke haba ta je vheiny ae wa, e ame ânyâwia, me me wa gan dut.

Roma 7:4

Hnyat me lakeiny mönya lo, helâe minya öbun, Öbun e mok ut ka hnyi hnanyibu hnen unyin Keriso; me öbun e he ka ihok me ke at, waleji adre omelö hmetu ûheny hnyi hna mok, mate me he ka wa wan ka Khong.

Filipi 1:11

mʼ öbun e unöngöt ge je wan hwakecin ae wisa ûnyi ga Iesu Keriso, hnân ogânâ me haisoâ Khong.

Kolose 1:10

mʼ öbun e he bala ka ûcû ka Than, he ka osenyinâ bala e, me wa hnyi ta je huliwa ae so hia, me kû tot hnyi metâ anyin Khong;

I. Thesalonika 4:1

KE walang obiny, hnyat me lakeiny lö, öhmun e sumat me ûjengi öbun ge Than Iesu, ka habe, haba hnöbun hna kap gahmun ge bongon he a öbun, me me osenyinâ Khong, ke öbun e he helâe,— mʼ öbun e he ka hwege tot hnyin bala.

II. Peteru 1:8

Anyin a ne e unyibun ta je ûnyi e, kʼ ame ne se, me wale ame he ka wiʼ öbun mʼ öbun e ca hnyat baû bi, ke ca hnyat bi adre me ca wâ, hnyi hna wâhmakhmetoâ Tuhöta Iesu Keriso.