Mareko 2:20 - Iaai Bible 1901 (New Caledonia)

²⁰ Ke ame he ka o ûen he ka hom gadra at a tep faipoipo, me wale but e ûen adre me he bi ka ânyâ hnyin ca han.

Mareko 2:20 ပူးပေါင်းရင်းမြစ်များ

Salamo 45:11

Be me he than ka weny soâm: Anyin a e thibi Tuhâm; ke nom ju kâu.

Khumöng Hwanyi Solomona. 3:11

Wahluiny Ziona lo, he thʼ öbun ka û Solomona than, A bicâ korona wale hnen hinyen hna okorona e hnyi bonginy ûköcö, Ke hnyi bong e ame senyin huyi hnyekon.

Isaia 54:5

Anyin a âiâm bi at a up u: haba ien, me Iehova tuhan sabaoth: ke haba at a ûcû melam, me Kabi Isaraela; adre me he ka hawâ e me Khongon hmeledrany hia thithö.

Isaia 62:5

Anyin a helâke hidröu ame hom hlu, helâe ame he je lakom ka faipoipo möu: ke ame he Khongom ka senyin köu, helâ me at ame hap faipoipo ame senyinâ âiân.

Zakaria 13:7

Hele vat lö, hmak dö ka at ame tuö mamoe könya, me ûcon at ae ûcû mönya, haingö Iehova tuhan sabaoth: kot dö at ame tuö mamoe, me ame he ka ve se but ta je mamoe; ke oge me he ka wia hnyamök ka tavat ae ûhnyûkong.

Mataio 26:31

Haba Iesu ame ha ködrin, ka habe, Öbun e he hia ka thö thö can inya hnyi lit ang: anyin adre hia but sihnalimen, ka habe, Oge me he ka kot at ame tuö mamoe, me ame he ka vese but ta je mamoe.

Mataio 9:15

Ke haba Iesu ame ha ködrin, ka habe, Hawa, e khana lahanen at a tep faipoipo he ka tenge, e ka tiga e unyidrin at a tep faipoipo? ke ame he ka o je bong me adre me he ka hom dö gadrin at a tep faipoipo, me wale ûen ödrin e he ka ânyâ hnyin ca han.

Mareko 2:19

Ke Iesu ame ha kodra, ka habe, Hawa, e khana lahanen at a tep faipoipo he ka ânyâ ca han ke tiga e unyidrin at a tep faipoipo? E ca khanʼ ödra he ka ânyâ ca han, e ka tiga laba unyidra at a tep faipoipo.

Mareko 2:21

E ba ke at ame ûtibetköuâ ecmano a teb ûnyi ka hnyi ûkhaû ae bobot ut: wâ e nye ok ut ecmano ae bobot ge ecmano ae hât adre me ip hnân okhötâ, me ame he ka gan hmâ but mou.

Luka 17:22

Ke e ame ha ka laten, ka habe, Ame he ka o ûen, öbun e he ka weny he ka wâ ke bonginy Nokon at, ke öbun e ca he ka wâ.

Luka 5:35

Ke ame he ka o je bong, me adre me he ka hom dö at a tep faipoipo, wale but e ûen ödrin e he ka ânyâ hnyin ca han.

Ioane 12:8

E bala unyibun ta je theduoc; ke oge me ca he bi nya ka laba bala unyibun.

Ioane 13:33

Lakuk lö, e ca beû biju ûök unyibun. Öbun e he ka elöm nya: ke haba hnok hna ha ka at Juda, me oge me ha minya walang ang köbun, ka habe, E ca khanʼ öbun he ka he ka hnyi dok oge me he ka hnyin.

Ioane 16:28

Oge me he but ûhek unyin Kamen, me o eang hmeledrany; ke oge me he hmetu ka hna hmeledrany me he ka Kamen.

Ioane 16:7

Ke so bi, inya oge me ha köbun hnathu, ka habe, E so hnân hobi köbun iny ka he but; anyin a oge ne ca he, me ame ca he ka o köbun Ûhadruo; ke oge ne he but me oge me he ka kunâ e köbun.

Ioane 17:11

Ke oge me ca he hmetu ka laba eang hmeledrany, ke ödrin e he biju ka laba eang hmeledrany, ke inya oge me he but köu. Kamök ae kap lö, tuʼ ödrin ju hnyi iâm waleji u je ham könya, mʼ ödrin e khaca thibi helâ me ötu.

Ioane 17:13

Ke walang ang inya oge me he ka he but köu; ke inya oge me ha ta je ûnyi e eang hmeledrany, me me he ka hwâdâ anyik senyin eû hnyi je hnyekudrin.

Ioane 3:29

Haba at ae hu hlu a teb faipoipo, me wale baga a teb faipoipo mē, ke haba hanen baga a teb faipoipo, at ame tot ka long e, me ame senyin gan hmâ ge ifucin at a teb faipoipo: anyin a wale e hwâdâ but anyik senyin ang.

Ta je huliwa 1:9

E ame ha e, me adre me hom dö e hnyi drany ai, kʼ ödrin e wâ; me ame kap e hnyi ûlâ me me ca manen bi.

Ta je huliwa 14:23

Ke ödre hia but otilâ wahingat hobi kodra hnyi ta je ekalesia, ke ödre hic me ânyâ ca han, me ödru me hnʼ ödra but ka Than, at adre me labageju kâu.

Ta je huliwa 3:21

at a kap hnen drany ethö ke ne o but hnyi je ûen ame he! ka hwâdâ hnyin ta je ûnyi hia waleji ame ha hnen Khong a deny anyin ta je perofeta hia thithö ae kap hwân kâû adrem bala.

I. Korinito 7:5

Ca behânâ ke at hnen ke at, ke so bi e tha hnyekubu hnyi ke ûen, möbu me he ka hnʼ öbu but ka hic, me öbu me he ka tha laba hmetu bi, wâ e nye cubic öbu Satana anyin ae ca khanʼ öbu hokhnyok.

II. Korinito 11:2

Anyin a inya oge me ciʼ öbun ge hwakecin ciâ anyin Khong: anyin a oge me kocʼ öbun ka baga a khaca, mʼ inye he ka hum öbun ka Keriso helâ me hlu cici.

II. Korinito 11:27

inya hnyi huliwa ae hmak, me vec, me osehia hmâkâ, me mekihnânem, me beic, me ibiose hokhnyok, me hnyi megic, me he thu.

II. Korinito 6:5

me hna osoâ, me hnyi uma ceat, me hnyi je imonumonu, me ta je huliwa, me hmâkâ me mekihnânem;

Hna Omanenâ 19:7

E so ate me senyin me hobâ, ke so ate me ham kâu hna ogânâ: anyin ame o but Arenio he ka faipoipo, ke a hia but âiân hamen penapena e.

Hna Omanenâ 21:9

Ke ame o but könya ke at hnyi je angela a seven hnyat ae hu je kaia a seven ae unöngöt ge je mok a seven a biliny; me e ame ûhnenamö mönya, me ha, ka habe, Aiö u, oge me he ka omanenâ köu hlu âiân Arenio.