Mareko 2:16 - Iaai Bible 1901 (New Caledonia)

¹⁶ Ke a wâ but e hnen hnyat sihnalimen, hanen je Faresaio a gʼ ame tha han me je telona me tavat ae kong, me adre me ha ka laten, ka habe, E ame tha han me ic me ta je telona me tavat ae kong.

Mareko 2:16 ပူးပေါင်းရင်းမြစ်များ

Isaia 65:5

tavat adre me ha, ka habe, Tot ut hââng, ca hakekenyi nya anyin a iny kap hom: wale hai hnyi li hnyingöik, ke meic ame hiâ hnyi je bong hia.

Mataio 18:17

Ke a ne höcö ling ödrin, ha thö ka ûkhacaköu: ke a ne höcö long ûkhacaköu, hna but e me me he ka helâ köu me Aten ke je hnyei, ke ta je telona.

Mataio 5:46

Anyin öbun e ne betenge ge tavat adre me betenge gabun, me, ieû hwaban köbun? hawa, a ca ânyâ helâe ta je telona?

Mataio 9:11

Ke haba ta je Faresaio ödrin e wâ, me ödrin e ha ka laten, ka habe, Ieû ge At ûne köbun ame tha han me ta je telona me tavat ae kong?

Mareko 2:15

Ke e ame laba hnyin umen uma, ame han, ke se hia minya ta je telona me tavat ae kong adre me tha laba me Iesu me laten: anyin a ödra se hia, hnyat adre me he hoton.

Mareko 2:7

Ehö at ang ame fuc helâe? e ame ha bigan ka Khong: ia ae khana he ka thang degecâ ta je hulö, a hake Khong thibi?

Luka 18:11

Haba Faresaio ame tot me hijö e bi helâng, ka habe, Khong lö, inya oge me ole köu, anyin a iny ca ûcû bi me keihen, a tavat venöu, me hwali hwakecidra, me tavat bi ûnyi monu, kʼ iny ca ûcû minya bi me telona ang.

Luka 19:10

Anyin a o but Nokon at he ka elâm, me omelö wahia.

Luka 19:7

Ke ödra hia adre me wâ e, me adre me ulidra, ka habe, A he but ka tha laba me at ae kong.

Luka 5:30

Ke haba ta je Faresaio me tavat sihnalimen unyidrin, adre me ulidro laten, ka habe, Ieû gabun öbun e tha han me ic me ta je telona, me tavat ae kong.

Ta je huliwa 23:9

Me ame kû thö imediököu ae gan, me ame todrö tavat sihnalimen lahien ta je Faresaio, me ha hwegiâ, ka habe, E ba monu ge at ang ohmun e wâ: ke ame ne ha kâu la hnen angela, kʼ ame ne hnen angela, ieû?

I. Korinito 2:15

Ke haba aten hanu ame wâ ûnykûme ta je ûnyi hia, ke ame ca wâ ûnykûme e hnen ke at.

Heberu 12:3

Anyin ae so öbun e ûnykûme e, at ame hokhnyokâ hnödra hna ivinö hwege mʼ ödra hnen tavat ae kong, wâ e nye sënyin me monumonu je hnyekubun.