Mareko 4:15 - Iaai Bible 1901 (New Caledonia)

¹⁵ Haba je hna jijingâ hnyi baten gethen, me wale adre me tā hofuc hnyin; ke adre me long ut me ame ie o but Satana me hom dö hofuc adre me tā unyidra.

Mareko 4:15 ပူးပေါင်းရင်းမြစ်များ

Genese 19:14

Ke Lota ame didrut me ûhnenamö me laûngon, hnyat ödrin e hom lakon je hlu, me haingen, ka habe, Todrö, kec dö ge dok ang, anyin ame he Iehova ka ohia hnyei. Ke laungon ödrin e ûnykûme a gʼ ame ûhiö.

Isaia 53:1

IE at a kap anyihmun ûthumetu? kʼ adre hia but omanenâ kö ia benyi Iehova?

Zakaria 3:1

KE e ame omanenö Josua könya wale at bihut ae beönua, ame tot hnyi hnyimakan angela anyi Iehova, ke haba Satana ame tot hnyi ke keihen a metân he ka iwahnaihmiony më.

Mataio 13:19

E ka long ut ke at hofucin dökhu, ke ame ca wâ ûnykûme bi, me ame o but at ae kong, me hûgûnâ ûnyi adre tā eû hnyi hnyekon. Wale thibi e hna tā hnyi baten gethen.

Mataio 22:5

Ke adre me oûnyibâûâ me ve se but, ke at ka hnyi iny ta hnyei, ke ke at ka hnyin anyin hna ûcû:

Mataio 4:10

Ke haba Iesu ame ha kâu, ka habe, Satana lö, kec dö: anyin adre hia but sihnalimen, ka habe, U ma he ka khudrung ka Than a Khongom, me bi athnyabainy thibi.

Mareko 4:14

Haba at belök ame tā hofuc.

Mareko 4:16

Ke walang je hna jijingâ hnyi dok ae hudei, a tavat adre me long hofuc me ie kap senyinâ;

Mareko 4:4

ke e ame jijingâ me ame kolu but keihen eû hnyi baten gethen, me ame o but ta je meno ame gâ, me an dö.

Luka 8:12

Haba keihen hnyi baten gethen, wale tavat adre me long; me ame o but diabolo me hom dö hofuc ûnyi hnyi je hnyekudra, wâ adre nye labageju mʼ ödra mödrut.

Ta je huliwa 17:32

Adre me long möt hmetu ûnyi hnyi hna mok, me haba keihen adre me hiâ; ke haingen keihen, ka habe, Ohmun e he ka ling u hmetu ge ûnyi e hnyi ke ûen.

Ta je huliwa 5:3

Ke haba Peteru ame ha, ka habe, Anania lö, ieû ga Satana ame ounöngötâ hnyekom, me u me he ka thoi ka Hanu Kap, me behânâ duöngâ ke keihen hwaban hnyei.

II. Korinito 2:11

wâ e nye iyâûʼ öta Satana, anyin ae ca iyong köta anyin ta je bihihwakecin.

II. Thesalonika. 2:9

haba ioiny me hoton huliwa anyi Satana, me man hia thithö, me ta je haten, me ta je ûöman ae thoi,

Heberu 12:16

wâ e nye hu ke at bi ûnyi monu, me at thothom baga helâ me Esau, waleji at ame ham hwajekhon atö he ka ûco ûjeû.

Heberu 2:1

ANYIN a wale, e ûcû köta he ka oûnyihnatho hmonyinâ ta je ûnyi waleji adre löng, wâ e nye haûhaû but gata.

I. Peteru 5:8

Metâ but öbun, ke hmâkâ thö: haba iwahnaihmiony möbun, wale diabolo ame ngenu helâ me liona ame kuku, kʼ ame heleû haniny:

Hna Omanenâ 12:9

Me adre me obâ but drakona ae gan, wale on adrem, adre hwenyi ien Diabolo, me Satana, at ame omonoâ hmeledrany hia thithö; adre obâ but ka hnyi hmeledrany, ke adre tha obâ e me anyin ta je angela.

Hna Omanenâ 20:10

Ke adre me khûö diabolo at ame omonu ödra ka hnyi nem a meic me teio, waleji a hnen minya meno me perofeta thoi; ke adre me he ka oveci ödra hnyi lany me lit nyiele nyiele balua.

Hna Omanenâ 20:7

Ke e ka bekhöt dö je huna a wan thauzan, me adre me he ka thong Satan hmetu but ûheny hnyi uma ceat,