Mareko 16:19 - Iaai Bible 1901 (New Caledonia)

¹⁹ A hia but ha ködrin Than, me adre me kap dö e hnyi drany ai me ip e hnyi ke keihen metân Khong.

Mareko 16:19 ပူးပေါင်းရင်းမြစ်များ

Salamo 110:1

HAINGÖ Iehova ka tuhok, ka habe, Laba ju hnyi ke keihök a metök, Ke ne o but oge me he ka wia ta je iwahnaihmiöny möu me hnân taben li cam.

Mareko 16:20

Me ödrin e he but me khetâ hnyi ta je hnyei hia, ke Than ame tha huliwa mödrin, me ohnathoâ ta je hofuc ge ta je haten ame tha he. Amen.

Luka 22:69

ke hwân dö ang ke ne o but nyiele, ame he Nokon at ka laba hnyi ke keihen a metân man maniny Khong.

Luka 9:51

Ke ame hwân ka o but ûen adre me he ka kap e goranyai, me e ame hwege thö he ka he Jerusalema ai,

Ioane 13:1

A TIGA ca bijeûâ paseka, ke a wâ Iesu a ga o but ûen he ka he but ka Kamen ûheny ang hmeledrany, ke a hia but hnyokâ lahanen eang hmeledrany, me e ame hnyoki ödra ke ne o but obiny.

Ioane 16:28

Oge me he but ûhek unyin Kamen, me o eang hmeledrany; ke oge me he hmetu ka hna hmeledrany me he ka Kamen.

Ioane 17:13

Ke walang ang inya oge me he ka he but köu; ke inya oge me ha ta je ûnyi e eang hmeledrany, me me he ka hwâdâ anyik senyin eû hnyi je hnyekudrin.

Ioane 20:17

Iesu ame ha kâu, ka habe, Ca kalö nya bi; anyin a iny tiga ca ölö ka Kamen: ke he thö ka je liamekeiny mönya, me ha ködrin, ka habe, Inya oge me he ka ölô ka Kamök a Kamöbun, ke Khonguk a Khongubun minya.

Ioane 21:15

Ke ödrin e hia but han haba Iesu ame ha kö Simona Peteru, ka habe, Simona nöku Jona, u me hnyok könya hon hnyat ang? Haingen kâu, ka habe, E, Than; u me wâ a inya oge me hnyok köu, E ame ha kâu, ka habe, Hûn bi ju halek je arenio.

Ioane 21:22

Iesu ame ha kâu, ka habe, Oge ne wek e ame he ka ûlubahing ke ne o but oge me o, hnân eû köu? he bi u hotuk.

Ioane 6:62

Ame ne he ka hawa öbun ka he ka wâ Nokon at ame ölö ka hnyi hnen bi ehac?

Ta je huliwa 1:22

hwân hnyi hna bapataiso hnö Ioane, ke ne o but hnyi bong adre me hom dö e goranyai gata, e ûcû he ka ûca ke at gadra he ka hnyi ohnatho möta möt hmetu thö a e.

Ta je huliwa 2:33

Ke walang ang e ame laba goranyai ûnyi ge hnyam a metân Khong, kʼ ame hia but kap ûnyi ge Kamen Hanu Kap waleji e ame ha bânâ, me e ame hingâlâ but ûnyi ang öbun e wâ me long.

Ta je huliwa 3:21

at a kap hnen drany ethö ke ne o but hnyi je ûen ame he! ka hwâdâ hnyin ta je ûnyi hia waleji ame ha hnen Khong a deny anyin ta je perofeta hia thithö ae kap hwân kâû adrem bala.

Roma 8:34

ke ie at ame he ka ohnaûhangoâ? Hamen Keriso, at ame mok me möt hmetu ûheny hnyi hna mok, e but hnyi ke keihen metân Khong, kʼ ame khöû hobi köta.

Kolose 3:1

ANYIN a wale, adre ne hia but tha omeli öbun hmetu me Keriso, elâm dʼ öbun ta je ûnyi ethö, wale dok ame laba hnyin Keriso hnyi ke keihen a metân Khong.

I. Timoteo 3:16

Ke ca hnân ivinoâ, ka habe, e gan hmâ ûiyonginy hwakecin ae ûcû me Khong, ka habe, E ame manen dut hnyi unyin, ame haiwisa hnyi hanu, ame wâ hnen ta je angela, adre me khetâ hnyi ta je hnyei, adre me labageju kâu hnyi hmeledrany, adre me kap goranyai ka hnyi hmanenang.

Heberu 1:3

ke e thibi hadröngöcin anyin hmanenang ke at a ti we e, kʼ ame otilâ hmâ ta je ûnyi bia thithö ge hwan hofuc ae man, ke a hia but hneû degecâ ta je hulo, me e ame laba ju hnyi ke keihen a metân Beönua ethö;

Heberu 12:2

me ō Iesu at ame hwân me obekhötâ labageju, waleji at ame hokhnyokâ satauro, kʼ ame ca oûnyihnathoâ hmehma, ûnyi hnyi senyin adre me ip hnyi hnyimakan, ke e ame laba ju hnyi ke keihen metân theron anyin Khong.

Heberu 4:14

Ke hu but gata hing at bihut ae nua, at ame hia but vheno drany ethö, wale Iesu a Nokon Khong, anyin a wale e so ate me kât hmâ anyita hmi.

Heberu 6:20

waleji ame didro kâu Iesu at a bân hobi köta, anyin adre me wia e me me at bihut ae nua nyiele balua helâ me bongu Melekisedek.

Heberu 7:26

Anyin ae ûcû köta at bihut eling ae, nua, ae kap, ae ba hulo gan, me ba hnyikongon, me ûsâkâûö me tavat adre me anyâ hulo, ke adre öbeönua hon drany;

Heberu 8:1

KE walang hing onyen ta je hofuc öhmun e ha, ka habe, E hu but gata at bihut ae nua helâe, waleji at ame laba hnyi ke keihen metân theron anyin Beönua hnyi drany, at huliwa hnyi dok ae kap,

Heberu 9:24

Anyin ame ca dit Keriso ka hnyi dok ae kap adre me ânyâ ge je hnyam, wale tulutiny ûnyi ae hnathu; ke so bi ka hnyi hing drany he ka manen walang ang hnyi hnyimakan Khong hnân hobi köta:

I. Peteru 3:22

wale hnyi ke keihen a metân Khong, ke a ölö hnyi drany ai: ke ame löng hoton hnen ta je angela, me tavat musi, me ta je man.